प्रचण्डसँग नमज्जाले चित्त दुखाए नारायणकाजीले, अर्को पार्टीबाट आएको भनेर हेपेको निष्कर्ष !

विवादित अमेरिकी सहयोग परियोजना एमसीसी पारित भए पछि सत्तारुढ दल नेकपा माओवादी केन्द्र भित्रको अन्तरद्धन्द्ध छताछुल्ल भएको छ । पार्टी अध्यक्ष प्रचण्ड र नेता नारायणकाजी श्रेष्ठ विचको विवाद उत्कर्षमा पुगेको छ ।

माओवादी केन्द्रका अध्यक्ष प्रचण्डले नेता नारायणकाजी श्रेष्ठ प्रति इंकित गर्दै बस्न मन नलागे छोडेर जान सक्छन् भनेर सार्वजनिक अभिव्यक्ति दिए पछि जारी विवादमा आगोमा घिउ थपेको जस्तो भएको छ । नारायणकाजी श्रेष्ठ समूह अब प्रचण्डसँग अंगालो मार्न नसकिने निष्कर्षमा करिब पुगेको बताइन्छ ।

माओवादी केन्द्र सशस्त्र द्धन्द्धबाट शान्ति प्रक्रियामा आए पछि एकता केन्द्र र तत्कालिन नेकपा माओवादी विच एकता भएर पार्टीको नामनै एकिकृत माओवादी भएको थियो । विभिन्न कालखण्डमा नाम परिवर्तन भएर अहिले माओवादी केन्द्र भनेको उक्त पार्टी फेरी विभाजनको डिलमा पुगेको विश्लेषण सुरु भएको छ ।

पार्टी भित्रको नारायणकाजी लाईन एमसीसीलाई यथाअस्थामा कुनै पनि हालतमा स्विकार गर्न नहुने लाइनमा रहेको थियो । नेताहरु नारायणकाजी श्रेष्ठ , लिलामाणी पोखेरल लगायतले एमसीसी विरोधी क्याम्पीयन चलाएका थिए । पार्टी भित्र एमसीसी विरोधी मत बलियो बनिरहेकै बेला अध्यक्ष प्रचण्डले व्याख्यात्मक घोषणाको बर्को ओडाएर एमसीसी पारित गरे पछि उक्त पार्टी भित्रै रडाको मच्चिएको छ।

नारायणकाजी श्रेष्ठ निकट मानिने सांसहरु गिरिराजमणी पोखरेल र अन्जना विसुंखेले संसदमै एमसीसीको विरुद्ध उभिएर अभिव्यक्ति दिनुका साथै विपक्षमा पनि उभिएका थिए । नेता श्रेष्ठले पनि एमसीसी पारित भएको दिनलाई कालो दिन भन्दै सार्वजनिक टिप्पणी गरेका थिए ।

नेता श्रेष्ठले एमसीसी पारित भए पछि पनि नकारात्मक कुरा गरे पछि प्रचण्डले मिडियाकै सामु राजनिती स्वयमसेवी क्षेत्र भएको भन्दै बस्न मन नभए छोडेर गए हुने आशयको अभिव्यक्ति दिएका थिए । प्रचण्डको अभिव्यक्ति पछि श्रेष्ठ फायर भएका छन् ।

व्यक्तिगत रुपमा पनि धेरै रिसाउँने नेताका रुपमा चिनिएका श्रेष्ठ प्रचण्डको अभिव्यक्ति पछि निकै आक्रोसित भएको बताइन्छ । श्रेष्ठ कति रिसाउँछन् भन्ने कुरा तत्कालिन प्रधानमन्त्री केपी ओलीले संसद विघठन गरे पछि भएको आन्दोलनमा देखिएको थियो । जुलुसले सुन्धारका परिक्रमा गर्न नपाएको सानो कुरामा पनि दिनभर उनी नबोली बसेका थिए । अर्को आन्दोलनमा पत्रकार ऋषि धमलालाई उसै गरि थर्काएका थिए ।

पार्टी छोडेर जाउ भनेर पार्टी अध्यक्ष प्रचण्डले आफुहरुको मानमर्दन गरेको निष्कर्ष श्रेष्ठ समूहले निकालेको छ । सार्वजनिक रुपमै प्रचण्डको यस्तो अभिव्यक्ति आउँनुलाई निकै गम्भिर रुपमा लिनु पर्ने र अब सँगै यात्रा गर्न गारो हुने निष्कर्षमा श्रेष्ठ समुह पुगेको सुचना ओटिभी नेपालले प्राप्त गरेको छ ।

सबैभन्दा पहिला आफ्ना कुराहरु केन्द्रिय कमिटी बैठकमा राख्ने र त्यस पछि थप निर्णय लिने तयारी श्रेष्ठ समूहले गरेको छ । नारायणकाजी निकट नेता गिरिराजमणी पोखरेलले केन्द्रिय कमिटी बैठकमा विवेकयुक्त बहस हुनेमा शंका रहेको बताएका छन् । एमसीसी पास गर्ने बेलामा जस्तै केन्द्रिय कमिटीमा पनि पेलेर निर्णय हुन सक्ने उनले बताए ।

पार्टी एकता भएको १४ बर्ष सम्म पनि आफुहरुलाई एकताबाट आएको भनेर संस्थापन पक्षले हेपाहपूर्ण व्यवहार गर्ने गरेको गुनासो पोखरेलले गरेका छन् । माओवादी केन्द्र प्रचण्डको प्राइभेट लिमिटेड जस्तो भएको भन्दै उनले आत्मकेन्द्रित व्यक्तिवाद प्रचण्डमा हावी भएकाले स्वभावनै त्यस्तै बनिसकेकाले प्रचण्ड सुध्रनै सम्भावना कम रहेको पोखरेलले बताएका छन् ।