एमसीसी टेबुल गर्ने बिषयमा अहिले यस्तो पो भन्न थाले अग्नी सापकोटा !

प्रतिनिधीसभाका सभामुख अग्नी सापकोटाले विवादित अमेरिकी सहयोग परियोजना एमसीसी संसदमा टेबुल गर्न लचक भएको संकेत दिएका छन् ।

यस अघि पटक पटक सार्वजनिक मंचबाट एमसीसीको नाम सिधा नलिइकन सापकोटाले देशघाती काम आफुले कुनै पनि हालतमा नगर्ने बरु ज्यान फाल्न तयार भएको बताउँने गरेका थिए तर उनले आज भने एमसीसी टेबुल गर्न आफुलाई कुनै गारो नभएको बताएका छन् ।

संसदमा आफु रेफ्रिको भूमिकामा मात्रै रहेको भन्दै सापकोटाले निर्णायक भनेको राजनितीक दलहरुनै भएको बताएका छन् । राजनितीक दलहरुनै निर्णायक भएको भन्दै सभामुख सापकोटाले सहमती हुँदाको अवस्थामा आफु बाधक नबन्ने पनि प्रष्ट पारेका छन् ।

सभामुख अग्नि सापकोटाले एमसीसीका सम्बन्धमा आफ्नो भूमिका अम्पायरको जस्तो मात्रै भएको बताएका छन् । सोमबार सभामुख सापकोटाले बोलाएको सर्वदलीय बैठकमा नेताहरुबीच एमसीसी र संसद्को अवरोध खुलाउने विषयमा छलफल भएको थियो ।

बैठकपछि सभामुख सापकोटाले एमसीसी र अवरुद्ध संसद् खुलाउने विषयमा छलफल भएको बताए । उनले दलहरुबीच सहमति भए आफूले एमसीसी अघि बढ्नबाट नरोक्ने भन्दै आफ्नो भूमिका अम्पायरको जस्तो मात्रै भएको प्रतिक्रिया दिए । ‘एमसीसीका सम्बन्धमा म अम्पायरमात्रै हो । दलहरू सहमत भए म रोक्दिन’, सभामुख सापकोटाले भने, ‘आजको बैठक विशेष भएको छ । संसद्को अवरोध हटाउने विषयमा नेताहरूले पहल गर्नुहुनेछ ।’

उनले दलका नेताहरूले संसद्को अवरोध हटाउन प्रतिपक्षलाई पनि सहमतिमा ल्याउने विश्वास व्यक्त गर्दै अव संसद् सुचारु हुनेमा आफू विश्वस्त रहेको बताए । ‘राजनीतिक दलका नेताहरूले प्रतिपक्ष दललाई सहमतिमा ल्याउनु हुन्छ र शीर्ष नेताहरूले संसद् सुचारु गर्न लागि पहल गर्नुहुनेछ भन्ने मैले विश्वास लिएको छु’सापकोटाको भनाइ छ ।

‘म ओपन माइन्ड छु । सवैका कुरा गम्भीरतापुर्वक सुनेको छु । सभामुखको हैसियतले निर्णय गर्नुपर्छ म त्यो गर्छु’ सभामुख सापकोटाले आफूले सभामुखको हैसियतमा जिम्मेवारी निर्वाह गर्ने दाबी समेत गरे ।

नेकपा माओवादी केन्द्रका अध्यक्ष पुष्पकमल दहाल प्रचण्डले प्रयोग गरेर सभामुखले एमसीसी टेबुल गर्न नमानेको आरोप लागेका बेला केहि दिन अघि प्रचण्डले उक्त आरोप खण्डन गर्दै सरकारले ल्याएको विजनेस रोक्ने अधिकार सभामुख सँग नभएको बताएका थिए ।

सरकारले ल्याएको विजनेस रोक्ने हो भने सभामुखले नैतिक रुपले राजिनामा दिनु पर्छ समेत भनेर प्रचण्डलेनै भनिसकेको अवस्थामा सभामुख सापकोटा पनि एमसीसीका लागी लचक भएर अभिव्यक्ति दिएका छन् ।