बालुवाटारमा ओली ,देउवा र प्रचण्ड विच भएको कुराकानी बाहिरिए पछि माधव नेपाल तनावमा !

प्रधानमन्त्री एवं नेपाली कांग्रेसका सभापति शेरबहादुर देउवा, नेकपा ९एमाले०का अध्यक्ष केपी शर्मा ओली र नेकपा ९माओवादी केन्द्र०का अध्यक्ष पुष्पकमल दाहाल ‘प्रचण्ड’बीच दुई घन्टा लामो छलफल भएको छ।

प्रधानमन्त्रीको सरकारी निवास बालुवाटारमा तीन नेताहरूबीच आइतबार ४ बजेदेखि छलफल भएको हो। उनीहरूको छलफल ६ बजेपछि सकिएको छ।उनीहरूबीच स्थानीय तहको निर्वाचन, अमेरिकी सहयोग परियोजना एमसिसी र एमालेले गरिरहेको संसद अवरोधलगायत विषयमा छलफल भएको बताइएको छ।

लामो समय पछि प्रमुख राजनितिक दलका शिर्ष नेताहरु विच गहिरो छलफल भए पनि आजको छलफलमा कुनै निष्कर्ष भने निस्कन नसकेको बताइएको छ । प्रधानमन्त्री शेरबहादुर देउवाले आजको बैठकमा एमसीसी पास गर्न सबैले सहयोग गर्र्नु पर्ने भन्दै सहयोगको याचना गरेका थिए भने एमाले अध्यक्ष ओली र माओवादी केन्द्रका अध्यक्ष पुष्पकमल दहाल प्रचण्डले फरक फरक मत राखेका छन् ।

शिर्ष नेताहरुको छलफल पछि पत्रकारहरुलाई जानकारी गराउँदै एमाले महासचिव शंकर पोखरेलले माओवादी केन्द्रका अध्यक्ष प्रचण्डले एमसीसीको बिषयलाई चुनाव पछि मात्रै अघि बढाउँने प्रस्ताव गरेको र देउवाले भने अहिलेनै पास गर्नु पर्छ भनेको जानकारी दिए ।

एमालेले भने आफुहरुले राख्दै आएको माग सम्बोधन नभए सम्म संसदको अवरोध हटाउँने र अन्य कुनै पनि बिषयमा कुराकानी गर्ने उपयुक्त समय नभएको जवाफ दिएको बताएका छन् । पोखरेलका अनुसार माधव नेपाल सहितका १४ जना गैर सांसदलाई संसद भित्र राखेर संसद चल्न नसक्ने कुरा देउवा र प्रचण्ड सँग एमाले अध्यक्ष ओलीले राखेका छन् ।

प्रधानमन्त्री देउवा र माओवादी केन्द्रका अध्यक्ष प्रचण्डले संयुक्त हस्ताक्षर गरेर अमेरिकालाई पठाएको पत्रका बारेमा पनि बैठकमा कुराकानी भएको एमाले महासचिव पोखरेलले जानकारी दिए । बैठकमा प्रचण्डले आफुले पत्रनै लेखेको छैन भनेर बाहिर प्रतिवाद नगरेको भनेर जवाफ दिएको उनले बताए ।

बाहिर जनता सँग एउटा कुरा गर्ने मित्र राष्ट्र सँग कुटनितिक मामिलामा अर्को कुरा गर्ने परिपाटीले राम्रो सन्देश नजाने भन्दै एमालेले प्रधानमन्त्री देउवा र माओवादी केन्द्रका अध्यक्ष प्रचण्डलाई सम्झाइएको पोखरेलले बताएका छन् । एमालेले माधव नेपाल सहितका १४ जनाको सांसद पद खारेजी हुनै पर्ने सर्त आज पनि दरो सँग रोखेको छ ।