केपी ओली ,जसको शब्दकोषमा छैन भोक ,निन्द्रा र थकाइ !

केहि समय अघि नेकपा एमालेको केन्द्रिय सम्पर्क समन्वय कमिटिले काठमाडौँमा आयोजना गरेको एक कार्यक्रममा नेकपा एमालेका अध्यक्ष केपी ओलीले आफुलाई भोक , थकाइ , निन्द्रा केहि नलाग्ने भन्दै परमादेशी गठबन्धनलाई ठेगान लगाएरै छोड्ने उद्घोष गरे ।

मलाई भोक पनि लाग्दैन थकाइ पनि लाग्दैन परमादेशवाला गठबन्धनवालाहरुलाई ठेगान लगाएरै छोडिन्छ तपाईहरु पनि राम्रो सँग लाग्नुस भन्दै ओलीले निर्वाचन केन्द्रित हुन एमाले कार्यकर्तालाई निर्देशन दिएका थिए । ओलीको दिनचर्चा र दौडधुप हेर्दा साँच्चै उनले भनको कुरा हो जस्तै देखिएको छ ।

आसन्न निर्वाचनमा गठबन्धन गरेर एमालेलाई हराउँने र केपी ओलीलाई देखाइदिने भनेर बसेका गठबन्धन आवद्ध दलहरुको चुनावी गतिविधी सुस्त र गतिहिन हुँदा एमाले अध्यक्ष ओली भने चुनावी मोर्चाको कमाण्डर बनेर देश दौडाहमा निस्किएका छन् । दैनिक ४ ५ वटा कार्यक्रम सम्मलाई ओलीले सम्बोधन गरेका छन् ।

कर्णाली जुम्ला देखी सुदूरपश्चिम बझाङ सम्म पनि ओली पुगेर त्यहिको जनताको लयमा भाषण गरेका छन् भने पहाड देखी तराइ सम्म पनि उनको व्यस्तता उतीकै देखिन्छ । देश अनुसारको भेष भनेजस्तो तराइमा पुग्दा कछाड र कुर्तामा देखिने ओली हिमालमा पुग्दा त्यहीको ड्रेसमा देखिन्छन् र उस्तै आक्रामक र जोशीले भाषण गरेर कार्यकर्तालाई हौसला प्रदान गरिरहेका छन् ।

बिहानै देखी दौडधुपमा निस्कने गरेका ओली राती अबेर सम्म पनि बालकोट स्थित निवासमा व्यस्त हुने गरेका छन् । कार्यकर्ता भेटभाट देखी चुनावी रणनिती बनाउँने काममा उनले निकै समय दिने गरेको देखिन्छन् । आफु दैनिक १८ घण्टा खट्ने गरेको बताउँने गरेका उनले अहिले त्यो भन्दा पनि बढि समय खटिरहेको बालकोट स्रोतले बताएको छ ।

बालकोट स्रोतले ओटिभी नेपाल डटकमलाई बताए अनुसार दैनिक करिब १२ बजे सम्म त कार्यकर्ता भेटभाटमै व्यस्त हुने त्यस पछि केहि समय अध्ययन गरेर मात्रै सुत्ने ओलीको दैनिकी छ । ओली जँहा पुग्छन् त्यहाँ हजारौँको भिड उनलाई हेर्नको र उनका भाषण सुन्न लाग्ने गरेको छ ।

दुई पटक मृगौलाको प्रत्यारोपण गरेका उनी आफ्नो स्वास्थ्यलाई पनि ख्याल नगरी दौडधुपमा लागेको देखिन्छ । ओली स्वास्थ्यलाई पनि ख्याल नगरी हिँडेको भन्ने कुरालाई उनले सिधै खारेज गरिदिने गरेका छन् । एक प्रसंगमा उनले पत्रकारले स्वस्थ मान्छे जस्तै ओली हिँडेर भनेर लेखेको समाचार प्रति कटाक्ष गदैै के मलाई स्वस्थ मान्छे जसरी हिडेको भन्ने ? म बिरामी हुँ र ? झन ४ वटा मृगौला लिएर हिँडेको छु झनै तगडा छु पत्रकार सँगनै कुस्ती खेल्नु पर्छकी के हो? भन्दै ओलीले मजाक गरेका थिए ।

मेची देखी महाकाली सम्मका चुनावी सभालाई सम्बोधन गर्न पुगिरहेका ओलीले यसक्रममा काठमाडौंमा हुने बैठकदेखि पार्टीका जनवर्गीय तथा पेसागत संगठनहरुको राष्ट्रिय महाधिवेशन उद्घाटन तथा सम्बोधन गरेका छन् । त्यसैगरी चैतको दोस्रो साता केन्द्रीय कमिटी बैठकबाट स्थानीय तहको चुनावमा रणनीति, उम्मेदवारको मापदण्ड र छनोटको विधि निर्माण गरेका थिए । देश दौहाडामा रहेका हिमाल, पहाड र तराई तीनै क्षेत्रका जिल्लाहरुमा ठूल्ठूला आमसभा आयोजना गर्ने र पार्टी प्रवेश गराउने गरेका छन् ।

एमालेस्रोत दिएको जानकारी अनुसार पछिल्लो एक महिनामा अध्यक्ष ओलीले २५ जिल्लाको कार्यक्रमलाई सम्बोधन गरिसकेको बताए । अहिलेलाई उमेदवारी दर्ताका दिन सम्मलाई सेड्यूल बनेको र त्यस पछि थप तालिका बन्ने एमालेले बताएको छ ।

फागुन २१ गते इलामको सुखानीमा आयोजित गरिएको कार्यक्रममा सहभागी भएका ओलीले शुक्रबार लमजुङ पुगेका छन् । नयाँ वर्षको पहिलो दिन बिहीबार राजधानीमा आयोजित कार्यक्रममा राष्ट्रपति विद्यादेवी भण्डारीले विश्व स्काउट संगठन एशिया प्रशान्त क्षेत्रको ‘मेधावी योगदान पदक’ पूर्व प्रधानमन्त्री ओलीलाई प्रदान गरेकी थिइन् ।

ओली बुधबार सुनसरीमा आयोजित कार्यक्रममा सहभागी भएका थिए ।जसमा जसपाबाट निर्वाचित भोक्राहा नरसिंह गाउँपालिका अध्यक्ष महेन्द्रप्रसाद यादव एमाले प्रवेश गरेका थिए । गतमंगलबार राजधानीमा आयोजित कार्यक्रममा आयोजित कार्यक्रममा ‘संघर्षशील योद्धाहरु’ पुस्तक लोकर्पण गरेका थिए । मोतीदेवी स्मृति केन्द्र आयोजना गरेको कार्यक्रममा क्षेत्रमा योगदान गर्ने महिलाहरुलाई सम्मान गरेका थिए ।

त्यसको एक दिनअघि सोमबार सुदुरपश्चिम पुगेका थिए । बझाङको चैनपुरमा आयोजित आमसभा तथा पार्टी कार्यक्रमलाई सम्बोधन गरेका ओलीले मंगलबार ललितपुरमा आयोजित कार्यक्रमलाई पनि सम्बोधन गरेका थिए । जबकी चैत्र २६ गते ओली पर्वतको कुश्मा र बाग्लुङको आमसभामा सहभागी भएका थिए । त्यसैदिन उनी कास्की पार्टी प्रवेश कार्यक्रममा सहभागी भएका थिए । जसमा जनता समाजवादी पार्टी ९जसपा०का केन्द्रीय सदस्य विष्णुजंग बस्नेत एमालेमा प्रवेश गरेका थिए ।

चैत २५ गते राष्ट्रिय जनस्वास्थ्यकर्मी संघको चौथो महाधिवेशनको उद्घाटन गरेका ओलीले चैत २४ मा बर्दिया सदरमुकाम गुलेरियामा आयोजित कार्यक्रममा सहभागी भए भने नेपालगञ्जमा अगुवा कार्यकर्ता भेलालाई सम्बोधन गरेका थिए ।

बर्दियाको गुलरियामा नेपाल भूमिहिन सुकुम्बासी संगठनको महाधिवेशनमा सहभागी भएर सम्बोधन गरेका थिए । गुलरिया नगरपालिका उप प्रमुख सुशीला गिरीलाई पार्टी प्रवेश गराएका थिए । कांग्रेसबाट उपमेयरमा निर्वाचित गिरि एमालेका प्रवेश गरेकी थिइन् । चैत २२ मा वीरगञ्जमा आयोजित सभालाई सम्बोधन गरेका थिए । सो कार्यक्रममा एमाले छाडेर विभिन्न दलका नेता तथा कारकर्ता एमालेमा प्रवेश गरेका थिए । चैत २१ मा पेशागत संगठन प्रोग्रेसिभ इन्जिनियर एशोसिएसनको नवौं महाधिवेशनको ललितपुरमा उद्घाटन तथा सम्बोधन गरेका थिए ।

एमालेले सदस्य संख्या कम रहेका पेशागत तथा भ्रातृ संगठनहरुको महाधिवेशन स्थानीय चुनावअघि नै गरिसक्ने गरी योजना निर्माण गरेको छ । चैत २० मा काठमाडौंमा नेपाल बुद्धिजीवी परिषद्को १० औं महाधिवेशनको ओलीले काठमाडौमा उद्घघाटन गरेका थिए । चैत १९ गते पूर्वी पहाडी जिल्ला खोटाङमा आयोजित सभालाई सम्बोधन गरेका ओली चैत १८ मा काठमाडौंमा भएको राष्ट्रिय जनसंस्कृतिक महासंघको महाधिवशेनमा सहभागी भएका थिए ।

जबकी चैत १७ मा कर्णाली प्रदेशको कालिकोट, जुम्ला र दैलेखमा आयोजित छुट्टाछुटै आमसभालाई सम्बोधन गरेका थिए । एमालेले कालिकोटको सदरमुकाम मान्म, जुम्लाको सिन्जा र दैलेखको दुल्लुमा सभा आयोजना गरेको थियो ।

चैत १६ गते काठमाडौबाट उनले स्थानीय तह निर्वाचनका लागि प्रतिवद्धता तयारी कार्यशालाको भर्चुअल सम्बोधन गरेका थिए । त्यसको एक दिनअघि काठमाडौंमै नेपाल उत्पीडित जातीय मुक्ति समाजको छैठौं महाधिवेशनमा उदघटन र सम्बोधन गरेका थिए ।

चैत १४ मा ओली लुम्बिनी प्रदेशको कपिलबस्तु पुगेका थिए । सदरमुकाम तौलिहवामा आयोजित कार्यक्रममा एमाले प्रवेश गरेका सांसद वृजेशकुमार गुप्तालाई ओलीले स्वागत गरेका थिए । सो कार्यक्रममा प्रदेश सांसद धर्मबहादुर श्रीवास्तव, कपिलवस्तु नगपालिका वडा नम्बर १ का वडाअध्यक्ष सुदिप पौडेल, वडा नम्बर ४ का वडाअध्यक्ष रविन्द्र त्रिपाठी, वडा नम्बर १२ का वडाअध्यक्ष ओमप्रकाश पाण्डेय बुद्धभूमि नगरपालिका वडा नम्बर ६ का वडा अध्यक्ष नन्दलाल यादव, यशोधरा गाउँपालिका वडा नम्बर ८ का वडाअध्यक्ष शहबुद्धिन मुसलमान, कपिलवस्तु नगरपालिकाका पूर्वमेयर रामदास गुप्ता, पूर्व उपमेयर वासुदेव कसौधन, एमालेमा प्रवेश गरेका थिए ।

चैत १२ मा काठमाडौंमा आयोजित मुस्लिम इत्तेहाद संगठनको छैटौं महाधिवेशनको ‍ओलीले उद्घाटन गरेका थिए । चैत ११ गते प्रदेश १ को उदयपुरमा आयोजित सभालाई ओलीले सम्बोधन गरेका थिए । चैत ८ गते काठमाडौंमा आयोजित कार्यक्रममा अभिनेतृ करिष्मा मानन्धर र समाजवादी जनता पार्टीका अध्यक्ष तथा पूर्व मन्त्री प्रेमबहादुर सिंहलाई एमालेमा प्रवेश गराएका थिए ।

चैत ६ मा इलामको फिक्कलमा आयोजित कार्यक्रमलाई सम्बोधन गरेका ओलीले चैत १ मा राजधानीमा महिला संघको सातौं महाधिवेशनलाई उद्घाटन गरेका थिए ।