कुलमानले वुझे नियुक्तीपत्र, मोवाइल स्विच अफ गरेर गर्दैछन् यस्तो तयारी

उज्यालो नेपालको नायकको रुपमा चिनिएर नेपाली जनताको मन मुटुमा बस्न सफल कुलमान घिसिङ नेपाल विधुत प्राधिकरणमा कार्यकारी निर्देशकको रुपमा कमव्याक भएका छन् । शेरबहादुर देउवा नेतृत्वको सरकारले कुलमानलाई पुन विधुत प्राधिरकणको कार्यकारी निर्देशकमा नियुक्ती गरेको छ ।

सरकारले केहि दिन अघिनै कुलमानलाई नेपाल विधुत प्राधिकरणको कार्यकारी निर्देशकमा नियुक्ती गरे पनि गोप्य राखेको थियो । अहिले पनि कुलमानले नियुक्तीपत्रनै बोकेर गइसकेका छन्। कुलमानले नियुक्ती पत्रनै बुझीसके पछि अब भने उनको कार्यकारी निर्देशकका रुपमा प्राधिकरणमा कमव्याक पक्का भएको हो ।

घिसिङ १० महिना २७ दिनपछि फेरि विदुत प्राधिकरणकै कार्यकारिणी निर्देशकको जिम्मेवारीमा फर्किएका हुन् ।२०७७ भदौ २९ गतेदेखि अहिलेसम्म कुनै संस्थामा आबद्ध नभएका घिसिङलाई मन्त्रिपरिषद्को सोमबारको बैठकले प्राधिकरणको कार्यकारी निर्देशकमा नियुक्त गरेको हो । अन्धकारयुक्त दैनिकीको अन्त्य गर्दै कुलमानले देशलाई लोडसेडिङ मुक्त बनाएका थिए ।

तर उनलाई अघिल्लो केपी ओली नेतृत्वको सरकारले पूनः नियुक्तिका लागि अवसर दिएको थिएन । उर्जामन्त्रालयले प्रस्ताव लगेपनि त्यसवेला प्रधानमन्त्री रहेका ओलीले नरुचाएका कारण कुलमानको पूननियुक्ति रोकिएको थियो । तर अहिले ओली नेतृत्वको सरकार हटेर कांग्रेस माओवादी लगायतका राजनीतिक दलको गठबन्धन सरकार बनेपछि उर्जामन्त्री रहेकी पम्फा भुसालले घिसिङलाई प्राधिकरणको कार्यकारी निर्देशकमा पून नियुक्तिको प्रस्ताव मन्त्रिपरिषद्को बैठकमा लगेकी थिइन ।

घिसिङले मंगलवार सिंहदरवारस्थित उर्जा जलस्रोत तथा सिञ्चाई मन्त्रालयमा पुगेर नियुक्तिको पत्र वुझेर हिडिसकेका छन् । उनले आजै पदवाहाली गर्न लागेका छन् । यसअघिका प्राधिकरणका कार्यकारी निर्देशक हितेन्द्रदेव शाक्यलाई जल तथा ऊर्जा आयोगमा पठाइएको छ । शाक्यले प्राधिकरणबाट हिजै (मंगलबार) बिदा लिइसकेका छन्।

सोमबार मन्त्रीपरिषद्को बैठकले घिसिङलाई नियुक्तिको निर्णय गरेपनि त्यसलाई सार्वजनिक नगरी लुकाएर राखिएको थियो । कुलमानको नियुक्तीको खबरले खुशी भएका युवाहरुले हिजो नै माइतिघरमण्डालामा दिप प्रज्वलन गरेर खुशि मनाइसेका छन् । उनले आज नै विधुत प्राधिकरणमा पुगेर पदबहाली गर्ने कार्यक्रम रहेको छ । यसबारेमा बुझ्न् उनलाई ओटीभी नेपालले फोन गर्दा फोन अफ रहको छ ।