हाम्रो फाइनल कुरा यहि हो भन्दै प्रचण्डको घरैमा पुगेर शेखर कोइरालाले यसो भने …

नेपाली काग्रेसका केन्द्रिय सदस्य डा शेखर कोइरालाले नेकपा माओवादी केन्द्रका अध्यक्ष पुष्पकमल दहाल प्रचण्डलाई उनकै निवास खुमलटारमा पुगेर भेटेका छन् ।

सरकारले स्थानिय तहको निर्वाचनको मिति घोषणा गरे पछि कोइरालाले प्रचण्डलाई उनकै निवासमा पुगेर भेटेका हुन् । कुनै पनि हालतमा निर्वाचनमा गठबन्धन गर्न नहुने अडानमा रहेका कोइरालाले आज पनि काग्रेसको भर नपर्न प्रचण्डलाई स्मरण गराएका छन् ।

प्रचण्ड निवास खुमलटारमा करिब एक घण्टा ३० मिनेट भएको छलफलमा प्रचण्डले गठबन्धनको विरोध नगरिदिन कोइरालालाई अनुरोध गरेका थिए । जवाफमा कोइरालाले माओवादी सँगको गठबन्धन पहिलेनै देखी सकिएको भन्दै अब त्यो सम्भव नभएको सिधा जवाफ दिएका छन् ।

फेरी पनि काग्रेस र माओवादी गठबन्धन गर्ने हो भने एमालेनै बलियो बन्ने भन्दै कोइरालले बरु अहिले देखिनै आफ्नो सुर गर्न प्रचण्डलाई सम्झाएको बताइएको छ । प्रचण्डले निकै अनुरोध गरेर सकारात्मक बनिदिन अनुरोध गर्दा पनि कोइरालाले अहिले त्यो सम्भव नहुने सिधा जवाफ दिएको बताइएको छ ।

भेटमा प्रचण्डले चुनावमा गठबन्धन गरेर जान प्रस्ताव राखेका थिए । तर कोइरालाले आफू चुनावी गठबन्धनको पक्षमा नरहेको बताएका थिए ।‘गठबन्धन गर्ने भए सरकारमा गरौंला, तर चुनावमा म कुनै हालतमा गठबन्धन गर्दिनँ,’ कोइरालाको भनाइ उद्धृत गर्दै भेटमा सहभागी उनका सहयोगी दिनेश थपलियाले भने । थपलियाका अनुसार प्रचण्डले पटक–पटक चुनावी गठबन्धनको कुरा गरेका थिए तर कोइरालाले त्यसलाई अस्वीकार गरेका थिए ।

डा कोइरालाले एमसीसीको विषयमा अलमल नगर्न सुझावसमेत दिएका थिए । स्वीकार गर्ने भए संसदबाट छिटो पास गर्न र अस्वीकार गर्ने भए पनि संसदबाटै गर्नुपर्ने उनको धारणा थियो ।कांग्रेस नेता कोइरालाले दुई दिन अघि नेकपा एमालेका अध्यक्ष केपी शर्मा ओलीसँग पनि भेटवार्ता गरेका थिए ।तपाईं निर्णय गर्ने ठाउँमा हुनुहुन्न । तर, निर्णय प्रभावित गर्ने ठाउँमा हुनुहुन्छ,’ दाहालले भनेका थिए, ‘गठबन्धन गरौँ । तपाईंले चुनावी गठबन्धनको विरोध नगरिदिनुस् ।’

अध्यक्ष दाहालले आगामी चुनावमा गठबन्धन गर्दा अहिलेको सरकार पनि बच्ने तथा संविधान र लोकतन्त्रको रक्षाका निमित्त समेत गठबन्धनले आफ्नो उदेश्यबमोजिम काम गर्न सक्ने बताएका थिए ।

जवाफमा नेता कोइरालाले भने गठबन्धन गर्दा कांग्रेसलाई कुनै फाइदा नहुने बताएका थिए । ‘सरकारमा गठबन्धन छँदैछ, आगामी सरकारमा पनि गठबन्धन गर्न सकिन्छ,’ कोइरालाले भनेका थिए, ‘तर, अहिले चुनावमा गठबन्धन गरेर कांग्रेसलाई कुनै फाइदा छैन, त्यो पुरानै सिकाइ हो । कांग्रेसले तपाईंलाई भोट हाल्छन् । तर, तपाईंका कार्यकर्ताले रुखमा भोट हाल्दैनन् । बरु एमालेतिरै लाग्छन् । त्यसैले गठबन्धन गर्दा तपाईंलाई र कांग्रेस दुवैलाई फाइदा छैन ।’