झन गम्भिर बन्यो परिस्थीती एमसीसी बारे चिनबाट आयो यस्तो खबर

नेपालमा विवादित अमेरिकी सहयोग परियोजना एमसीसीको बिषय निकै पेचिलो बन्दै गएको छ । यहि बिषयमा घरेलु राजनिती विभाजित बेला अमेरिका र चिन पनि आमनेसामने भएका छन् ।

केहि दिन अघि अमेरिकी सहायक विदेशमन्त्री डोनाल्ड लुले नेपालका प्रमुख राजनितीक दलका शिर्ष नेतालाई फोन गरेर तत्काल एमसीसी पास गर्न धम्की दिएको बिषयमा छिमेकि मुलुक चिनले मुख खोलेको छ ।

नेपालमा एमसीसीको नाममा अमेरिकाले धम्की कुटनिती सुरु गरेको भन्दै चिनले यसको प्रतिवाद गर्ने चेतावनी दिएको छ । एउटा विकास आयोजनाको नाम दिइएको एक परियोजनाका कारण शक्ति राष्ट्रहरु चिन र अमेरिका आमने सामने बन्ने स्थिती आए पछि अवस्था थप गम्भिर बन्दै गएको बताइएको छ ।

शुक्रबार बेइजिङमा पत्रकार सम्मेलन गरी चीनको परराष्ट्र मन्त्रालयले एमसीसीमार्फत् अमेरिकाले ‘धम्की कुटनीति’ सुरू गरेको आरोप लगाउँदै आफूले प्रतिरोध गर्ने चेतावनी दिएको छ।चिनियाँ परराष्ट्र प्रवक्ता वाङ् वन पिनले भने, ‘अमेरिकाले नेपालसँगको सहकार्यको नाममा ुधम्की कुटनीतिु सुरू गरेको छ। यसको चीनले प्रतिरोध गर्नेछ।’

पत्रकार सम्मेलनमा एकजना पत्रकारले अमेरिकी परराष्ट्र प्रवक्ताले फेब्रुअरी २८ तारिख भित्रमा एमसीसी पारित गर्न वा पुनर्विचार गर्न, नत्र भने नेपाल(अमेरिका सम्बन्ध प्रभावित हुनसक्ने भनेर दिएको चेतावनीबारे चीनको धारणा माग गरेपछि चीनको परराष्ट्र मन्त्रालयले यस्तो टिप्पणी गरेको हो।

हाल नेपालका विभिन्न राजनैतिक दलहरूबीच एमसीसी कार्यक्रमबारे मतैक्यता हुन नसकेका कारण आन्दोलन पनि चर्किरहेको छ। नेपालले आफ्नो विकासको स्वतन्त्र बाटो रोज्न सक्ने र साझेदार चयन गर्नसक्ने पनि चीनले भनेको छ।

परराष्ट्र प्रवक्ता वाङले नेपालको छिमेकी मुलुक र विकास साझेदार मुलुक भएको नाताले नेपाली जनताले आफ्नो स्वतन्त्र विकासको बाटो छान्न चीनले समर्थन गर्ने बताए। उनले नेपालले राष्ट्र तथा जनताको हितका लागि सही छनोट गर्नमा पनि चीनको समर्थन रहने प्रतिक्रिया दिए।