देवी ज्ञवालीले प्रचण्डलाई दिएको चेतावनी भाइरल

नेकपा एमालेका नेता एवं भूमी सम्बन्धी समस्या समाधान आयोगका अध्यक्ष देवी ज्ञवालीले माओवादी केन्द्रका अध्यक्ष पुष्पकमल दाहाल प्रचण्डलाई दिएको चेतावनी समाजिक संजालमा भाइरल भएको छ । माओवादीलाई ऐजेरु सँग तुलना गर्दै ज्ञावलीले प्रचण्डको सातो खाएका थिए ।

ओटीभी नेपाल डट कम सँगको विशेष कुराकानीका क्रममा ज्ञवालीले बोलेका कुराहरु अहिले फेसबुक, टिकटक लगायतका सामाजिक संजालमा भाइरल भएको छ । सरकारले भूमी सम्बन्धी समस्या समाधान आयोग खारेज गरेपछि आक्रोशित भएका ज्ञवालीले ओटीभी नेपाल मार्फत आँउदो चुनवामा प्रचण्ड सँग हिसाब किताव चुनावी मैदानमै गर्ने भनेका थिए ।

ज्ञवालीले माओवादीलाई ऐजेरु सँग तुलना गरेको क्लिप सबैभन्दा धेरै हेरिएको छ । अन्तवार्ताका क्रममा ज्ञवालीले भनेका थिए माओवादी भन्ने पार्टी कस्तो देखीयो भने एजेरु भन्ने एउटा वनस्पती हुन्छ जुन माटोमा बस्दैन, बनस्पतीमा मात्रै बस्छ ,उसको विशेषता के हो भने जुन विरुवामा उ जन्मिन्छ र हुर्किन्छ त्यहि विरुवालाई मार्दिन्छ ।

माओवादी एक्लै कँही चुनाव जित्न सक्दैन कहिले एमालेलाई समात्छ ,कहिले काग्रेसलाई समात्छ , काग्रेसलाई समात्यो भने त्यही झगडा गराउँछ एमालेलाई समात्यो भने पनि त्यहि झगडा लगाएर पार्टी फुटाउँन खोज्छ त्यसैले वनस्पतीमा एजेरु र राजनितीमा माओवादी एकै हो । ज्ञवालीले भनेको यहि कुरा अहिले सामाजिक संजालमा व्यापक हेरिएको छ ।

आयोगका अध्यक्ष देवी ज्ञवालीले एमालेको रिसले सरकारले लाखौं भूमीहिन , सुकुम्बासीहरुको पेटमा देउवा सरकारले लात हानेको भन्दै चर्को असन्तुष्टि जनाएका छन् । १४ महिना अघि आयोग गठन गरेर धमाधम काम भइरहेको र करिब करिब काम अन्तिम अवस्था पुगेको अवस्थामा आयोगनै विघठन गरेर सुकुम्बासीहरु प्रति सरकारले अपराध गरको भन्दै ज्ञवालीले यो लाखौं गरिब, भूमीहीन सुकम्बासीहरु माथी राज्यले गरेको निर्मम प्रहार भनेका छन् ।

ओटीभी नेपाल डट कम सँगको विशेष कुराकानीमा ज्ञवालीले आफु माथी प्रधानमन्त्री देउवा र माओवादी केन्द्रका अध्यक्ष पुष्पकमल दाहाल प्रचण्डले पुस्तौनी दुस्मनी जस्तो व्यवहार गरेको पनि बताए । गत स्थानिय तहको निर्वाचनको सन्दर्भ सम्झँदै ज्ञवालीले त्यो बेलामा पनि आफुलाई यिनै प्रचण्ड र देउवा मिलेर जालसाँझी गरेर प्रचण्डकी छोरी रेणु दाहाललाई मतपत्रनै च्यातेर चुनाव जिताइएको र अहिले पनि आयोग विघठन गरेर कुन जूनीको रिस साँध्दै आफुमाथी बदला लिन खोजेको हो भन्दै आक्रोस व्यक्त गरे ।

आफुले राम्रो काम गरेकै कारण सरकार डराएर आयोग विघठन गरेको ज्ञवालीले ठोकुवा गरे । यीनहरु कायर हुन् देवी ज्ञवाली सँग डराएर आयोगनै विघठन गरिदिए ,म सँग किन पटक पटक बदला लिँदैछन् मैलै त यिनीहरुको केही विगार्र्दिएको छैन ,देउवा डढेलधुराका हुन् मेरा बा ले यीनका केही खाइदिएका थिएनन्, प्रचण्ड पनि ढुकुरपोखरीवाला हुन् यीनको पनि मैलै केहि खाइदिएको छैन तर पनि किन मै सँग पटक पटक रिस देखाइरहेका छन् ? यिनीहरु म सँग कुन जूनीको रिस पोख्दैछन् रु ज्ञवालीले भने ।

स्थानिय तहको निर्वाचनका बेला मतपत्र च्यातेर छोरीलाई जिताउँदा पनि पछि संघिय निर्वाचनमा पार्टी निर्णयलाई मानेर आफुले प्रचण्डलाई सहयोग गरेको सम्झँदै ज्ञवालीले प्रचण्ड जतीको बैगुनी नेता अरु कोही नभएको बताए । त्यस बेला आफुले पार्टीको आदेशलाई शिरोपर गर्दै विष पिरेर निलकण्ठ बनेको तर अहिले सबै गुनलाई लत्याएर प्रचण्डले घात गरेको उनले बताए ।

मतपत्र च्यातेर छोरी जिताउँने प्रचण्डलाई बोकेर हिड्दा एक महिना सम्म परिवारका सदस्य उनी सँग नबोलेको पनि ज्ञवालीले खुलासा गरे । उनले भने आज पहिलो पटक भन्दैछु त्यस बेला मैलै प्रचण्डलाई बोकेर हिड्दा एक महिना मेरो परिवार म सँग बोलेन तर पनि मैले पार्टीको निर्णय हो भनेर सहयोग गरेँ प्रचण्डले त्यो गुनको पैँचो आज तिरे ।

आफु विरुद्ध जती षड्यन्त्र गरे पनि नडराउँने भन्दै ज्ञवालीले प्रचण्ड र देउवाको षड्यन्त्र विरुद्ध आजीवन लड्ने उद्घोष गरे । प्रचण्ड सँग चितवनको चुनावी मैदानमा सबै हिसाब किताव हुने पनि ज्ञावलीले बताएका छन् । चुनाव लड्न कहाँ जाने प्रचण्ड रु त्यहि चितवन आउँने त होलानी त्यो बेलामा देखाउँछौ ज्ञवालीले भने ।

यस पटक प्रचण्ड चितवनमा चुनाव लड्न आउँने कुरा आफुलाई विश्वास नलागेको पनि उनले बताए । यस अघि कहिँ पनि स्थिर भएर चुनाव नलडेका प्रचण्ड चुनाव लड्न चितवन आउँने हिम्मत नगर्न सक्ने उनले शंका व्यक्त गरे । कहिले काठमाण्डौ कहिले रोल्पा , कहिले सिराह गरेर दौडने प्रचण्ड चितवनमाख आइपुगे ,फेरी आउँछन् जस्तो लाग्दैन आए भने जानेका र्छौं ज्ञवालीले भने ।

सर्वोच्च अदालतको अल्पकालिन अन्तरिम आदेश बाट अहिले सरकारले गरेको आगोग खारेज सम्बन्धी निर्णय रोकिएको छ । अदालतमा मुद्धा विचाराधिन रहको छ केहि दिनमै मुद्धाको अन्तिम किनारा लाग्ने बताइएको छ ।