महेश बस्नेत आफ्नै पार्टीका नेतासँग किन यति सारो आक्रोसित भए ?

नेकपा एमालेको जनसंगठन राष्ट्रिय युवा संघ नेपालका इन्चार्ज समेत रहेका एमाले पोलिटव्यूरो सदस्य महेश बस्नेतले एमाले संगठन विभाग प्रमुख खगेन्द्र अधिकारी विरुद्ध आक्रोस पोखेका छन् ।
नेकपा एमाले भित्र अध्यक्ष केपी ओली निकट भनेर चिनिने बस्नेत र अधिकारीको एक आपसको असमझदारी सामाजिक संजालमा पोखिएको छ । संगठन विभागका प्रमुख अधिकारीको राजिनामानै मागेका बस्नेतले उनीमाथी सामाजिक संजालमा बुँदागत रुपमा आरोप लगाएका छन् ।

उनले संगठन विभाग प्रमुख अधिकारीले पार्टी सचिवालयको बैठकले जनसंगठन संयोजक संयन्त्रले कार्यविधि पारित गरिसकेको अवस्थामा त्योसँग बाझिने गरी कमिटी र पदाधिकारी बनाउन निर्देशन दिएको आरोप लगाएका छन्। आफू इन्चार्ज रहेको युवा संघ नेपालमा हस्तक्षेप गरेको भन्दै बस्नेतको आक्रोश आएको हो।

‘पार्टीको सचिवालयको बैठकले जनसंगठन संयोजन संयन्त्रले कार्यबिधि पारित गरिसकेपछि त्यससँग बाझिने गरी केन्दीय कमिटी र पदाधिकारी बनाउन निर्देशन गर्ने अधिकार तपाईँलाई कसले दियोरुु, बस्नेतले सोधेका छन्, ‘युवा संघले सचिवालयको अधिकारिक निर्णयबाट भएका फैसला र जिम्मेवारी पाएका साथीहरुलाई फरक निर्णय गर्ने जिम्मा कसले दियो ?

संगठनको इन्चार्ज, अध्यक्षसँग समेत परामर्श नगरी संगठनकोबारेमा विभागको आडमा आदेश दिने न्यायपालिकीय अधिकार कसले दियो? उनले भनेका छन्, ‘एमालेविरुद्ध चौतर्फी आक्रमण भइरहेको बेलामा आन्दोलनको मोर्चा सशक्त ढंगले सम्हालिरहेको युवा संघमाथि अराजकता हाबी हुने र विरोधीहरुको हौसला बढ्ने गरी फैसला किन गर्नुभयो ? बस्नेतले अधिकारीलाई साधेका छन् ।

बस्नेतले अधिकारीलाई एमाले संगठन विभाग प्रमुखबाट हटाउन पनि माग गरेका छन्। ‘छोटो समयको अनुभवबाट भन्न सकिन्छ, तपाईँ संगठन विभाग चलाउन सक्ने ब्यक्ति होइनु, उनले आरोप लगाउँदै भनेका छन्, ुतसर्थ कमरेड खगराज अदिकारीलाई संगठनको जिम्मेवारीबाट तत्काल मुक्त गर्न पार्टी नेतृत्वसँग माग गर्दछु।’