जब प्रेम सुवालले एमसीसी विरुद्ध चर्को भाषण गर्दा प्रकाशमान सिंहले संसदमै ताली बजाए.. (भिडियो सहित)

आइतबार प्रतिनिधीसभाको बैठकमा सरकारले विवादित अमेरिकी सहयोग परियोजना एमसीसी टेबुल गर्यो । विवादकै विच टेबुल गरिएको प्रस्ताव पेस भइरहँदा संसदमा भने केहि रोचक दृश्य देखिएको थियो ।

एमसीसी टेबुल गर्नु पर्यो भने ज्यान फाल्न तयार छु भनेर सार्वजनिक अभिव्यक्ति दिने सभामुख अग्नी सापकोटा आफैँले एमसीसी सदनमा टेबुल गर्न अनुमती दिए । एमसीसी टेबुल गर्नु पर्ने जिम्मेवारी लिएका विभागिय मन्त्री जनार्दन शर्मा त्यसै दिन विरामी परे पछि एमसीसीमा हस्ताक्षर गर्ने तत्कालिन अर्थमन्त्री एवं हालका संचार तथा सूचना प्रवधिमन्त्री ज्ञानेन्द्र बहादुर कार्कीलेनै एमसीसीको प्रस्ताव सदनमा टेबुल गरे ।

एमसीसी टेबुल गरे मर्न तयार छु भन्ने सभामुखले टेबुल गर्न अनुमती दिने , विभागिय मन्त्री विरामी पर्ने र संचार मन्त्रीले एमसीसी टेबुल गर्ने दृश्य त आफैँमा रोचक छँदै थियो अझ रोचक कुरा त को हो सत्तापक्ष हो ?को प्रतिपक्ष हो ? भन्ने छुट्याउँन सक्ने अवस्था समेत संसदमा देखिएन ।

प्रमुख प्रतपक्षी दल नेकपा एमालेले चर्को नाराबाजी गरिरहेको थियो भने माओवादी केन्द्र र नेकपा एसका कतिपय सांसदहरु एमसीसीको विपक्षमा उठेरै विरोध जनाइरहेका थिए भने सोही पार्टीका मन्त्रीहरु र केहि सांसदहरु बसेर समर्थन जनाइरहेका थिए । यो दृश्य पनि आफैँमा अनौठो र रोचक थियो ।

बिषय यतिमा मात्रै सिमति रहेन सरकारको नेतृत्व गरिरहेको दल नेपाली काग्रेसकै जोडबलमा एमसीसी सदनमा टेबुल भएको थियो । काग्रेसले एमसीसीको पक्षमा आफ्नो पार्टीमा एकमत रहेको छ भनेर दाबी गर्दै आएको छ तर संसदमा एउटा यस्तो दृश्य पनि देखियो जसमा थोरैको ध्यान गएको हुन सक्छ तर उक्त बिषय रोचक मात्रै होइन अर्थपुर्ण पनि रहेको छ ।

नेपाली काग्रेसका नेताहरुले साँँच्चै मन देखी मन पराएर एमसीसीको समर्थन गरेका छन् की उनीहरुलाई केहि बाध्यता पनि छ भन्ने प्रशस्त आशंका गर्न सकिने दृश्य आइतबार संसदको बैठकमा देखियो । काग्रेस नेता प्रकाशमान सिंहले एमसीसीको विपक्षमा टेबुल ठोके भन्दा झट्ट सुन्दा विश्वास नलाग्न सक्छ तर भइदियो त्यहि ।

सदाबहार रुपमा संसदमा एमसीसीको विरुद्धको चर्को आवाज उठाइरहेको नेपाल मजदुर किसान पार्टीका सांसद प्रेम सुवालले एमसीसी टेबुल हुने दिन पनी बेजोड भाषण गरे । उनको भाषण काग्रेस नेता सिंहलाई पनि यती मन परेछ की उनले मन रोक्नै सकेनन् र ताली बजाए ।

सांसद सुवालले एमसीसी भित्र रहेको एउटा प्रावधान एमसीसीलाई चित्त बुझ्दो योजना नेपाल सरकारले बनाउँनु पर्ने र त्यसमा इण्डीयाको स्विकृती लिनु पर्ने भन्ने बिषयमा आपत्ती जनाउँदै प्रश्न गरेका थिए ठिक त्यसै बेला काग्रेस नेता सिंहले सहमती भावमा मुन्टो हल्लाउँदै टेबुल ठोक्न हात अघि बढाए ।

सुवालले चर्को स्वरमा सोधेका थिए यो दुई देशीय सम्झौता होकी ,त्रिदेशी हो ? कि बहुदेशीय सम्झौता हो ? नेपाल र अमेरिका बिच हुने सम्झौतामा इण्डीयालाई किन सोध्न पर्यो ? सुवालले यसो भन्दै गर्दा प्रकाशमानले सहमती भावमा मुन्टो हलाउँदै टेबुल ठोकेका थिए ।

केहि सेकेण्ड मात्रै देखिएको यो दृश्यले काग्रेस नेताहरु कुन मनोभावमा छन् भन्ने संकेत गरेको छ । प्रकाशमानले प्रेम सुवालका कुरामा चित्त बुझाएर टेबल ठोक्दै गर्दा कुनै पनि हालतमा एमसीसी पास गर्नै पर्छ भनेर न्वारन देखिको बल लगाएर कुदेका काग्रेस महामन्त्री गगन थापा उनी सँग टाँसिएर बसेका थिए ।

प्रेम सुवालको भाषणमा प्रकाशमानले टेबुल ठोकेको भिडियो हेर्नुहोस् । यस बिषयमा प्रतिक्रिया लिन ओटिभि नेपालले टेलिफोन गर्दा काग्रेस नेता सिंहको टेलिफोन उठेन ।