सरकारसामु ओलिले तेर्साएका ति प्रश्न जसले देउबाको पसिना छुटायो

केपी शर्मा ओलीले मंगलबार प्रमुख प्रतिपक्षी दलको नेताका रुपमा संसदमा सम्बोधन गरे । एमाले अध्यक्ष एवं संसदीय दलका नेता ओलीको सवा एक घण्टा लामो सम्बोधन आफू र आफ्नो पार्टीप्रति भरोसा, सत्तारुढ गठबन्धनप्रति आक्रोश र प्रश्नहरु मिश्रित थियो । आफैंले भंग गरेको प्रतिनिधिसभामा सम्बोधन गरेका उनले गल्ती स्वीकार गरेनन्, बरु अदालतकै फैसलाप्रति असन्तुष्टि जनाए । मंगलवारको सम्बोधनमार्फत ओलीले केही सन्देशहरू छाडेका छन् । संसद्मा ओलीले बोलेका प्रत्येक विषय र शब्द वजनदार छन् । संसद्को वर्तमान कार्यकालमा प्रतिपक्षी दलको नेताको हैसियतमा ओलीको सम्बोधनको पहिलो सन्देश आगामी १५र१६ महिना एमाले संसद्मा सशक्त प्रतिपक्षको भूमिकामा रहनेछ भन्ने नै हो ।

प्रतिपक्षी भूमिकामा एमाले सधैँ सशक्त र अब्बल नै देखिन्छ । प्रतिनिधि सभाको शून्य र विशेष समयमा एमाले सांसदहरू ‘परमादेशको सरकार’ भनेर अहिलेको सरकारविरुद्ध खनिँदै आएका छन् ।
साझा न्यूनतम कार्यक्रममा ‘लिम्पियाधुरा, कालापानी र लिपुलेक लगायतका छिमेकी मुलुकहरुसँग समाधान हुन बाँकी सीमा समस्याहरु कूटनीतिक माध्यमबाट समाधान गर्ने’ भनिएको छ । ओलीले यसमा पनि प्रश्न उठाएका छन् ।

लिम्पियाधुरा, कालापानी र लिपुलेक नेपाली भूमि भएको उल्लेख गर्दै उनले प्रधानमन्त्रीलाई प्रश्न गरे, ‘लिम्पियाधुुरा, लिपुलेक र कालापानी भारतसँग वार्ता गरेर फिर्ता ल्याउँछु भन्न किन सक्नुभएन रु त्यस्तो खुट्टा कमाउनुपर्ने कसले बनायो ’

आफू प्रधानमन्त्री हुँदा यो भूमिलाई नक्सामा समेट्नुका साथै संविधान संशोधन गरेको स्मरण गर्दैै उनले अब यो भूमि छाड्ने अधिकार कसैलाई नभएको बताए । अहिलेको सरकारले फिर्ता गर्न नसकेमा आफूहरु सरकारमा आएपछि गर्ने भन्दै उनले भने, ‘तपाईँले फिर्ता लिन सक्नुभएन भने हामी छौं ।’

पूर्वप्रधानमन्त्री समेत रहेका ओलीले सरकारले छिमेकी देशहरुसँगको सीमा समस्या भनेकोमा पनि असन्तुष्टि जनाए । उनले प्रधानमन्त्री देउवालाई प्रश्न गरेका छन्, ‘कहाँ कहाँ छ सीमा समस्या, ठोकेर भन्न किन नसकेको, कति साह्रो डराएको ।