अडियो सार्बजानिक भएपछि पहिलो पटक बोले प्रेम आले , दिए यस्तो प्रतिकृया

बिबादित अभिब्यक्ति सहितको अडियो सार्वजनिक भएपछी संस्कृति, पर्यटन तथा नागरिक उड्डयनमन्त्री प्रेम आलेले प्रतिक्रिया दिएका छन्।

एक मिडियाले लिएको प्रतिक्रियामा उनले यस्तो प्रतिक्रिया दिएका हुन्। यस्ता छन् उनलाई सोधिएको प्रश्न र उनले दिएको जवाफ –

तपाईंको अडियो सार्वजनिक भएको छ, त्यसमा थर्काएको तपाईंले नै हो ?
मेरो त्यो मान्छेसँग कुनै संवाद भएको छैन । विगतदेखि नै त्यो मान्छेले मेरोविरुद्ध लेख्दै आएको थियो । म वनमन्त्री हुने बेला धेरैपटक उसले मलाई टर्चर गर्‍यो । फोन गर्ने, सताउने । रक्सी खाने ‘साइको’ जस्तो । धेरै गाली पनि गर्‍यो, त्यो पनि सहेँ । अनि मैले यस्तो गाली नगर बाबु भनेर सम्झाएँ । एडिगजस्तो रै’छ ।

त्यसपछि उसले पैसा माग्यो । अनि मैले केको पैसा भनेँ । २० हजार, ५० हजार माग्यो । अनि अडियो सार्वजनिक गर्दिन्छु भन्यो । त्यो त मेरो स्वरै होइन नि ।

त्यो अडियो तपाईंको होइन ?
होइन ।

त्यो मान्छेसँग कुराकानीचाहिँ भएको थियो ?

अँ, एकचोटि भएको थियो । पैसा पनि माग्यो । म त आफ छक्क परेको छु । सेयर पनि गरेको देखेँ । म आफ्नो ‘स्टेटमेन्ट’ दिन्छु । मैले देशको लागि राम्रो काम गरिरहेको बेलामा मलाई बदनाम गर्ने मनसायले यो काम गरिएको हो । म वनमन्त्री हुने बेला उसले मलाई फोन गरेको थियो, भारतबाट । त्यति बेला मुम्बई, अंधेरी भनेको हो । खै कसरी जोड्यो त्यो पछाडिको ।

ऊसँग एकपटक मात्रै कुरा भएको हो ?

तीनरचारपटक कुराकानी भएको हो, पहिल्यै । त्यसपछि मेरो कुनै कुरै भएको छैन । म त आफैँ छक्क परेको छु ।

मन्त्री हुनुअघिकै कुरा हो यो ?
होइन । वनमन्त्री हुँदा कुरा भएको थियो दुई÷तीनपटक । उसले मलाई गाली पनि गर्थ्यो । मैले गाली नगर्न भाइ भन्थेँ ।

तपाईंले गाली गरेको पनि सुनिएको छ नि ?
म काँ’ त्यस्तो गाली गर्छु र ? अचम्म परेको छु । फेरि, इन्डियाबाट उसले म्यासेन्जरमा कल गर्थो । अनि मैले दुई÷तीनपटक ब्लक पनि गरेँ । सर, खोल्दिनु न कुरा गर्नुछ भन्यो । एक वर्ष तनाव दियो । म वनमन्त्री हुँदाखेरिकै हो यो ।

तपाईंको चिनजानको व्यक्ति हुन् अडियोमा बोल्ने ?

अछामको मान्छे हो । फेस टु फेस अहिलेसम्म भेट भएको छैन । फोनमा मात्रै कुराकानी भएको हो । म्यासेन्जरमा फोन गरिराख्थ्यो । कैले त राति ११ बजे पनि । तनाव दिइराख्ने, कहिले रक्सी खाएर फोन गर्ने । मैले दुईरतीनचोटि डाटेँ (हप्काए)को पनि छु त्यसलाई । यो कसरी आयो म त दंग परेको छु । उसले पैसा पनि मागेको छ, त्यो पनि म तपाईंलाई पठाइदिन्छु ।

पहिले को कुँवर भन्ने बोलेको थियो, पछि उसले मेरो साथी कुरा गर्ने भनेर त्यो जगतलाई दियो । फेरि त्यहाँबाट फोन गरेर गाली गरेको थियो त्यसपछि म पनि रिसाइदिएँ । साला १ फटाह को होस् तँ गाली गर्ने १ भन्ने हिसाबमा भनेको । यो काँ’बाट आयो अचम्म परेँ म त ।