एमालेलाई भ्याकुम क्लिनरले बढार्छु भन्ने गगन थापा ओलीकै शरणमा हाजिर भए पछि …

नेपाली काग्रेसको १४ औँ महाधिवेशन अघि सम्म एमसीसीका बारेमा खासै खुलेर नबोलेका नेपाली काग्रेसका महामन्त्री गगन थापा महामन्त्री बनेर आइसके पछि एमसीसी पास गराउँन न्वारन देखिको बल लगाएर दौडिएका छन् ।

१४ महाधिवेशमा आफैँलाई सभापतीमा हराउँन लागेका थापालाई काग्रेस सभापती एवं प्रधानमन्त्री शेरबहादुर देउवाले पनि पछिल्लो समय निकै माँया गरेका छन् । गगन थापा एमसीसीको पक्षमा खुलेर मैदानमा उत्रिए पछि औधि खुशि भएका देउवाले उनलाई राम्रै एक्सपोजर दिइरहेका छन् ।

गठबन्धन दलको शिर्ष नेताहरुको बैठक देखि प्रमुख प्रतिपक्षी दल नेकपा एमाले सँगको निर्णायक भनिएको बैठकमा पनि थापाले सहभागीता जनाउँने मौका पाइरहेका छन् । थापासँगै महामन्त्रीमा निर्वाचित भएका अर्का महामन्त्री विश्वप्रकाश शर्मा गुमनाम जस्तै भइरहेका बेला थापा भने राष्ट्रिय राजनितीको केन्द्रमा देखिएका छन् ।

विहिबार एमसीसी बारे सदनमा छलफल हुने कार्यसुचि रहेको थियो तर अन्तिम अवस्थामा प्रधानमन्त्री शेरबहादुर देउवाको आग्रहमा सभामुख अग्नी सापकोटाले बैठक स्थगित गरिदिए । संसद वैठक स्थगित गरेर प्रधानमन्त्री देउवाले एमाले अध्यक्ष ओली लगायत एमाले शिर्ष नेतृत्व सँग घनिभूत छलफल गरे जसमा गगन थापा पनि सहभागी भएका थिए ।

एमाले अध्यक्ष ओलीको कार्यकक्षमा भएको भेटघाटको तस्बिर सार्वजनिक हुँदा थापा ओली नजिकै निकै अनुशासित तबरले बसेको देखिन्छ । सार्वजनिक रुपमा एमाले अध्यक्ष ओलीको कट्टर आलोचना गरेर चर्चामा आइरहने थापा ओलीलाई प्रत्यक्ष भेट्दा देखिएको पोज भने हेर्न लायक देखिएको थियो ।

सामाजिक संजालमा निकै भाइरल भएको गगन सहितको तस्बिरलाई धेरैले हेडमास्टको अगाडी बसेको फुच्चे केटोको संज्ञा दिएका छन् । केहि समय अघि भक्तपुरमा आयोजित एक कार्यक्रममा थापाले आगामी निर्वाचनमा एमालेलेलाई भ्याकुम क्लिनर लगाएर बढार्ने अभिव्यक्ति दिएका थिए । समय क्रममा फेरी ओली सँगै गुहार माग्नु पर्ने अवस्थामा उनी पुगेका छन् ।

थापाले ‘चुनावमा एमालेलाई भ्याकुम क्लिनर लगाएर बढार्ने हो कतै कुनाकाप्चातिर बसेको रहेछ भने तानेर भए पनी बढार्ने हो त्यो गर्नु पर्ने छ ‘भनेर अभिव्यक्ति दिएका थिए । त्यस लगत्तै ओलीले थापालाई जावाफ फर्काउँदै ‘एकजना बावु एमाले बर्ढान भ्याकुम क्लिनर लिएर आएका रे कठै!’ भन्दै मुखभरिको जवाफ फर्काएका थिए ।

एमाले बढार्ने भ्याकुम क्लिर खोज्दै हिँडेका गगन थापा अन्तिममा एमालेकै सहयोग माग्दै गुहार माग्न जानु पर्ने अवस्था आए पछि एमाले कार्यकर्ताहरु भने दंग छन् । एमाले बढार्ने भ्याकुम क्लिनरको खोजिमा निस्किएका थापा आजभोली भने ‘अब गठबन्धन अघि बढ्न नसक्ने भयो यो टुट्यो’ भन्दै भाषण दिँदै हिड्न थालेका छन् ।