गोविन्दराज जोशीले भने ‘रामचन्द्र पौडेल भनेको पिँध नभएको लोटा हो ‘

तनहुँमा प्रमुख प्रतिपक्षी दल नेकपा एमालेसँग तालमेल गरेर नेपाली काग्रेसकै वरिष्ठ नेता रामचन्द्र पौडेललाई साइकोलोजिकल थ्रेट बढाएका नेता गोविन्दराज जोशीले खरो अभिव्यक्ति दिएका छन् ।

प्रष्ट र खरो रुपमा बोल्ने नेताको रुपमा परिचय बनाएका जोशीले नेपाली काग्रेसका वरिष्ठ नेता राचन्द्र पौडेललाई पिँध नभएको लोटाको संज्ञा दिएका छन् । कुनै पनि हालतमा माओवादी , समाजवादी लगायत सँग गठबन्धन बनाउँनु पर्छ भनेर कस्सीएका पौडेललाई जोशीले पिँध नभएको लोटासँग तुलना गरेका छन् ।

‘पिँध नभएको लोटा जस्तो हो रामचन्द्र पौडेल भनेको त्यस्तै हो उनले के भने कसो भने के गरे भनेर कोहि पनि सिरियस हुन जरुरी छैन’ ,जोशीले भनेका छन् । नेपालको अहिलेको राजनितीमा पौडेलको हैसियत मूल्यहिन रहेको जिकिर पनि उनले गरेका छन् ।

ओटिभी नेपाल डटकमसँगको कुराकानीमा नेता जोशीले पौडेललाई काग्रेसको वरिष्ठ नेता भन्न पनि नमिल्ने तर्क गरेका छन् । ‘के का आधारमा वरिष्ठ नेता भन्ने ? कपाल फुलेको कारण की भूमिकाले वरिष्ठ नेता हुने हो ? जे पनि भन्दै हिड्ने, गर्दै हिड्ने मान्छे वरिष्ठ नेता हुन्छ ‘? उनले प्रश्न गरेका छन् ।

पौडललाई एक पटक राष्ट्रपति या प्रधानमन्त्री बन्ने भोकले निकै सताएको भन्दै जोशीले जसले उनलाई राष्ट्रपती या प्रधानमन्त्री बनाइदिन्छु भन्छ पौडेलले उसको बयान गर्न थालिहाल्ने जोशीले बताएका छन् । अहिले केपी ओलीले बोलाएर चुनाव पछिको राष्ट्रपति तपाईनै हो भनेर भनिदिने हो भने पौडेलले भोलिदेखिनै ओलीको बयान गर्न थाल्ने जिकिर पनि जोशीले गरेका छन् ।

जोशीले पौडेलको अहिलेको हैसियत भनेको नेता होइन शेरबहादुर देउवाको कार्यकर्ता मात्रै भएको बताएका छन् । देउवाको कार्यकर्ताको रुपमा भने पौडेलले राम्रो भूमिका खेलीरहेको उनले बताए । केहि समय अघि देउवा तनहुँ पुगेका बेला बफादार बनेर माला लिएर देउवाको स्वागतमा पौडेल लाइन बसेको प्रसंग पनि उनले स्मरण गराएका छन् ।

तनहुँमा केहि गरि पनि चुनाव जित्ने अवस्था नरहे पछि पौडेलले गठबन्धनको फण्डा गरेको पनि जोशीले आरोप लागाएका छन् । गठबन्धन हुनुको पछिको एउटा कारण तनहुँ पनि भएको उनको मत छ । जो जो सँग मिले पनि अब तनहुँका जनताले पौडेललाई राम्रो सँग चिनिसकेको भन्दै उनको केहि नचल्ने जिकिर जोशीले गरेका छन् ।