माधव नेपालले भने ‘पद बचाउँनैका लागी एमसीसी पास गरेको हो त्यत्ति नगरेको भए ओलीले बर्वाद बनाउँथे ‘

नेकपा एमाले विभाजन गरेर बनेको नेकपा एस पार्टीका अध्यक्ष माधव कुमार नेपालले एमसीसी पास गरेर निकै बुद्धिमतापुर्ण काम गरेको जिकिर गरेका छन् ।

एस पार्टीको बैठकमा लिखित प्रतिवेदन पेस गर्दै अध्यक्ष नेपालले व्याख्यात्मक घोषणा गरेर एमसीसी पास नगरेको भए सभामुख अग्नी सापकोटा सहित एस पार्टीका १४ जना सांसदको पद समेत चट हुने अवस्था रहेको बताएका छन् ।

काग्रेस एमाले गठबन्धन बन्ने र एमालेले राखेको मागहरु पुरा गराउँन प्रधानमन्त्री शेरबहादुर देउवा पुर्णरुपमा तयार भए पछि व्याख्यात्मक घोषणा गरेर एमसीसी पास गर्ने बाध्यात्मक कदम उठाउँनु परेको जिकिर नेपालले प्रतिवेदनमा गरेका छन् ।

एमसीसीका सन्दर्भमा भ्रम र यथार्थ प्रष्ट पार्न केन्द्रीय कमिटीको जारी बैठकमा नेपालले पेस गरेको ११ पृष्ठको प्रतिवेदनमा आफूहरूले एमसीसी पारित नगर्दा नेपाली कांग्रेस र प्रधानमन्त्री शेरबहादुर देउवा नेकपा एमालेका सबै शर्त पूरा गर्न तयार भइसकेकाले ठूलो संकटबाट पार लगाइएको उल्लेख छ ।

प्रतिवेदनमा नेपालले भनेका छन्, ‘नेपाली कांग्रेस एमसीसीलाई जस्ताको तस्तै पारित गर्ने निर्णयमा पुग्नु र केपी ओलीले त्यसका लागि आफ्ना शर्तमा कांग्रेसलाई झुकाएर सम्झौता पारित गराउने षडयन्त्र गरिरहेको परिस्थितिमा हामीले उपयुक्त निर्णयमा पुग्ने बुद्धिमता देखाउनै पर्थ्यो ।

एमसीसी पारित गर्नका लागि ओलीले सभामुखलाई तत्काल हटाउनु पर्ने, नेकपा एकीकृत समाजवादीका चौध जना सांसदहरूलाई पदमुक्त गर्नुपर्ने, नेकपा एकीकृत समाजवादीको दर्ता खारेजीका लागि आवश्यक कदम चाल्नुपर्ने, प्रधानन्यायाधीशमाथिको महाअभियोग प्रस्ताव फिर्ता लिनुपर्ने, वर्तमान गठबन्धन तोडी कांग्रेस-एमाले गठबन्धन बनाउनुपर्ने, प्रदेश सरकारमा आफ्नो शक्ति अनुसार मुख्यमन्त्री पाउनुपर्ने लगायतका शर्तहरू प्रधानमन्त्रीसमक्ष राख्ने काम गरेका थिए । एमसीसी पारित गराउन नेपाली कांग्रेसले पनि करिब-करिब सबै शर्तहरू मान्न तयार भइसकेको थियो ।