कुनै हालतमा चितवन माओवादीलाई दिन सकिदैन भन्दै विश्वप्रकाश शर्माले देउवाकै अगाडी राखे कडा सर्त !

गठबन्धनका नामा चितवनको भरतपुर महानगरपालिका कुनै पनि हालतमा नेकपा माओवादी केन्द्रलाई दिन नसकिने भन्दै नेपाली काग्रेसका महामन्त्री विश्वप्रकाश शर्माले काग्रेसको कार्यसम्पादन समितीको बैठकमा काग्रेस सभापती समेत रहेका प्रधानमन्त्री शेरबहादुर देउवासँग प्रष्ट अडान राखेका छन् ।

गठबन्धनका नाममा अघिल्लो पटक पनि माओवादी केन्द्रलाई भरतपुर सुम्पिएको र त्यस बखत पनि पार्टि भित्र निकै असहज परिस्थिती देखीएको भन्दै यस पटक त्यो गल्ती गर्न नसकिने शर्माले प्रष्ट पारेका छन् । भरतपुरका काग्रेस कार्यकर्ताको भावना कुल्चिएर अघि बढ्न नसकिने शर्माले बताएका छन् ।

‘स्थानीय स्थिति र आवश्यकता अनुरूप तालमेल गर्ने हाम्रो केन्द्रीय समितिको निर्णय हो िप्रमुखमा हिजो कांग्रेसले सघायो, यो पटक माओवादीले सघाउनुपर्छ िभरतपुरका साथीहरूको भावना कुल्चिएर अघि बढ्न सकिन्न ियसमा सबै शतप्रतिशत प्रष्ट हौं,’ महामन्त्री शर्माले भने।

शर्माले तालमेल अरूसँग खोज्दै गर्दा आफूभित्र बिर्सिरहेको भन्दै केन्द्रदेखि वडासम्मको आपसी समझदारी अझ खँदिलो बनाउन जरुरी रहेको बताए िकेन्द्रमै पनि परिचालन समिति र प्रचार समितिबीच जरूरी समन्वय नभएको महसुस गरेको उनले बताए।

बैठकमा शर्माले गभर्नर निलम्बन गर्ने सरकारको निर्णयबारे पार्टी कार्यसम्पादन समिति बैठकमा प्रश्न उठाएका छन्।प्रधानमन्त्रीसमेत रहेका सभापति शेरबहादुर देउवा उपस्थित बुधबारको कार्यसम्पादन समिति बैठकमा महामन्त्री शर्माले अर्थतन्त्र बिग्रँदै गएका बेला किन गभर्नर निलम्बन गरिएको हो भन्ने प्रश्न प्रधानमन्त्री देउवालाई राखेका थिए।

अर्थतन्त्रमा चुनौती बढेका बेला गभर्नर महाप्रसाद अधिकारीलाई किन निलम्बन गरिएको हो भन्दै महामन्त्री शर्माले प्रधानमन्त्री देउवालाई प्रश्न गरेका हुन्।
पाँचदलीय गठबन्धन सरकारका अर्थमन्त्री जनार्दन शर्माले गभर्नर अधिकारीलाई व्यक्तिगत ‘इबी’को आधारमा निलम्बन गरेको आरोप छ।

‘गभर्नर निलम्बनमै पुग्नुपर्ने गरी त्यस्तो गम्भीर र बाध्यात्मक विषय थियो? यसले अर्थतन्त्रमा सकारात्मक योगदान पुर्‍याउन सक्ने ढंगको खोई गम्भीर कार्ययोजना र गम्भीर पहलकदमी?,’ उनको प्रश्न थियो।