कुरा पनि कति आएको ओलीलाई ? गठबन्धनवालाहरुलाई एउटै शब्दले यसरी बनाए मुर्छित !

स्थानिय तहको निर्वाचनले प्रमुख राजनितीक दलहरुलाई छपक्कै छोपेको छ । प्रमुख प्रतिपक्षी दल नेकपा एमालेका अध्यक्ष केपी ओलीको देशदौडाह र भाषणका तेज पनि कम्तीका छैनन् ।

सरकारको नेतृत्व गरिरहेको दल नेपाली काग्रेसले औपचारिक रुपमानै स्थानिय तहको निर्वाचनमा अन्य दलसँग चुनावी तालमेल गर्ने नितिगत निर्णय गरे पछी चुनावी माहोल थप रोचक बनेको छ । एमाले भर्सेस गठबन्धनको चुनावी प्रतिष्पर्धा हुने भए पछि ओली थप आक्रामक भएका छन् ।

एमाले अध्यक्ष ओलीले एमालेसँग प्रतिष्पर्धा गर्न अहिलेका गठबन्धनका दलहरु मात्रै होइन निर्वाचन आयोगमा दर्ता भएका जती सबै दल मिलेर आए पनि फरक नपर्ने अभिव्यक्ति लगातार दिँदै आएका छन् । यसै विच गठबन्धनलाई लक्षित गरेर हालै ओलीले दिएको एउटा अभिव्यक्ति निकै चर्चित भएको छ ।

एमाले विरुद्ध चुनावी मोर्चा कस्ने तयारी गरेका पाँच दललाई एमाले अध्यक्ष ओलीले एक एक किलोका पाँच वटा ढकको संज्ञा दिएका थिए । गबठन्धनलाई पाँच किलोको ढक भनेका ओलीले एमालेलाई भने एक्लै एक क्विनटलको ढक भनेका छन् ।

एक एक किलोको पाँच वटा ढक राखेर पाँच किलो बनाए जस्तै अहिलेको गठबन्धन भएको भन्दै अध्यक्ष ओलीले त्यसका लागी एमाले एक्लै क्विनटलको ढक सँग तुलना गरेर एक्लै जित निकाल्न सक्ने दाबी गरेका छन् । एक्लाएक्लै त एमाले सँग प्रतिष्पर्धा गर्न सक्ने शक्तिनै कोहि सँग नभएको जिकिर पनि उनले गरेका छन् ।

बुधबार भक्तपुरको सूर्यविनायकस्थित सूर्यविनायक हरित कृषि तथा थोक बजारको उद्घाटन गर्दै पूर्व प्रधानमन्त्री समेत रहेका ओलीले सत्ता गठबन्धन एकएक किलोका ५ किलो र एमाले एक्लै एक क्विन्टलको ढक बराबर रहेको बताएका हुन् ।

‘नेकपा एमाले क्विन्टलको ढक हो । एक्लै एमालेसँग लड्न अव कुनैपनि पार्टीले नसोचे र नचिताए हुन्छ’, ओलीले भने, ‘त्यसकारण उहाँहरुले गठबन्धन गरेर आउनुपर्छ भनेर भनिरहनुभएको छ ।’ ओलीले गठबन्धनका केही पार्टीले गठबन्धन गर्ने भनेपनि गठबन्धन गर्न भने त्यति सजिलो नभएको टिप्पणी गरे ।

‘एमालेलाई पनि बच्चाहरूसँग लड्न समस्या हुन्छ । सक्छन् भने गरुन्, गठबन्धन, तर सजिलो छैन । लोभी पापीहरुको गठबन्धन गर्न कहाँ सजिलो हुन्छ रु’, ओलीको प्रश्न छ । उनले सजिलो नभएकै कारण स्थानीय तह निर्वाचनका लागि उम्मेदवार मनोनयन गर्न समेत दुई दिनको समय छुट्याएकोमा आपत्ति जनाए । ‘त्यही भएर मनोनयन गर्ने समय दुई दिन राखेका हुन् । एक हप्ता गराएपनि के हुन्छ ? मनोनयन नै हुन्छ’, ओलीको भनाइ छ ।