बोली फेर्न सीपालु प्रचण्डको बारेमा माओवादी कार्यकर्तानै चकित पर्ने अर्को रोचक तथ्य खुल्यो !

विगत ३५बर्ष देखी माओवादी केन्द्रको मूल नेतृत्वमा रहेका पुष्पकमल दहाल प्रचण्ड लामो समय देखी नेपालको राजनितीको पनि केन्द्र भागमा रहेका छन् । उनले गरेका निर्णयहरुले पटक पटक सरकार परिवर्तन भएका छन् भने राजनितीले नयाँ कोर्ष पनि लिएको छ ।

यो या त्यो रुपमा सँधैभरि चर्चाको केन्द्रमा उनी छाइरहन्छन् । सशस्त्र द्धन्द्ध पछि शान्ति प्रक्रियामा आएर राजनितीको मूल प्रवाहमा रहेका प्रचण्ड कहिले प्रशंसा त कहिले आलोचनाको पात्र बनिरहन्छन् । प्वाक्क बोलिहाल्ने र फेरी माफी पनि मागिहाल्ने उनको बिशेषतानै हो भन्दा पनि हुन्छ ।

पछिल्लो समय नेपालको राजनितीमा एक विवादित पात्रको रुपमा प्रचण्डको परिचय बन्दै गएको छ । हतियारको राजनितीबाट एउटा उदाउँदो रापताप लिएर आएका उनी संसदीय राजनितीको भाषमा डुबेका छन् । बोलीको ठेगान नभएको र जता पनि ढल्कने नेताको रुपमा जबर्जस्त उनको परिचय बन्दै गएको छ ।

हालै मात्रै विवादित अमेरिकी सहयोग परियोजना एमसीसी प्रतिनिधीसभाबाट पारित गराउँने क्रममा प्रचण्डले खेलेको भूमिकाको निकै आलोचना भयो । उनको एकै दिन पाँच अवतार समेत देखिएको चर्चा व्यापक मात्रामा भयो । उनी आफैँले एक कार्यक्रममा आफुलाई डबल डिलरको रुपमा चित्रीत गरिएको गुनासो गरे ।

आन्दोलन गर्न कार्यकर्ता उक्साएर अन्तिममा आफैँले एमसीसी पास गरे पछि उनको सर्वत्र आलोचना भयो । बोली फेर्न सीपालु नेताका रुपमा चिनिएका प्रचण्ड नाम फेर्न पनि उतित्तै सीपालु भएको तथ्य फेला परेको छ । खास नाम पुष्पकमल दहाल र उपमानाम प्रचण्डले चिनिएका उननको छैठाँै नाम प्रचण्ड भएको खुलेको छ । यस अघि उनको अरुनै पाँच वटा नाम भएको पाइएको छ ।

प्रचण्डले आफ्नो नाम मात्रै छ पटक परिवर्तन गरिसकेका छन्।प्रचण्डले राजनीतिक आदर्श मान्ने गरेका स्टालिनले पनि तीन पटक नाम परिवर्तन गरेका थिए। स्टालिन नाम राख्नुअघि उनको नाम कोबा थियो भने वास्तविक नाम जोसेफ भिसारिओनोभिच जुगासभिली हो।

उनका अर्का आदर्शपुरुष लेनिनको वास्तविक नाम पनि भ्लादिमिर उलियानभ हो।तर नाम फेर्ने विषयमा प्रचण्डले ती चर्चित नेताहरूलाई पनि पछि पारेको कम्युनिष्ट नेताहरू बताउँछन्।

नारायणी विद्या मन्दिर चितवनमा कक्षा १० मा पढ्दै गर्दा छविलाल दाहालबाट नाम फेरेर पुष्पकमल दाहाल राखेका प्रचण्डले भूमिगत कालमा आफ्नो नाम पटकपटक परिवर्तन गरे।

पञ्चायतविरोधी आन्दोलनमा २०३८ सालमै भूमिगत भएका प्रचण्ड एकैपटक २०६३ साल असार २ गते बालुवाटारमा सार्वजनिक भए। उनी ४६ सालको जनआन्दोलन र ४७ सालमा भएको कट्टर वामपन्थी दलहरूको एकतामा पनि सार्वजनिक भएनन्।

उनी २०४६ सालपछि केही वर्ष अर्ध भूमिगत रहेर जनयुद्ध सुरु भएपछि मात्रै भूमिगत भएका थिए।यसबीचमा उनले कल्याण, विश्वास, निर्माण र प्रचण्ड नाम राखे। त्यसअघि नै उनी छविलालबाट पुष्पकमल बनिसकेका थिए।

शिक्षक हुँदा योङ कम्युनिस्ट लीग भनिने वाम सङ्गठनमा आबद्ध भएका कारण आफ्नो परिचय नखुलोस् भनेर आफ्नो नाम कल्याण राखे। मसालको केन्द्रीय सदस्य हुँदा उनको नाम विश्वास थियो। वाम एकतापछि पार्टी निर्माणका लागि उनले निर्माण नाम राखेको माओवादीका पुराना नेता नारायण शर्मा बताउँछन्।

एकतापछि पार्टी निर्माणको दौरानमा निर्माण नाम राख्नुभयो। पछि हामी क्रान्तिमा युद्धमा जाने कुरा थियो, निर्माण शान्तिवादी जस्तो नाम भयो, उनले भने।रूप र सारको बीचमा मेल हुनुपर्छ भनेजस्तै क्रान्तिकारी नेताको नाम पनि क्रान्तिकारी हुनुपर्छ भनेर प्रचण्ड राख्नुभएको होला।