केपी ओली फेरी शक्तिमा फर्कन लागेको भन्दै प्रचण्डको रुवाबासी !

केहि दिन अघि प्रमुख प्रतिपक्षी दल नेकपा एमालेका अध्यक्ष केपी ओलीलाई प्रधानमन्त्री बनिदिनु पर्यो भन्दै विन्ती विसाउँन पुगेका नेकपा माओवादी केन्द्रका अध्यक्ष पुष्पकमल दहाल प्रचण्डले अहिले भने फरक अभिव्यक्ति दिएका छन् ।

अध्यक्ष प्रचण्डले अहिलेको गठबन्धनलाईनै बचाएर एमसीसी बारे पनि उचित निकास दिनका लागी अन्तिम प्रयास गरिरहेको बताएका छन् । एमसीसीकै कारण गठबन्धन भत्किएमा एमाले फेरी शक्तिमा फर्कने भन्दै उनले त्यसो गर्न नदिने उपायको खोजि भइरहेको बताएका छन् ।

प्रचण्डले एमसीसीकै कारण गठबन्धन टुट्ने खतरा भएको भन्दै एमसीसीलाई पनि टुंगो लगाएर सत्ता गठबन्धन जोगाउने अन्तिम प्रयासमा आफू रहेको बताएका छन् ।

माओवादी सशस्त्र युद्धका पहिलो शहिद दिलवहादुर रम्तेलको स्मृतिमा शनिवार पेरिसडाडामा आयोजित कार्यक्रममा अध्यक्ष प्रचण्डले जसलाई प्रतिगमनकारी भनेर ठूलो संघर्षबाट गठबन्धन बनाइयो,अहिले उही शक्ति ९एमाले० हाबी हुने खतरा देखिएको बताए ।

प्रचण्डले भने,’एमसीसीको समस्या समाधान होस,गठनबन्धन पनि नटुटोस् भन्ने कुनै उपाय छ कि भनेर अन्तिम प्रयास गरिरहेका छौं । नत्र एमसीसीकै कारण हामीले हिजो जसलाई प्रतिगमनकारी भन्यौ,जुन कदमलाई प्रतिक्रान्तिकारी भन्यौ,जसको भण्डफोर गरेर नयाँ गठबन्धनको जन्म भयो फेरि त्यही शक्ति फर्किने खतरा छ ।’

अहिलेको सत्ता गठबन्धन राष्ट्रियता,संविधान र लोकतन्त्र बचाउन बनेको भन्दै त्यसबेला एमसीसी कहिँ कतै नरहेको प्रचण्डले बताए । गठबन्धन र सरकार बनिसकेपछि पनि साझा कार्यक्रममा कहिँ कतै एमसीसीको चर्चा नगरिएको उनको भनाइ छ ।