संसदमा ओलीले थर्काए साप, प्रचण्ड र माधव नेपाल सुइँकुच्चा ठोकेर टाप !

झण्डै साँढे ३ बर्ष सत्ताको बागडोर सम्हालेर सर्वोच्च अदालतको परमादेश बाट शेरबहादुर देउवा प्रधानमन्त्री बनेपछि बाध्यात्मक बहिर्गमनमा परेका केपी ओली आज संसदमा ढिलो आयो कडा आयो पारामा प्रस्तुत भए ।

केपी ओलीले सरकार चलाउँदा सम्म संसदमा प्रतिपक्षी दल कस्तो हुन्छ भन्ने जनताले राम्रो सँग आभाष गर्न पाएका थिएनन् , नेपाली काग्रेसको संसदमा फितलो प्रस्तुतीका कारण प्रतिपक्षीको स्वाद राम्रो सँग देखिएको थिएन् । ओलीको आजको संसदको प्रस्तुतीबाट प्रतिपक्षी कस्तो हुन्छ भन्ने पनि धेरैले महशुस गरेका छन् ।

यस अघि संसदमा केपी ओलीको धेरै खोजी भयो,प्रधानमन्त्री देउवाले पनि पटक पटक केपी ओलीलाई संसदमा खोजे । यस अघि संसद खासै नगएका ओली आज आक्रामक रुपमा संसदमा प्रस्तुत भए । प्रमुख प्रतिपक्षी दलको नेताका हैसियतले आफैंले समय लिएर बोलेका ओलीले एक महिने सरकारको झाँको झारेका छन् ।

ओलीको निसानामा सर्वोच्च अदालत देखी , प्रधानमन्त्री शेरबहादुर देउवा हुँदै माओवादी केन्द्रका अध्यक्ष पुष्पकमल दाहाल र एमालेकै विद्रोही नेताहरु परेका छन् । सत्तागठबन्धनले ल्याएको न्युनतम साझा कार्यक्रम माथी चिरफार गरेर खनिएका ओली सिँगो संसद माथी एक्लै हावी भएका थिए ।

प्रमुख प्रतिपक्षी दलका नेता केपी ओलीले साझा कार्यक्रमको केस्रा केस्रा केलाएर सरकारमाथि प्रहार गरे । त्यसो त उनको प्रहारको निशानामा वर्तमान सरकार र प्रधानमन्त्री शेरबहादुर देउवा मात्रै थिएनन्, सत्तारुढ गठवन्धनका सबै मुख्य पात्रहरूलाई उनले पालैपालो हिर्काएका थिए ।

ओलीले छुन बाँकी कुनै विषय थिएन । उनले जनयुद्धका घाइतेदेखि क्यान्टोनमेन्टको भ्रष्टाचारसम्म र एमसीसीदेखि कालापानी(लिपुलेकसम्मका कुरा उप्काए । नाम कसैको नलिए पनि उनको मुख्य निशाना देउवा, प्रचण्ड, माधव नेपाल,उपेन्द्र(बाबुराम र सर्वोच्च अदालत थिए ।

गौर हत्याकाण्डको विषय निकालेर उपेन्द्र यादवलाई र मातातीर्थको विषय निकालेर डा। बाबुराम भट्टराईलाई ओलीले तर्साउन खोजे । त्यस्तै ललिता निवासको कुरा उठाएर माधव नेपाल र बाबुराम दुवैमाथि उनले निशाना साँधे । यी विषय छानविन गर्न उनले चुनौती दिए ।

आफ्नो स्वभाव र शैलीअनुसार लम्बेतान भाषण गरेका ओलीले कतै बोर हुने ठाउँ भने छाडेनन् । विषयहरूलाई अतिरञ्जना गरेर होस् वा मजाक बनाएर, गाली गरेर होस वा हँसाएर उनले संसदमा प्रतिपक्षको आभास दिलाएका छन् । उनको भाषणका कैयन सन्दर्भहरू समाचार लायक थिए ।

ओलीले सत्तारुढ गठबन्धनले हालै सार्वजनिक गरेको ‘संयुक्त सरकारको साझा न्यूनतम कार्यक्रम’ लाई ‘सडकमा बाँडेको कागज’ भनेर उडाए । संसद अधिवेशन चलिरहेकै बेला सरकारको कार्यक्रम संसदभन्दा बाहिर सार्वजनिक गरिएकोमा उनको आपत्ति थियो ।

ओलीले भने, ‘हामी सरकारमा छँदा अत्यावश्यक विषयवस्तुहरू अध्यादेशमार्फत ल्याएको बेला संसद छलेर यो ल्याइयो त्यो ल्याइयो भनेर खुबै विरोध हुन्थ्यो । तर, अहिले संसद अधिवेशन चलिरहेका बेला, संसद बैठक आज छ, दुई दिनअघि बाहिर कतै सडकमा सरकारको कार्यक्रम सार्वजनिक गरिनुको मक्सद के हो ?

यसको जवाफ पनि उनी आफैंले दिए, ‘गठवन्धनमा विभिन्न अनुहारहरू छन् । संसदमा यो कार्यक्रम ल्याउँदा त सरकारमा नभएकाहरूको उनीहरूको फोटो आउँदैन । त्यत्तिका लागि बाहिर सडकमा सार्वजनिक गरिएको हो ।’साझा न्यूनतम कार्यक्रममा विभिन्न अनुहार देखिए पनि नेपाली कांग्रेसको अनुहार आफूले कतै नदेखेको भन्दै ओलीले व्यंग्य गरे ।

ओली सरकार ढालेपछि संसदमा बोल्दै माओवादी केन्द्रका अध्यक्ष प्रचण्डले आफूलाई ‘आगो’ को संज्ञा दिँदै आगोसँग नखेल्न चेतावनी दिएका थिए । त्यसको जवाफ ओलीले आज संसदबाटै दिए ।‘उहाँ आगो हो थाहा छ । उहाँले विगतमा देशमा लगाएको डढेलो म सम्झिन्छु । उहाँ डढेलो लगाउनुहुन्छ,’ ओलीले भने, ‘तर, यस्तो आगो निभाउन हामीलाई आउँछ । विगतमा एक(दुई बाल्टी पानीले आगो निभाएको सम्झना होस ।’

ओलीले क्यान्टोनमेन्टको भ्रष्टाचारको कुरा निकालेर पनि प्रचण्डलाई झस्काउन खोजे । सरकारले आफ्नो साझा कार्यक्रममा भ्रष्टाचार नियन्त्रण गर्ने भनेको उल्लेख गर्दै उनले त्यसो हो भने क्यान्टोनमेन्टको भ्रष्टाचार छानविन गर्न चुनौती दिए ।

‘भ्रष्टाचारीलाई कारवाही गर्ने भन्नुभएको छ, खुशी लाग्यो,’ उनले भने, ‘छानविन गर्ने र कारवाही अगाडि बढाउने राम्रो कुरा हो । भ्रष्टाचारका थुप्रै कुरा उठिरहेका छन् । क्यान्टोनमेन्टको पनि यत्रो कुरा उठेकै छ । यसपल्ट पक्कै पनि यत्रो गठबन्धनको सरकारले यस कुराको छानविन गरेर नेपाली जनतालाई जवाफ दिनेछ ।’

माओवादी जनयुद्धमा घाइते भएकाहरुको शरीरभित्र रहेको गोली निकाल्न पनि ओलीले प्रचण्डलाई चुनौती दिएका थिए ।उहाँहरूलाई खादा लगाइदिएर मात्रै सम्मान हुँदैन, उहाँहरुको शरीरभित्रको गोली निकाल्न सक्नुहुन्छ ? ओलीले भने, ‘सक्नुहुन्न भने थापाथलीमा रहेको एमाले कार्यालयमा पठाइदिनुस्, हामी निकाल्छौं ।’

ओलीले साझा कार्यक्रममाथि टिप्पणी गर्ने क्रममा एमसीसीका सन्दर्भमा साँधिएको मौनतालाई सबैभन्दा ठूलो आलोचनाको विषय बनाए । यसैगरि लिपुलेक(कालापानीलाई दस्तावेजले ‘समस्या’का रूपमा प्रस्तुत गरेको भन्दै उनले आपत्ति जनाए ।दस्तावेजका पाना पल्टाउँदै ओलीले व्यंग्य गरे, ‘अहिलेको गठवन्धन नै सरकारमा हुँदा एमसीसी गर्नुभएको जस्तो लाग्छ तपाईंहरूले । एमसीसीको बारेमा त खोइ केही पनि छैन । यति ठूलो विषय किन छुटाउनुभयो रु बिर्सिनुभयो कि क्या हो ?। मैले त कतै देखिनँ ।’

उनले थपे, ‘नेपाली जनताले जान्न चाहेको छ सम्माननीय प्रधानमन्त्री ज्यू । के गर्नुहुन्छ तपाईं रु बहुत मजबुत प्रधानमन्त्री हुनुहुन्छ । १६५ सिट छ । भरर ताली बजाइदिँदा भइहाल्छ । कसैको मद्दत चाहिँदैन । त्यो १६५ को सबल जत्थाले के भन्छ ? पास गर्ने कि फेल गर्ने ? कि चुप लाग्ने ?’कालापानीको विषयमा ओलीको टिप्पणी अझ चोटिलो थियो ।

सबैलाई प्रहार गर्न भ्याएका ओलीले आफ्नै पार्टीका सहयोद्धा माधवकुमार नेपाललाई छुटाउने कुरा थिएन । यसपाली उनले नेपाललाई सबैभन्दा पछाडि सम्झिए । माधव नपालको नाम नलिइकन उनको समूहका नेताहरू मन्त्री खान दौडधुप गरेको भन्दै कटु व्यंग्य गरे ।

‘मेरै पार्टीका केही मान्छेहरू पाउँला र खाउँला भनेर यहाँका पछाडि कुदेका छन् प्रधानमन्त्रीज्यू । तिनीहरुलाई मन्त्री दिनुस् न । किन बिलम्ब गर्नुभएको रु’ उनले भने ।ओलीले हात जोड्दै आग्रह गरे, ‘मन्त्री बन्न नपाएर हिरिक हिरिक गर्न थालिसके । पछाडि त लगाइसक्नुभयो । कुदेका छन् । मन्त्री खान पाउँ भनेका छन् । चाकडी गरेका छन् । मन्त्री दिनुस प्लिज । मेरो दलमा घाटा भएको म सहुँला ।’

चौतर्फी निसाना बनाएर ओलीले आक्रामक मन्तव्य संसदमा दिइरहँदा आज माओवादी केन्द्रका अध्यक्ष पुष्पकमल दाहाल प्रचण्ड र एमाले वरिष्ठ नेता माधव नेपाल भने संसद बैठकमा देखा परेनन् । ओलीले संसदमा मन्तव्य राखिरहँदा नेता नेपाल भने एक कार्यक्रममा ओली विरुद्धनै अभिव्यक्ति दिँदै थिए । नेता नेपाल कुनै हालतमा ओलीको टाङमुनी नछिर्ने भन्दै कार्यकर्तालाई आस्वस्त पार्दै थिए ।

केपी ओलीको आजको मन्तव्यलाई लिएर मिश्रीत प्रतिक्रिया आएको छ । कतिपयले सरकार बनेको एक महिनानै नपुगेको अवस्थामा ओलीको डोज अली बढी भएको भनेका छन् । भने कतिपयले जनादेश बाट बनेको सरकारलाई हटाएर परमादेश बाट बनेको सरकारलाई यतिको डोज आवश्यक थियो भनेका छन् । नेकपा एमाललेका कार्यकर्ताहरु भने ओलीको आजको प्रस्तुती बाट निकै खुशि भएका छन् ।