देउवालाई देव गुरुङको जवाफ ‘तिम्रा गठबन्धन र सरकार चाहिएन ओली सँग मिले हुन्छ !’

नेकपा माओवादी केन्द्रका प्रमुख सचेतक देव गुरुङले विवादित अमेरिकी सहयोग परियोजना एमसीसीलाई कुनै पनि हालतमा समर्थन गर्न नसकिने बताएका छन् ।

एमसीसी पास गर्ने की फेल गर्ने भन्ने बिषय केवल सत्तास्वार्थ र गठबन्धनको बिषय मात्रै हुन नसक्ने भन्दै गुरुङले गठबन्धन र सरकार छोडेर सडकमा आउँन माओवादीलाई कुनै गारो नभएको बताएका छन् । देउवा सरकारले एमसीसी जबर्जस्ती संसदमा टेबुल गर्न खोजे माओवादी केन्द्र तत्काल सरकार छोडेर बाहिरिने उनले प्रष्ट पारेका छन् ।

ओटिभी नेपाल डटकम सँगको विशेष कुराकानीमा गुरुङले छिनछिनमै परिवर्तन हुने गठबन्धन र राष्ट्रिय स्वाधिनताको विषय जोडिएको एमसीसीको तुलनानै हुन नसक्ने जिकिर गरेका छन् । गठबन्धन भनेको अस्थायी कुरा हो विचार मिल्दा सम्म बसिन्छ विचार मिल्ने छोडे हिँडिन्छ तर एमसीसी पास गरेर सरकार हामिलाई चाहिदैँन । उनले भनेका छन् ।

तपाईहरु गठबन्धन बाट बाहिरिए पनि एमसीसी त पास हुन सक्छ काग्रेस र एमाले मिलेर पास गरे भने के गर्नुहुन्छ ? भन्ने ओटिभि नेपालको प्रश्नमा गुरुङले त्यसो गर्छन भने त्यो काग्रेस एमालेको कुरा हो जे ठिक लाग्छ त्यो गर्न सक्छन् तर माओवादी केन्द्र कुनै पनि हालतमा एमसीसी पास गर्न नदिने प्रष्ट निर्णयमा छ। गुरुङले जवाफ दिए ।

एमसीसी पास गर्नु पर्छ भनेर लागेका दल र व्यक्ति प्रति गुरुङले कडा शब्दमा आलोचना गरेका छन् । राष्ट्रिय आत्मसमर्पणवादी सोच बोकेका र विदेशीका दलालहरुले मात्रै एमसीसी सहि भन्न सक्ने पनी उनले भनेका छन् । कुनै पनि स्वाभिमानी नेपालीले एमसीसीलाई राम्रो भन्न नसक्ने गुरुङले प्रष्ट पारेका छन् ।

‘रौँ बराबर पनि देशको माया हुने कुनै पनि स्वाभिमानी नेपालीले एमसीसीलाई बोक्न सक्दैन विरोधनै गर्दछ । के अमेरिकी सेनाको बुट बजाउँने थलो नेपाललाई बन्न दिन सकिन्छ ? के यो देश अफगानस्थान बन्न दिन सकिन्छ ? यो किमार्थ सकिदैन’ भन्दै उनले आक्रोस पोखेका छन् ।

एमसीसी आर्थिक परियोजना भनेर अमेरिकाले सफेद झुट बोलेरहेको दाबी पनि गुरुङले गरका छन् । आर्थिक परियोजनाको आवरणमा अमेरिकाले सैन्य रणनितीनै लिएको र नेपाललाई माध्यम बनाएर चिन घर्ने रणनिती उसको रहेको पनि गुरुङले दाबी गरेका छन् ।

विशुद्ध आर्थिक परियोजना हो भने संसदमा लगेर पास गर्नै नपर्ने भन्दै गुरुङले संसदमा पास गर्ने भन्ने वित्तिकै सैन्य रणनिति भएको दाबी गरेका छन् । अुनदान भनेको छ जबर्जस्ती लिने पर्छ भनेको छ , नलिए राम्रो हुँदैन भनेको छ यो कस्तो खालको अनुदान हो ? भन्दै गुरुङले यसैलाई यस्तैलाई साम्राज्यवादीको रुप भनिने बताएका छन् ।

प्रचण्डले भन्दैमा पनि अब एमसीसी पास हुन नसक्ने स्मरण गराउँदै उनले माओवादी केन्द्रको पटक पटको पार्टी कमिटिका निर्णय र महाधिवेशन बाट समेत एमसीसी यथावशस्थामा पास गर्न नसकिने निर्णय गरिसकेकाले अब कुनै व्यक्तिले जे सुकै भए पनि पार्टीको संस्थागत निर्णय विरुद्ध कोहि जान नसक्ने गुरुङले बताएका छन् ।