एमसीसीमा हात उठाएर घर पुगे पछि प्रचण्डले सजिलै सँग यसो भनिदिए

एमसीसी अुनमोदन गर्न तयार छौ भनेर प्रतिनिधीसभाको बैठकमा हात उठाएका नेकपा माओवादी केन्द्रका अध्यक्ष पुष्पकमल दहाल प्रचण्डले घर पुगे पछि यस बारेमा प्रष्टिकरण दिएका छन् ।

माओवादी केन्द्रका अध्यक्ष प्रचण्डले आफ्नो सचिवालयको माध्यमबाट एमसीसी अनुमोदनको पक्षमा उभिनु पर्नाका कारण बारे बताएका छन् । पार्टी र देशनै गम्भिर दुर्घटनामा पर्न बाट जोगाउँनका लागी एमसीसी अनुमोदनको पक्षमा उभिनु परेको प्रष्टिकरण उनले दिएका छन् ।

प्रचण्डको सचिवालयको तर्फबाट छोरी गंगा दहालले सामाजिक संजाल मार्फत दिइएको प्रष्टिकरणमा धेरै विचार र विवेक पुर्याएरनै यस्तो गरिएको बताएकी छिन् । कुनै पनि भ्रममा नपर्न र नेतृत्वलाई विश्वास गर्न पनि प्रचण्डको सचिवालयले कार्यकर्ता पक्तीलाई अनुरोध गरेको छ ।

प्रचण्डका स्वकीय सचिव गंगा दाहालले सामाजिक सञ्जालमार्फत नेतृत्वलाई विश्वास गर्न पनि आग्रह गरेकी छन् । देश र जनताको हितबाहेक नेतृत्वको अरू कुनै स्वार्थ नभएको उल्लेख गरेकी छन् ।

धेरै विचार र विवेक पुर्‍याएर एमसीसी अनुमोदन गर्ने निर्णयमा पुगिएको उनको भनाइ छ । संयमित हुनुपर्नेमा उनले जोड दिएकी छन् । नेता–कार्यकर्ता तहमा नेतृत्वविरुद्ध भ्रम पैदा गराउन खोजिएको भन्दै सचेत हुन आग्रह गरेकी छन् ।

उनले एमसीसीलगायत विकसित राजनीतिक घटनाक्रमका बारेमा प्रचण्डले विशेष सम्बोधन गर्ने जानकारी पनि दिएकी छन् । प्रचण्डले गद्दारी गरेको भन्दै देशभरका माओवादी केन्द्रका कार्यकर्ताहरुले धमाधम पार्टी पारित्याग गर्न थाले पछि प्रचण्डको सचिवालयले यस्तो प्रतिक्रिया दिएको छ ।

यस्तो छ एमसीसी अनुमोदनको पक्षमा माओवादी केन्द्र उभिए पछि अध्यक्ष प्रचण्डको सचिवालयले दिएको प्रष्टिकरण
प्रिय कमरेडहरु!!
एमसिसिको सवालमा आज दिनभरको घटनाक्रमलाई मात्रै नियालेर गहिराई सम्म पुग्न सकिदैन। एकपटक सोचौं हाम्रो देश संगै पार्टी गम्भीर राजनीतिक दुर्घटनाबाट बचेको छ। पार्टी नेतृत्वलाई बिस्वास गरौं किन भने देश र जनताको हित बाहेक नेतृत्वको अरु कुनै स्वार्थ छैन। धेरै विचार र विवेक पुर्याएर आजको यो निर्णयमा पुगिएको हो। संयमित भएर परिस्थितिको गाम्भिर्यतालाई बुझौं। नेता कार्यकर्ता तहमा नेतृत्वको बिरुद्ध केहि भ्रम पैदा गराउन खोजिएको छ सचेत होऔं । MCC लगायत बिकसित राजनितिक घटनाक्रमका बारेमा अध्यक्ष कमरेड प्रचण्डले बिशेष सम्बोधन गर्नुहुनेछ। धन्यवाद!! शुभरात्री🙏