रामकुमारी झाँक्रीहरुले मन्त्रीको झण्डा हल्लाउँने आजनै अन्तिम मिति हुन सक्ने !

सत्तारुढ दल नेकपा एसले आफ्नो पार्टीको तर्फबाट सरकारमा सहभागी भएका मन्त्रीहरुलाई फिर्ता बोलाउँने तयारी गरेको खबर छ ।

एमसीसीको विषयले सत्तागठबन्धननै धरापमा परेका बेला पार्टीका तर्फबाट सरकारमा सहभागी भएका मन्त्रीहरुले पार्टीको निर्देशन विपरित बोल्दै हिँडेका कारण पार्टीलार्इ नै अप्ठेरो परेको निष्कर्ष सहित मन्त्री फिर्ता बोलाउँने तयारी उक्त पार्टीले गरेको बताइन्छ ।

शहरी विकास मन्त्री रामकुमारी झाँक्रीले सार्वजनिक रुपमै एमसीसीको पक्षमा अभिव्यक्ति दिएको र पार्टीले गरेको एमसीसी विरोधी आन्दोलनको मानमर्दन गरेको तथा अन्य मन्त्रीहरुले पनि पद जोगाउँनका लागी भित्रभित्रै संगठित रुपमा प्रधानमन्त्री शेरबहादुर देउवा सँग बार्गेनिङ गरिरहेको पाइए पछि एस पार्टीका अध्यक्ष माधव कुमार नेपाल फायर भएको बताइन्छ ।

पार्टी अध्यक्ष माधव कुमार नेपाल एमसीसीका विषयमा सरकारमा सहभागी मन्त्रीहरुले पार्टीको नीति विपरित अभिव्यक्तिहरु दिएको भन्दै असुन्तष्ट छन् ।सरकारमा सहभागी एकीकृत समाजवादीका मन्त्रीहरुले एमसीसीकै कारण आफ्नो मन्त्री पद धरापमा नपरोस भन्दै पछिल्लो शुक्रबार सामुहिक छलफलसमेत गरेका थिए ।

सोतका अनुसार संस्कृति, पर्यटन तथा नागरिक उड्डयन मन्त्री प्रेमबहादुर आले, सहरी विकासमन्त्री रामकुमारी झाँक्री, श्रम, रोजगार तथा सामाजिक सुरक्षा मन्त्री कृष्ण कुमार श्रेष्ठले स्वास्थ्य तथा जनसंख्या मन्त्री विरोध खतिवडाको घरमा छलफल गरेका थिए ।

यता दिउँसो १ बजे प्रतिनिधिसभाको बैठक बस्दैछ । अहिले केहि बेरमा सुरु हुने कार्यव्यवस्था परामर्श समितिको बैठक बस्नु अगाडी सत्ता गठबन्धनमा आवद्व नेकपा (माओवादी केन्द्र) का अध्यक्ष पुष्पकमल दाहाल प्रचण्ड, नेकपा ९एकीकृत समाजवादी०का अध्यक्ष माधव कुमार नेपाल र सोहि पार्टीका नेता झलनाथ खनालबीच भेटवार्ता भएको छ ।

सिंहदरबारस्थित माओवादी केन्द्रको संसदीय दलको कार्यालयमा भएको भेटवार्ताका क्रममा तिनै जना नेताले अहिलेको अवस्थामा एमसीसीको पक्षमा उभिन नसक्ने निश्कर्ष निकालेका छन् ।