जनै फालेको बाहुन र अहिलेको काग्रेस एउटै हो :गोविन्दराज जोशी

आसन्न निर्वाचनमा माओवादी केन्द्र र नेकपा एस लगायतका दलहरु सँग गठबन्धन गरेर एमाले हराउँनु पर्छ भनेर नेपाली काग्रेसका नेताहरु चर्को सँग लागिरहेका बेला आफ्नो जीवननै काग्रेसको राजनितीमा बिताएका नेता गोविन्दाज जोशीले भने खरो टिप्पणी गरेका छन् ।

आफ्नो विचार, मुल्य र मान्यताबाट स्खलित भएर केवल सत्ताका लागी कम्युनिष्ट सँग गठबन्धन गर्ने तहमा पुग्नु काग्रेसका लागी मात्रै होइन सिँगो मूलुकको लोकतन्त्र र बुहदलीय व्यवस्थाकै लागी खराब सुचक रहेको दाबी जोशीले गरेका छन् ।

विपी कोइरालाले एउटा आर्दशले स्थापित गराएको पार्टी आज शेरबहादुर देउवा र रामचन्द्र पौडेलले सत्ता स्वार्थका लागी खरानी बनाएको जोशीको आरोप छ । ओटिभी नेपाल डटकम सँगको कुराकानीमा जोशीले आजको काग्रेससँग आफ्नो कुनै पनि सिद्धान्त र आदर्श बाँकी नरहेको दाबी गरेका छन् ।

जनु दिन काग्रेसले सत्ताका लागी सिद्धान्त छोड्छ त्यो दिन काग्रेसको सार्थकता सकिन्छ भनेर विपी कोइरालाले भनेको वचन स्मरण गर्दै जोशीले विपीको बाटोबाट काग्रेस निकै पर गैसकेको जिकिर गरेका छन् । ‘विपीले बरु सिद्धान्तका लागी सत्ता छोड्नु तर सत्ताका लागी कहिल्यै सिद्धान्त नछोड्नु भन्नु भएको थियो अहिलेको काग्रेसले ठिक उल्टो गरिरहेको छ ।’ जोशीले भनेका छन् ।

काग्रेस कम्युनिष्ट गठबन्धनका बिषयमा निकै आक्रोसित रुपमा प्रस्तुत भएका जोशीले ओटिभी नेपालसँगकै कुराकानीमा अहिलेको काग्रेसलाई जनै फालेको बाहुन भन्दै आलोचना गरेका छन् । बाहुनले जनै फाले पछि जात जान्छ भन्ने सामाजिक मान्यता रहेको प्रसंग सुनाउँदै उनले यसो भनेका हुन् ।

‘बाहुनले जनै फाले पछि उसको जात जान्छ भन्ने मान्यता छ जनै फाले पछि बाहुनले भैँसि ,राँगो ,सुँगुर जे खाए पनि चल्छ भन्छन् नी आफ्नो सिद्धान्तनै छोडे पछि काग्रेसले पनि जे गरे पनि हुन्छ हो जनै फालेको बाहुन र अहिलेको काग्रेस एउटै हो’ । जोशीले भनेका छन् ।

कुराकानीका क्रममा जोशीले शेरबहादुर देउवाले प्रधानमन्त्री पद बचाउँनका लागी माओवादी केन्द्रका अध्यक्ष पुष्पकमल दहाल प्रचण्डलाई काग्रेसको सभापती बनाउँने दाबी गरे । जोशीले ठोकुवा गर्दै भनेका छन् ‘देउवालाई प्रधानमन्त्री पद जान्छ भन्ने लागेका दिन नेपाली काग्रसको सभापती प्रचण्डको हो ‘। लेखेर राख्नुस् ।

अब काग्रेस , माओवादी र एस पार्टी फरक फरक पार्टी हो भनेर हिड्नु पनी नपर्ने जोशीले बताएका छन् ।’ एउटै विचार भए पछि किन फरक फरक पार्टी बनाएर हिड्नु पर्यो एउटै बनाए हुन्छ , सभापती कसलाई बनाउँने भन्ने समस्या होला तीनै जनालाई बनाए भैगो’ । जोशीले भेनका छन् ।

देउवा , प्रचण्ड र माधव नेपालको विचारमा के चाँही फरक छ रु भन्दै जोशीले प्रतिपश्न पनि गरेका छन् । ‘हो एउटा फरक छ प्रचण्डजी अली मोटो हुनुहुन्छ , देउवाजी अली अग्लो हुनुहुन्छ , माधवजी अली होचो हुनुहुन्छ यती फरक छ अरु छैन ‘। जोशीले भनेका छन् ।

स्थानिय तहको निर्वाचन गबठन्धन लगायतका बिषयलाई केन्द्रमा राखेर ओटिभी नेपाल डटकमले नेता गोविन्दराज जोशी सँग गरेको भिडियो कुराकानी हेर्नुहोस्