गठबन्धनको बैठकमा यस्तो रुप पनि देखियो प्रचण्डको !देउवा र नारायणकाजीको भनाभन हुँदा यसरी बने निरिह

दिनहुँ जस्तो नेपाली काग्रेसका सभापती शेरबहादुर देउवाको घरमा पुगेर प्रधानमन्त्री बनिदिनु पर्यो हजुर भनेर बिन्ती बिसाउँने नेकपा माओवादी केन्द्रका अध्यक्ष पुष्पकमल दहाल प्रचण्ड र नेकपा एसका अध्यक्ष माधव कुमार नेपाल अहिले निरिह बनेका छन् ।

केपी ओलीलाई पत्ता साप बनाइयो र अझै पनि गठबन्धन कायम गरेर राजनितीनै गठबन्धनको संस्कृती बनाएर गर्ने हो भन्दै हुँकार दिँदै हिँडेका प्रचण्ड र माधवलाई समयले यस्तो ठाउँमा पुर्यायो कि नत उनीहरुलाई अघि बढ्न सजिलो छ न त पछि हट्ननै ।

परमादेशबाट सरकार बनेको आधा बर्षमै गठबन्धन भत्किने र उडायो सपना सबै हुरीले भन्ने अवस्थामा प्रचण्ड माधव पुगेका छन् । एमसीसीका कारण एक त्यान्द्रो मात्रै बाँकी रहेको र अन्तिम अन्तिम अवस्थामा पुगिसकेको गठबन्धनको विहिबार बसेको बैठकमा प्रचण्ड निकै निरिह देखिएको सुचना छ ।

निर्णायक भनेर बसेको गठबन्धनको बैठक कुनै निर्णय गर्न नसकि समापन भए पनि माओवादी केन्द्रका अध्यक्ष प्रचण्ड हरुवा योद्धाको अवस्थामा बैठकमा देखिएको बैठकमा सहभागी एक नेताले ओटिभी नेपाल डटकमलाई जानकारी दिए ।

विहिबारको बैठकमा नेकपा माओवादी केन्द्रका तर्फबाट नारायणकाजी श्रेष्ठ हाबी भएका थिए । यथाअवस्थामा माओवादी केन्द्रले कुनै पनि हालतमा एमसीसी पारित गर्न नसकिने र संशोधनका लागी अमेरिका तयार नहुने हो भने माओवादी सरकार छोड्न तयार रहेको श्रेष्ठले प्रष्ट पारका थिए ।

एक समय गठबन्धनका नेताहरुले अपमान भएको फिल गर्लान् भनेर आफ्नो कुर्सी समेत छोडेर सँगै सोफामा बस्ने प्रधानमन्त्री देउवा हिजोको बैठकमा भने कडा रुपमा प्रस्तुत भएका थिए । सुरुमै बोलेका देउवाले अब एमसीसीलाई टेबुल गरिने र कुनै पनि हालतमा ब्याक हुन नसक्ने आफ्नो बटमलाइन सुनाएका थिए ।

देउवाको प्रस्तुतीले आक्रोसित भएका माओवादी नेता श्रेष्ठले ‘एमसिसीका केही बुँदामा हाम्रो असहमति छ  । सबै मिलेको भए अमेरिका एमसिसी परिमार्जन गर्न सहमत हुन सक्थ्यो, तर त्यसो हुन सकेन । हामी परिमार्जनसहित अनुमोदनको पक्षमा छौँ । एमसिसी संविधान वा कानुनको कुन प्रावधान टेकेर संसद् लैजाँदै छौँ भन्ने दलहरूबीच सहमति हुन बाँकी छ । सम्झौताको अन्तर्वस्तुमा घरेलु कानुनभन्दा माथि हुने भनेको छ, यो के हो स्पष्ट छैन । संसद् अवरोध हुँदा अत्यावश्यक अध्यादेश प्रतिस्थापन विधेयकबाहेक अगाडि बढेको परम्परा छैन, एमसिसीमा हामी किन हतार गर्दै छौँ ? भविष्यमा अरू दाताले यस्तै सर्त राखे के गर्ने ? समग्र राष्ट्र विभाजित भएको विषय संसद् अवरोधकै वेला लगेर कसरी छलफल हुन्छ भन्दै आफ्नो धारणा राखेका थिए ।

अन्य पार्टीका नेताहरुले बोले पछि फेरी प्रधानमन्त्री देउवाले नारायणकाजी श्रेष्ठ सँग झोक फेरेका थिए । त्यस बेलाको दृश्य बारे बर्णन गर्दै बैठकमा सहभागि एक नेताले ओटिभी नेपाललाई बताए अनुसार देउवाले माओवादी नेता श्रेष्ठलाई , ‘तपाईंले प्रचण्डजीलाई अप्ठ्यारो नपार्नुस् न । उहाँ त अगाडि बढ्न चाहनुभएकै छ ।’ भनेका थिए । श्रेष्ठले तत्काल प्रतिवाद गरे र भने, ‘हाम्रो पार्टीको अध्यक्ष यहीँ हुनुहुन्छ, उहाँलाई नै सोध्नुस् न पार्टीको निर्णय ।’

त्यतिन्जेलसम्म नेताहरूका कुरा सुनेका प्रचण्ड बोले, ‘एमसिसीमा परिमार्जन हुनुपर्छ भन्ने नारायणकाजीजीको जे कुरा छ, पार्टीको निर्णय त्यही हो । गठबन्धनलाई सुरक्षित गर्दै अगाडि बढौँ भन्ने विकल्पमा खुला छलफल गरौँ ।’

प्रचण्डको कुरा सुनिसकेपछि प्रधानमन्त्री देउवाले प्रस्ताव गरे, ‘माधवजीहरूको पनि कुरा आयो, एक–दुई दिन पर्खेर केही भएन । ८ फागुनमा टेबुल गर्छौँ भनेर यही बैठकमा सहमति गरौँ न त । अब ढिला नगरौँ, टुंग्याउनुपर्ने भयो ।’