देउवा -ओली मिल्ने सुइँको पाउने वित्तिकै प्रचण्डले रातारात बालुवाटार पठाए यस्तो प्रस्ताव, अब के गर्लान देउवा ?

लामो समयको कचिंगल पछि विवादित अमेरिकी सहयोग परियोजना एमसीसी प्रतिनिधीसभको बैठकमा टेबुल भएको छ । अमेरिकाले दिएको अन्तिम समय सिमा सकिन केहि दिन बाँकि रहँदा यसै बिषयलाई लिएर सत्तापक्ष र प्रतिपक्ष दुवैको दौडधुप तिब्र भएको छ ।

एकै दिन पाँचवटा सम्म अवतार देखाउँन सकेको भनेर आलोचित भएका नेकपा माओवादी केन्द्रका अध्यक्ष पुष्पकमल दहाल प्रचण्डले एमसीसीमा अझै पनि नयाँ रोल खेलिरहेको खुलासा भएको छ । कुनै पनि हालतमा एमसीसी टेबुल गर्न दिँदैनौ भनेको माओवादी केन्द्र टेबुल गर्न तयार भयो अब पास हुन दिँदैनौँ भनेको छ यसमा फेरी प्रचण्डले अर्को आइडिया लगाउँन थालेको चर्चा छ ।

एमसीसीको सवाल मिलाएर गठबन्धन कायम राख्ने उपायको खोजिमा प्रचण्ड घोत्लिएको बताइएको छ । एमसीसी सदनमा टेबुल भइसकेको अवस्थामा अझै केहि समय अमेरिका सँग माग्ने र चुनाव पछि मात्रै यसको छिनोफानो गर्ने गरि उपाय निकाल्न प्रधानमन्त्री देउवालाई मनाउँने गरि प्रचण्ड सक्रिय भएको बताइन्छ ।

एमसीसी टेबुल भए पछि नेपाली काग्रेसका वरिष्ठ नेता रामचन्द्र पौडल सँगको भेटभाट पछि प्रचण्डले एमसीसी प्रक्रियाबाट टुंगो लाग्ने र गठबन्धन पनि जोगिने प्रतिक्रिया दिएका थिए । एमसीसी सदनमा होल्ड गरेर राख्न देउवा र अमेरिकाले नमाने संकल्प प्रस्ताव या व्याख्यात्मक घोषणाका विधी बाट भए पनि एमसीसी पास गरेर गठबन्धन जोगाउँने तिर प्रचण्डले अध्ययन थालेको स्रोतको दाबी छ ।

गठबन्धन भत्कने डर प्रचण्डलाई भन्दा देउवालाई देखिदैछ । प्रचण्ड एमसीसी पारित गर्न देउवा अगाडि बढेमा गठबन्धन छाड्ने धम्की दिइरहेका छन् । देउवाले विकल्पमा एमाले अध्यक्ष केपी शर्मा ओली देखेका छन् । तर, ओली एमसीसीबारे प्रष्ट छैनन् । उनले एमसीसीलाई राजनीतिक सौदावाजीको विषय बनाएका छन् । ओली यही विषयले सत्तामा पुग्ने मौका पनि देखिरहेका छन् । देउवा यसकारण अप्ठ्यारोमा छन् ।

सत्ता गठबन्धन पनि टिकाउने र एमसीसीमा पनि निकास दिने विषयमा केही नेताहरु सक्रिय भएका छन् । तर, त्यसका लागि एमसीसी थाती राख्नुपर्ने अवस्था बन्न सक्छ । नेपाली काँग्रेसका नेता रामचन्द्र पौडेल गठबन्धन जोगाउने गरी राजनीतिक भेटघाटमा सक्रिय भएका छन् । उनले प्रचण्ड र माधव नेपालसँग यसबारे कुराकानी गर्दै आएका छन् । माओवादी केन्द्रका कृष्णबहादुर महराको सक्रियता पनि बढेको छ । उनी पनि गठबन्धन जोगाउने गरी मध्यमार्गी बिन्दु तयार गर्न लागेका छन् ।

प्रचण्डले पौडेलसँगको भेटपछि एमसीसीको पनि निकास निकाल्ने र गठबन्धन पनि नटुट्ने पत्रकारहरुलाई बताएका थिए । उनी निकै ढुक्क भएर यस्तो बताइरहेका थिए । एमसीसी टेबल भइसकेकाले अड्काउने प्रयास भइरहेको छ । अमेरिकासँग कुरा गरेर केही समय थाती राख्ने प्रयास भइरहेको छ । तर, अमेरिका एमसीसी १६ फागुनभित्र टुंगो लगाउनुपर्ने पक्षमा अडिग छ ।

एमसीसी पारित गर्न देउवाले ठूलै त्याग देखाउनुपर्छ । त्यस्तो अवस्थामा मात्र उनले एमसीसी पारित गराएर बाजी मार्न सक्छन् । प्रचण्ड जस्तोसुकै त्याग गरेर भएपनि एमसीसी असफल बनाउन लागिरहेका छन् । यसका लाग सत्ता छाड्ने तम्तयारीमा छन् । उनको आक्रामक शैली देउवाका लागि चुनौती बनेको छ । देउवाले भने रक्षात्मक शैली अपनाइरहेका छन् । अब जो आक्रामक तरिकाले प्रस्तुत हुन्छ त्यो विजेता बन्न सक्छ ।

एमसीसीमा ओलीलाई जस्ले साथमा लिनसक्छ उसैको पल्लाभारी हुनसक्छ । प्रचण्ड सबै विकल्पका साथ बढिसकेका छन् । देउवा भने सत्ता पनि जोगाउने गरी बढ्न खोज्दैछन् ।