पाँचमुखे प्रचण्ड ! बेलुका घर पुगे पछि देखाए झन अनौठो रुप

नेकपा माओवादी केन्द्रका अध्यक्ष पुष्पकमल दहाल प्रचण्ड एकै दिन कति वटा रुप फेर्न सक्छन् र जनतालाई कति सम्मको बेवकुफ सम्झन्छन् भन्ने कुराको प्रमाण आफैँले पेस गरेका छन् ।

केहि समय अघि एमसीसी पास गर्न तयार छौँ हामीलाई पाँच महिनाको समय चाहियो भनेर एमसीसी बोर्डलाई पत्र लेखेको र उक्त पत्र सार्वजनिक भए पछि धेरैले उनलाई दुई जिब्रे भनेर आलोचना गरिरहेका थिए तर अहिले त उनले एक दिन पाँचवटा रुप समेत देखाउँन थालेका छन् ।

आइतबार सरकारले विवादका विच संसदमा एमसीसी टेबुल गर्यो ,विहान देखी बेलुका सम्म माओवादी केन्द्रका अध्यक्ष प्रचण्डले जे जस्ता गतिविधीहरु गरे त्यसले उनलाई जनता सामु नराम्रो सँग उदांगो बनाएको छ । विहान बालुवाटारमा बसेको सत्तागठबन्धनको बैठकमा प्रचण्ड सहित नेकपा एसका अध्यक्ष माधव कुमार नेपालले पनि एमसीसी टेबुल गर्न सहमती जनाएका थिए ।

जर्बजस्ती एमसीसी टेबुल गरिए सरकार छोड्ने चेतावनी दिने प्रचण्ड र माओवादी केन्द्र यति सम्म निर्लज्ज भयो की एमसीसी टेबुल गर्नु पर्यो भने बरु मर्छु भनेर सांकेतिक रुपमा बोल्ने सभामुख अग्नी सापकोटा आफैँले एमसीसी टेबुल गर्ने अनुमती दिए । गठबन्धनमा एमसीसी टेबुल गराउँन सहमती दिएर आएका प्रचण्डले सदनमा भने आफ्नी बुहारी सहितका सांसदलाई नाराबाजी गर्न लगाए ।

संसदमा यती सम्म भद्दा दृश्यको मंचन भयो की माओवादी केन्द्रबाट मन्त्री भएकाहरु गजक्क परेर बसेका थिए भने देव गुरुङ र विना मगर सहितका सांसदहरु एमसीसी विरोधी नारा लगाइरहेका थिए । संसदको पहिलो रोहमा बसेका प्रचण्ड भने एमसीसी टेबुल हुँदै गर्दा विरोध नगरी आफ्नै सिटमा बसिरहेका छन् ।

यता माओवादी केन्द्रका भातृसंगठनहरु भने ठिक त्यसै बेला एमसीसीको विरोधमा चर्को नाराबाजी गर्दै ढुंगामुडा गरिरहेका बेला । एमसीसीको विरोधमा घाइते भएको भनेर वाइसिएल र अखिल क्रान्तिकारीका कार्यकर्ताहरुले हस्पीटलमा सेल्फी खिचाइरहँदा संसद भित्र प्रचण्ड र देव गुरुङको मुस्कान छुटिरहेको थियो ।

सडकमा आन्दोलन पनी गर्ने , सदनमा एमसीसी टेुबल पनि गर्न सहमती दिने , सदनमै विरोध पनि गर्ने त्यत्ती मात्रै होइन एमसीसी टेबुल गर्नु पर्ने विभागिय मन्त्री जनार्दन शर्मालाई त्यत्तिखेरै विरामी छु भन्ने बनाएर संचारमन्त्रीलाई एमसीसी टेबुल गराउँने रोल खेलाउँन सम्म प्रचण्डले दिमाग लगाए ।

रोचक कुरा त दिनभरी यति गरिसके पछि प्रचण्डले बेलुका घरमा पुगे पछि आफ्नो पार्टी एमसीसीको विपक्षमा रहेको र जर्बजस्ती एमसीसी टेबुल गरेको भन्दै विज्ञप्तीनै जारी गरे । यती सम्म त ठिकै छ एमसीसी विरोधी प्रदर्शकारीलाई प्रहरीले गरेको दमनको विरोध गर्छु भन्दै प्रर्दशनकारीका प्रक्षमा पनि सोलिडारिटी प्रचण्डले दिए । यति सम्म गर्न सायद प्रचण्डनै चाहिन्छ । उनकै भाषमा इतिहासको महान क्रमभंगता होकी !