फस्यो काग्रेस, नमज्जा सँग फस्यो !

सर्वोच्च अदालतको परमादेशबाट प्रधानमन्त्री बनेका नेपाली काग्रेसका सभापती शेबहादुर देउवा सरकार बनेको आधा बर्ष पुग्दा नपुग्दै अल्पमतमा पर्ने सम्भावना देखिएको छ । गठबन्धन धरापमा परेको छ ।

विवादीत अमेरिकी सहयोग परियोजना एमसीसीका बिषयमा राजनितीक दलहरु विभाजित हुँदा अहिले त्यसको भारी काग्रेसलाई मात्रै पर्ने देखिएको छ । सत्तासाझेदार प्रमुख दल नेकपा माओवादी केन्द्र र नेकपा एसले बरु सरकार छोड्ने तर एमसीसी पास नगर्ने कुरा देउवालाई सुनाइसकेका छन् ।

प्रमुख प्रतिपक्षी दल नेकपा एमालेले एमसीसीमा आफ्नो केहि धारणा राखेको छैन । पहिले सत्तागठबन्धनले निर्णय गरे पछि मात्रै बोल्ने भन्दै एमाले अध्यक्ष ओलीले च्याखे थापेर बसेका छन् । सत्तासहयात्रीले साथ नदिने र प्रतिपक्षले नबोल्ने भएका कारण प्रधानमन्त्री देउवाको प्रेसर बढिरहेको छ ।

जनस्तरमा व्यापक रुपमा ओलोचित भइरहेको एमसीसी बोकेर चुनावमा जान नहुने मत एमाले भित्र बलियो रहेको छ । एमाले प्रमुख सचेतक विशाल भट्टराईले प्रष्ट भाषामा भनेका छन् एमालेले राष्ट्रहित विपरितको कुनै पनी निर्णय गर्दैन । हरेक दिन जसो केपी ओलीलाई भेट्ने भट्टराईले यस्तो बताउँने गरे पछि देउवा थप अत्तालिएका छन् ।

काग्रेसले एमसीसीको पक्षमा देशभरी अभियान चलाउँने निर्णयनै गरेको छ भने संसदमा पास गर्नका लागी पक्षमा मतदान गर्ने निर्णय पनि गरेको छ । स्थानिय तहको निर्वाचनको मितीनै तोकिएको र केहि समय भित्रै संघिय र प्रदेशको पनि निर्वाचन आउँदै गर्दा काग्रेसले बोकेको एमसीसीको भारी उसलाई निकै महंगो पर्ने विश्लेषण सुरु भएको छ ।

काग्रेस एमसीसी बोक्ने एक्लो दल हुन सक्ने विश्लेषण पनी सुरु भएको छ । काग्रेसको टाउकोमा मात्रै एमसीसीको अपजस पर्दा त्यसको रिफ्लेक्सन निर्वाचनमा पर्न सक्छ । बहुमत ल्याएर शासन गर्ने महत्वकांक्षाको घोड सवार भएको काग्रेस पछारिन सक्ने चर्चा पनि चलेको छ ।

एमसीसी काग्रेसका टाउकोमा मात्रै हाल्न खोजिएको भन्दै काग्रेस महामन्त्री गगन थाापाले आक्रोस व्यक्त गरेका छन् । सबै दलहरु यसमा मुछिएको भन्दै उनले अब वार की पार गर्नु पर्ने बताएका छन् । चुनाव हारिन्छ भनेर एमसीसी पास नगर्ने कुरै आउँदैन भन्दै थापाले बोलेका छन् । थापाको अभिव्यक्तिलेनै संकेत गरको छ की एमसीसी बोकेर जाँदा काग्रेस चुनावमा पछारिने छ।

राजनितिक विश्लेषक पुरन्जन आचार्यले पनि एमसीसी बोकेर चुनावमा गए काग्रेसले हार बेहोर्ने बताएका छन् । काग्रेस निकट भनेर चिनिने आचार्यले एमसीसीको पक्षमा लाग्नेलाई भोट पाउँन निकै गारो हुने विश्लेषण गरेका छन् ।

ओटिभि नेपाल डटकम सँगको कुराकानीमा आचार्यले जुन पार्टीले एमसीसी बोकेर गए पनि उसले चुनाव हार्ने बताएका छन् । चुनावको मुखमा जनतस्तरमा अती आलोचित भएको विवादित परियोजना बोकेर हिड्दा अर्को पाँच बर्ष पनी काग्रेस राजनितिको दर्शकदिर्घामै हुने सम्भावना ह्वात्तै बढेर गएको बताइन्छ ।

यसै विच नेपालका लागी नेपाली पार्टीका वरिष्ठ उपाध्यक्ष एवं वरिष्ठ अधिवक्ता डा सुरेन्द्र भण्डारीले आगामी निर्वाचनमा नेपाली काग्रेस पत्तासाफ हुने ठोकुवा गरेका छन् नेपाली जनताले फिटिक्कै मन नपराएको विवादीत अमेरिकी परियोजना एमसीसीको भारी अब काग्रेसको टाउकोमा परेको भन्दै डा भण्डारीले एमसीसीको भारी काग्रेसका लागी निकै महंगो पर्ने र यसकै कारण काग्रेसले नराम्रो पराजय बेहोर्ने ठोकुवा गरेका छन्।

ओटिभी नेपाल डट कम सँगको विशेष कुराकानीमा डा भण्डारीले अहिलेका जनता अनपढ नभएको र कुन सहि र कुन गलत भन्ने राम्रो सँग छुट्याउँन सक्ने चेतना स्तर भएका जनता रहेको भन्दै एमसीसीलेनै काग्रेसलाई धुलीसाप बनाउँने बताएका छन्् ।

नेपाली काग्रेस पार्टी सिध्याउँने मुख्य भूमिकामा पार्टी सभापती शेरबहादुर देउवा र महामन्त्री गगन थापा रहेको पनि डा भण्डारीले जिकिर गरेका छन् । नेपाली काग्रेस जस्तो पुरानो र आफुलाई लोकतान्त्रिक भन्ने पार्टी सकिनु नराम्रो भए पनि उसको आफ्नै कर्मका कारण पतनको दिशामा गएको पनि डा भण्डारीले बताएका छन् ।

अहिले कसले कस्तो भूमिका खेलेको छ भनेर जनताले हिसाब गरेर बसिरहेको भन्दै डा भण्डारीले नेपाली काग्रेस एमसीसीको भुंग्रोमा परेका बताए । नेकपा माओवादी केन्द्र एमसीसीको विपक्षमा गइसकेको र एमालेले पनि एमसीसीमा साथ दिन सक्ने अवस्था नदेखिएको भन्दै एमसीसीले काग्रेसलाई मात्रै डाम्ने सम्भावना देखिएको उनले बताए ।

एमसीसीले राजनितिक दलहरु भित्र मात्रै नभएर हर एक नागरिकमा पनि धु्रविकरण भइरहेको भन्दै डा भण्डारीले अब कित्ताकाट हुनु पर्ने पनि बताएका छन् । ओटिभि नेपाल सँगकै कुराकानीमा डा भण्डारीले अब कित एमसीसीको पक्षमा कि विपक्षमा उभिनु पर्ने बेला भएको बताए ।

एमसीसी अब वार की पारकै अवस्थामा पुगेको भन्दै डा भण्डारीले सचेत नागरिकहरुको आन्दोलनको बलमा यसलाई परास्त गरेरै छोड्ने बताए । माओवादी केन्द्रका अध्यक्ष पुष्पकमल दहाल प्रचण्ड व्यक्तिगत रुपमा एमीसीसीको पक्षमा भए पनि माओवादी केन्द्र भित्रको बहुसंख्यक सांसदहरु एमसीसी विरोधी भएका कारण प्रचण्ड व्याक हुन बाध्य भएको बताए ।

प्रचण्डले जे भन्यो माओवादीको कुरा त्यहि हो या माअ‍ोवादी भनेकै प्रचण्ड र प्रचण्ड भनेकै माओवादी भन्ने युग समाप्त भएको डा भण्डरीले बताए । अरु बिषयमा के हुन्छ थाहा छैन एमसीसीमा प्रचण्डको माओवादी भित्र केहि लागेन । डा भण्डारीले भनेका छन् ।

माओवादी केन्द्रका अध्यक्ष प्रचण्ड राजनितीत जीवनकै गम्भिर आत्मसमिक्षा गर्नु पर्ने ठाउँमा पुगेको भन्दै डा भण्डारीले अब पनि प्रचण्डले आत्मसमिक्षा नगर्ने हो भने उनको राजनितीक देहवसान हुन सक्ने ठोकुवा गरेका छन् । अहिलेको व्यवस्था पुर्णरुपले असफल भएको जिकिर गर्दै उनले व्यवस्थानै परिवर्तन गर्नु पर्ने अहिलेको आवश्यकता रहेको बताए ।