काग्रेसले यती सम्म भन्द पनि गठबन्धन भनेर टाँसिनु पर्ने प्रचण्ड -माधवका दुख कठै !

गठबन्धन जोगाउँनैका लागी एमसीसी पास गरेको भन्दै रवाफ दिँदै हिँडेका नेकपा माओवादी केन्द्रका अध्यक्ष पुष्पकमल दहाल प्रचण्ड र नेकपा एसका अध्यक्ष माधव कुमार नेपालका दुख पनि अनेक छन् ।

सरकारले तोकेको स्थानिय तहको निर्वाचन मिति नजिकै आएको र संघिय र प्रदेश सभाका निर्वाचन मिती पनि नजिक आइरहेका बेला दलका नेताहरुको अभिव्यक्ति पनि निर्वाचन केन्द्रित गरेर घोचपेचपुर्ण आउँन थालेका छन् ।

आगामी निर्वाचनमा गठबन्धन कायम गरेरै जानु पर्छ र एमालेलाई चुनावमा सोतर बनाएर केपी ओलीलाई देखाइदिनु पर्छ भन्ने लाइनमा रहेका प्रचण्ड र माधव कुमार नेपाललाई गठबन्धन भित्रकै दल नेपाली काग्रेसका नेताहरुले भने लाजमर्दो बन्ने गरि जवाफ दिन थालेका छन् ।

आगामी निर्वाचनमा कुनै पनि हालतमा काग्रेसले अन्य दल सँग गठबन्धन गर्नु हुँदैन भन्ने लाइनमा सुरु देखिनै अभिव्यक्ति दिँदै आएका नेपाली काग्रेसका उपसभापती धनराज गुरुङले झन कडा अभिव्यक्ति दिएका छन् । उनले माओवादी र नेकपा एसललाई हात्तीको कानमा बसेको चमेरोको संज्ञा दिएका छन् ।

उपसभापति धनराज गुरुङले चुनावमा कांग्रेस एक्लै लड्ने रोडम्याप तयार रहेको भन्दै कांग्रेसरुपी हात्तीको ठूलो कान देखेर केही चमेराहरु ओत लाग्न खोजिरहेको टिप्पणी गरेका छन् ।

नेकपा माओवादी केन्द्र र नेकपा एसले चुनावमा गठबन्धन गर्न दबाब दिइरहेकोप्रति कटाक्ष गर्दै गुरुङले कांग्रेसरुपी हात्तीको कानमा ओत लाग्न खोज्नेहरुबाट कांग्रेसलाई केही फाइदा नहुने गुरुङले बताए ।

कांग्रेस निकट निजामति कर्मचारी युनियनको महाधिवेशनलाई काठमाडौंमा सम्बोधन गर्दै उपसभापति गुरुङले २०७९ साल चुनावी वर्ष रहेको र कांग्रेसरुपी हात्ती चुनावी मैदानमा लम्किन थालेपछि बानेश्वरमा केही दिन कुकुरहरु भुके पनि एमसीसी पास गरेरै छाडेको बताए ।

सभापति तथा प्रधानमन्त्री देउवा समेत सहभागी कार्यक्रममा गुरुङले भने,’ दुईचार दिनमात्र अगाडि कांग्रेसरुपी हात्ती लम्किएर बानेश्वर पुग्दै गर्दा केही कुकरहरु भुक्ने काम पनि भए तर एमसीसी पास भयो । २०७९ साल निर्वाचन वर्ष हो । इलेक्सन इयर हो । त्यसैले कांग्रेसरुपी हात्ती अब चुनावको मैदानमा लम्किन थालेको छ । कांग्रेस चुनावको मैदानमा लम्किदै गर्दा हात्तीको ठूलो कान देखेर चमेराहरु हात्तीको कानमा ओत लाउन खोज्दैछन् । हात्तीको कानमा ओत लाग्ने चमेराको भरोसा हुँदैन । चमेराले हात्तीलाई केही सहयोग गर्दैन बरु हात्तीको कान दुर्गन्धित बनाउछन् । त्यसैले जनताबीच कांग्रेस एक्लै जान्छ आफ्नो रोडम्यापमा ।’

गुरुङ प्रचण्ड–माधवले गरेको चुनावी गठबन्धनको विपक्षमा बोल्दै आएका नेता हुन् । गुरुङ लगत्तै बोलेका सभापति देउवाले भने यसबारेमा कुनै जवाफ दिएनन् ।