एमसीसी पास गर्ने की फेल गर्ने मात्र केपी ओलीको हातमा !

नेपालमा अत्यधिक विवादित बनेको अमेरिकी सहयोग परियोजना एमसीसी अब वार की पार को बाटोमा अघि बढेको छ । विवादकै विच परमादेशबाट बनेको शेरबहादुर देउवा नेतृत्वको सरकारले संसदमा टेबुल गरिसकेको उक्त प्रस्ताव माथी छलफल समेत संसदमा सुरु भएको छ ।

यो मामला अब नेपालको घरेलु बिषयमा मात्रै सिमित रहेन शक्तिराष्ट्रहरु चिन र अमेरिकाले यसलाई प्रतिष्ठाको बिषय बनाएको प्रष्ट देखिएको छ । अमेरिकी राजुदुतले कुनै पनि हालतमा तत्काल एमसीसी पास गराउँन दौडधुप गरेका छन् भने चिन पनि पछिल्ला दिनमा खुलेरै मैदानमा उत्रिएको छ ।

यो बिषय निकैनै पेचिलो बन्दै जाँदा नेपाल भूराजनितीको भूमरिमा पर्न सक्ने जोखिम पनि त्यत्तिकै देखिएको छ । अमेरिकी सहायक विदेशमन्त्री डोनाल्ड लुले टेलिफोन गरेर धम्की दिए पछि चिनले पनि फायर खोलेको छ । अमेरिकाले नेपालमा धम्की कुटनिती सुरु गरेको भन्दै प्रतिवाद गर्ने चेतावनी मात्रै चिनले दिएको छैन एमसीसीलाई प्यान्डोराज बक्सनै भनिसकेको छ।

चिन र अमेरिकालनै पेचिलो रुपमा हेरेको यो बिषयले घरेलु राजनिती पनि तरंगित भएकै छ । एमसीसीकै विषयले सत्तागठबन्धनमा भूकम्प गएको छ । गठबन्धन चिराचिरा परेको छ । सुरुमा एमसीसी टेबुलनै हुन नदिने रणनितीमा रहेका माओवादी केन्द्र र नेकपा एसले अहिले पक्षमा मत नदिने निर्णय गरेका छन् ।

सत्ता सहयात्रीहरु बाटै साथ नपाउँने अवस्था देखे पछि छट्पटीएका प्रधानमन्त्री शेरबहादुर देउवाले प्रमुख प्रतिपक्षी दल नेकपा एमाले सँगको संवादलाई तिब्र बनाएका छन् । प्लान ए बी सी सबै बनाएर एमसीसी पास गरिछाड्न दौडिएका देउवा र उनको टिमलाई एमसीसी पास गर्न भने फलामको चिउरा चपाउँन जस्तै गारो हुने देखिएको छ ।

सत्तासहयात्री दलहरु नेकपा मओवादी केन्द्र र नेकपा एसले विपक्षमा मत हाल्दा एमसीसी पास गराउँन बहुमत नपुग्ने पक्का छ यता एमसीसी पास गर्नु पर्छ भन्दै न्वारन देखिको बल लगाएर कुदेका जनता समाजवादी पार्टीका संघिय परिषद अध्यक्ष बावुराम भट्टराईले आफ्नै पार्टी भित्रको मत पनि एकमत ल्याउँन नसक्ने हिसाब आएको छ । गठबन्धन भित्रको अर्को दल राष्ट्रिय जनमोर्चाले त एमसीसी खारेजीको माग गर्दै सडक तताएको धेरैनै भइसकेको छ ।

परमादेश जारी गराएर बालुवाटार बाट बालकोट पुर्र्याइएका प्रमुख प्रतिपक्षी दल नेकपा एमालेका अध्यक्ष केपी शर्मा ओली फेरी एकपटक नेपालको राजनितीको केन्द्रविन्दु बन्न पुगेका छन् । संसदको पहिलो दल रहको एमालेले एमसीसीमा जे निर्णय गर्छ त्यहि हुने अवस्था संसदीय गणितले देखाएका छन् ।

सत्तागठबन्धन भित्रकै दलले एमसीसीको विपक्षमा मत हाल्ने करिब फाइनल भए पछि प्रधानमन्त्री देउवाले एमाले अध्यक्ष केपी ओलीले सघाउँने अपेक्षा गरेका छन् । देउवा आफैँ पटक पटक कुदेर बालकोट पुगेका छन् , उनका दूतहरुको कुदाकुद पनि उस्तै छ ।

एमसीसी पास गर्न कुद्ने र फेल गराउँन कुद्ने दुवै पक्षले एमाले र केपी ओलीको मुख ताक्नु पर्ने अवस्था देखिएको छ। विकसित परिस्थितीले एमालेले एमसीसीको पक्ष लिए पास हुने र विपक्ष लिए फेल हुने अवस्था देखिएको छ । एमसीसीको बल अब केपी ओलीको हातमा पुगेको छ ।

चर्चित राजनितीक बिश्लेषक डा सुरेन्द्र केसीले पनि अब एमसीसी केपी ओलीको हातमा भएको र उनले जे निर्णय गर्छन् त्यहि हुने बताएका छन् । सबै नेपाली जनताको आशाको केन्द्र यतिबेला केपी ओली रहेको भन्दै डा केसीले एमसीसीलाई नो भनेर फकाईदिन ओली समक्ष अनुरोध पनि गरेका छन् ।

नेपालका लागी नेपाली पार्टीका वरिष्ठ उपाध्यक्ष एवं वरिष्ठ अधिवक्ता डा सुरेन्द्र भण्डारीले पनि ओटिभी नेपाल डटकम सँगको कुराकानीमा एमसीसीको बल केपी ओलीको कोटमा पुगेको भन्दै ओलीले एमसीसीको विपक्षमा निर्णय गर्दा यो फेल हुने बताएका छन् । डा भण्डारीले एमाले अध्यक्ष ओलीले अब धेरै दाउ नहेरी एमसीसीको विपक्षमा उभिनु पर्ने बताएका छन् ।