रक्षामन्त्रीमा सुजाता कोइराला !

प्रधानमन्त्री शेरबहादुर देउवाले विस्तार गर्ने नयाँ मन्त्रिमण्डलमा नेपाली काँग्रेसकी नेतृ सुजाता कोइराला मन्त्री बन्ने करिब निश्चित भएको स्रोतले जनाएको छ ।

प्रधानमन्त्री शेरबहादुर देउवाले कोइरालालाई मन्त्री बनाउन लागेका काँग्रेसको उच्च स्रोतले दाबी गरेको छ । प्रधानमन्त्री देउवाले रिक्त रहेका उद्योग, वाणिज्य तथा आपूर्ति र रक्षा मन्त्रालयमा मन्त्री ल्याउन लागेका हुन् ।

कोइरालालाई रक्षा मन्त्रालय दिने देउवाले तयारी थालेका छन् । स्रोतका अनुसार अर्को मन्त्री कसलाई बनाउने भन्ने टुङ्गो लागि सकेको छैन । निर्वाचनको मिति तोकिसकेपछि मन्त्रिपरिषद् विस्तार गर्न नपाउने भएकाले प्रधानमन्त्री देउवा मन्त्री बनाउने प्राथमिकता दिएका हुन् ।

दुई मन्त्री नियुक्त गर्न देउवाले बिहीबारको नियमित मन्त्रिपरिषद् बैठक नराखेको बुझिएको छ । अब बस्ने मन्त्रिपरिषद् बैठकबाट निर्वाचनको मिति तोक्ने देउवाको तयारी छ । त्यसअघि उद्योग र रक्षा मन्त्री बनाउने गरी उनी अगाडि बढेको बताइएको छ ।

यस्तै प्रदेश १ सरकारले तीन महिनासम्म पूर्णता पाउन सकेको छैन। सत्तारुढ गठबन्धनका पाँच दलबीच मन्त्रालय बाँडफाँडमा सहमति नहुँदा सरकारले पुर्णता पाउन नसकेको हो ।

पाँच दललाई भागबण्डा मिलाउन प्रदेश १ का सात मन्त्रालयलाई फुटाएर ११ बनाउन लागिएको छ। तैपनि कांग्रेसले ६ वटा मन्त्रालय दाबी गरेपछि सरकार विस्तार अड्किएको हो।

मुख्यमन्त्री राजेन्द्रकुमार राईले २० माघभित्र सरकारलाई पूर्णता दिने योजना बनाएको भए पनि नेकपा एकीकृत समाजवादी मुख्यमन्त्रीसहित चार र नेकपा माओवादी केन्द्रलाई तीन र कांग्रेसलाई चार मन्त्रालय दिने योजना थियो।

तर, कांग्रेसले अन्तिम समयमा आएर ६ मन्त्रालय दाबी गरेपछि मन्त्रिपरिषद् विस्तार रोकिएको छ। १६ माघमा बसेको मन्त्रिपरिषद् बैठकमा पनि मन्त्रालय बाँडफाँडको विषयमा छलफल भएको थियो।

काग्रेसले आफ्ना धेरै सांसद मन्त्रीको आकाक्षी रहेकाले उनीहरूको व्यवस्थापनका लागि पनि ६ मन्त्रालय पाउनुपर्ने दाबी गरेको रमन्त्रालय बाँडफाँडमा काग्रेससँग कुरा नमिलेको छलफलमा सहभागी एक मन्त्रीले बताए ।

काग्रेससँग मन्त्रालय बाँडफाँडमा सहमति नभएपछि मुख्यमन्त्री राई पार्टी अध्यक्ष माधवकुमार नेपालसँग छलफल गर्न मंगलबार काठमाडौं गएका थिए।

मुख्यमन्त्री राईले नेपाल मार्फत काग्रेस सभापति एव प्रधानमन्त्री शेरबहादुर देउवासँग छलफल गरी केन्द्रबाटै मन्त्रालय बाँडफाँडको विषयलाई टुग्याइदिन आग्रह गरेको छन्। उनी बिहीबार विराटनगर फर्किएका छन्।

काग्रेसका संसदीय दलका नेता एवं प्रदेशमा उच्च स्तरीय राजनीति संयन्त्रका संयोजक राजीव कोइरालले पाँच दलीय गठबन्धनभित्र सबैभन्दा ठूलो दलको हैसियतमा ६ मन्त्रालय पाउनुपर्ने माग नाजायज नरहेको बताए।

सरकारलाई पूर्णता दिन सात मन्त्रालयलाई विभाजन गरी ११ पुर्याउन लागेको भन्दै कोइरालाले यसमा आफूहरुको पार्टीको ६ वटा मन्त्रालय पाउनुपर्ने दाबी स्वभाविक रहेको बताए ।