चोलेन्द्रलाई छोएर देउवा प्रचण्डले ठूलो गल्ती गरे यसको परिणाम अब देख्छन् :विष्णु भट्टराई

सत्तागठबन्धन भित्रकै दलले प्रधानन्यायाधिश चोलेन्द्र शमशेर जबरालाई महाअभियोग लगाए पछि माहोल निकै तातेको छ । पक्ष र विपक्षमा विभिन्न व्यक्तित्वहरुका मिश्रित प्रतिक्रिया आइरहेका छन् ।

राजिनामाका लागी आज सम्म मौका दिँदा पनि राणाले अटेरी गरे पछि यसको विकल्प नभएको प्रतिक्रिया पनि आइरहेका छन् भने विस्तारै शान्त हुँदै गएको प्रकरणमा सत्तागठबन्धनले हात हालेर गल्ती गरेको प्रतिक्रिया पनि आइरहेका छन् ।

यसै विच प्रधान्यायाधिश चोलेन्द्र शमशेर जबरालाई सत्तागठबन्धन भित्रै बाट आएको महाअभियोगका विषयमा वरिष्ठ अधिवक्ता विष्णु भट्टराईले खरो प्रतिक्रिया दिएका छन् । परमादेशबाट बनेको सरकारले अहिले ल्याएको महाअभियोग नैतिक ,राजनितीक कानुनी कुनै पनि दृष्टिकोणबाट सहि नभएको उनले बताएका छन् ।

ओटिभी नेपाल डटकम सँगको विशेष कुराकानीमा भट्टराईले अहिलेको अवस्थामा देउवा र प्रचण्डले चोलेन्द्र शमशेर विरुद्ध महाअभियोग ल्याएर आफ्नै खाल्डो खनेको प्रतिक्रिया दिएका छन् । महाअभियोगनै लगाउँने हो भने चोलेन्द्र मात्रै होइन एकाध छोडेर सबै न्यायाधिशहरु महाअभियोग लगाउँनु पर्ने खालका रहेको पनि उनले भनेका छन् ।

चोलेन्द्र मात्रै किन सर्वोच्च अदालतका अधिकांश न्यायाधिशहरु महाअभियोग लगाउँनु पर्ने खालका छन् भट्टराईले भनेका छन् । पछिल्लो प्रकरणको जरो असार २८ को परमादेशवाला फैसलामा भएको भन्दै वरिष्ठ अधिवक्ता भट्टराईले परमादेश जारी गर्ने पाँचै जना न्यायाधिशलाई पनी महाअभियोग आउँनु पर्ने बताएका छन् ।

संसारमा कहिँ नभएको परमादेश बाट प्रधानमन्त्री तोक्ने काम पहिलो पटक नेपालमा सवोच्च अदालतबाट भएको छ , जसले परमादेशबाट प्रधानमन्त्री बनाइदियो उसले परमादेश दिनेलाई महाअभियोग ल्याएको छ अहिलेको गठबन्धन जस्तो अनैतिक र अराजनितीत गठबन्धन अरु हुन सक्दैन । भट्टराईले भनेका छन् ।

नेपाली काग्रेसलाई सरकारको नेतृत्व गर्ने कुनै नैतिक र राजनितीक अधिकार नभएको भन्दै भट्टराईले अहिलेको सरकारलाई अनैतिकहरुको सरकार भनेका छन् । अहिले प्रधानन्यायाधिशलाई महाअभियोग लगाउँनुको अर्को खेल एमसीसी पनि हुन सक्ने उनले बताएका छन् ।

अहिले एमसीसीको विरोधमा देशभर भइरहेका आन्दोलनलाई ओझेलमा पार्न र गठबन्धनको सहमती भन्दै एमसीसी पास गर्ने खेल अन्तर्गत यस्तो भएको पनि हुन सक्ने उनको तर्क छ । प्रमुख प्रतिपक्षी दल नेकपा एमालेले संसदीय दलको बैठक पछि खेल नयाँ ढंगले विकास हुने पनि भट्टराईले भनेका छन् ।

प्रधानन्यायाधिश चोलेन्द्र शमशेर जबरालाई लागेको महाअभियोग त्यस पछि उत्पन्न परिस्थिती र अबको बाटोका बिषयमा केन्द्रित रहेर वरिष्ठ अधिवक्ता विष्णु भट्टराई सँग ओटिभी नेपालले गरेको भिडियो कुराकानी हेर्नुहोस्