भिम रावलको यहि जवाफ खानलाई गगन थापालाई हिजो त्यत्ति बोल्नु परेको ?

नेकपा एमाालेका उपाध्यक्ष डा भिम रावलले एमसीसी पास गराउँन दिलो ज्यानले लागेका र संसदको रोस्टमबाट पनि ठूलो स्वरले कराएका नेपाली काग्रेसका महामन्त्री गगन थापालाई मुखभरिको जवाफ फर्काएका छन् ।

गगन थापा चिच्चाएर कराउँदैमा केहि लछारपाटो नलाग्ने भन्दै एमाले उपाध्यक्ष रावलले एमसीसी राष्ट्रघातीनै भएको र यो पास गर्न मतियार बन्नेहरु सबैजना राष्ट्रिय गद्दार भएको आफ्नो अडान कायम भएको जवाफ दिएका छन् ।

संसदको रोस्टमबाट रावलले एमसीसी पास गर्नेहरुलाई राष्ट्रिय गद्दार घोषणा गरे पछि काग्रेस महामन्त्री थापाले रावललाई लक्षित गर्दै एमसीसी बारे बहस गर्न चुनौति दिएका थिए । थापाले काठमाडाँै या अछाम कहाँ गर्ने बहस गर्न तयार छु भन्दै जवाफ दिए पछि रावलले पनि थापालाई त्यहि अनुसारको जवाफ फर्काएका छन् ।

संसदमा राम्रो सँग बहस समेत गर्न नदिएर जम्मा तीन मिनेटको समय दिएर हतारहतार एमसीसी पास गराउँनेले अछाम वा काठमाडाँै कहाँ बहस गर्ने हो तयार छु भनेर रवाफ दिन नसुहाउँने दावी रावलले गरेका छन् । संसदको बहस सुन्न धैयर्ता नहुनेको फुर्ती बढि भएको आरोप थापा माथी रावलले लगाएका छन् ।

गगन थापाले रावल माथी चुनौती दिँदै भाषण गरिरहँदा रावलले पनि आफु बसेकै कुर्सी बाट प्रतिक्रिया दिएका थिए । रावलले बोलेको कुरा बाहिर आवाज नसुनिए पनि त्यस बखत उनी निकै आक्रोसित देखिए थिए ।

रावलले त्यसबेला आफुले धेरै ठूला कुरा किन गर्नु, यही संसदमा तिमीहरूले जम्मा तीन मिनेट बोल्न दिएर हतारहतार पास गर्न खोजिरहेका छौ, यहीँ बहस गरौं, बहस खुल्ला गर भनेको हो । म सम्पूर्ण तथ्यहरू ल्याएर यहीँ पेस गर्न तयार छु । संसदमा बहस गर्न नदिएर ठूल्ठूला कुरा गर्ने भनेर बोलेको बताएका छन् ।

तपाईंको चुनौती म स्वीकार गर्छु । सडकमा बहस गर्ने कि संसदमा रु अछाममा गर्ने कि काठमाडौंमा स्वीकार्य छ । यो सम्झौताको कारणले कहिँ कतै देशको स्वाधीनता तलमाथि हुन गयो भने मलाई थानकोट कटाइयोस् । नागरिकता खोसियोस् । चारपाटे मुडियोस् । माननीयहरू तयार हो ?’, भन्दै गगनले रावललाई संसदबाटै चुनौति दिएका थिए ।

प्रमुख प्रतिपक्षी दल नेकपा एमालेले संसदको कुनै पनि प्रक्रियामा भाग नलिए पनि एमाले सांसद रावलले भने छलफलमा भाग लिँदै आफ्नो आवाज सम्पुर्ण देशभक्त नेपालीहरुको आवाज भएको भन्दै एमसीसीलाई राष्ट्रघाती सम्झौतानै भएको जिकिर गरेका थिए ।