रामचन्द्र पौडेलको भाग्यनै खोटी, देउवालाई खुशी पार्न यसो बोल्दा उल्टै देउवाको गाली खाए पछि …

प्रधानमन्त्री एवं नेपाली काग्रेसका सभापती शेरबहादुर देउवा झनक्क रिसाइहाल्ने र सार्वजनिक रुपमानै रिस पोखिहाल्ने नेतामा अग्र पंक्तिमा रहेका छन् । देउवाले फेरी अर्को एउटा त्यस्तै झोक फेरेका छन् ।

नेपाली काग्रेसको १४ औँ महाधिवेशन यता सभापती देउवा र वरिष्ठ नेता रामचन्द्र पौडेल विच निकै राम्रो हिमचिम देखिदै आएको छ । देउवा प्रति सँधै गरम कुरा गर्ने पौडेलले नरम कुरा गर्न थालेका छन् । तर पुरानो बानीले हुन सक्छ पौडेलले राम्रै कुरा गर्दा पनि देउवाले उल्टो बुझे पनि आज पनि नोकझोक चलेको छ ।

नेविसंघको स्थापना दिवसका अवसरमा काठमाडौँमा आयोजित एक कार्यक्रममा देउवा र पौडेल दुवै निम्त्याइएका थिए , देउवा भन्दा पौडेल पहिले बोले उनले गठबन्धनको आवश्यताबारे भलीभाँती सुनाए । गठबन्धन शेरबहादुर देउवालाई प्रधानमन्त्री बनाउँन मात्रै चाहिएको होइन लोकतन्त्र र संविधान बचाउँन चाहिएको हो भन्दै पौडेलले भाषण दिए यहि कुराले देउवाको पारो तातेछ ।

पौडलले देउवालाई नै खुशि बनाउँनका लागी देउवालाई प्रधानमन्त्री बनाउँन मात्रै होइन लोकतन्त्र बचाउँन गठबन्धन चाहिएको भन्ने लाइनमा बोलेका थिए तर देउवाले बुझेछन् उल्टो । आफ्नो बोल्ने पालो आउँने बित्तिकै देउवाले पनि पौडेललाई दिए झटारो । मलाई प्रधानमन्त्री बन्न गठबन्धन चाहिएको भन्ने ? सबैले प्रधानमन्त्री बन्नु पर्यो भने पछि बनेको हुँ मेरो मात्रै इच्छाले बनेको हुँ र ? देउवाको जवाफले पौडेल तीनछक्क परे ।

गठबन्धन चाहिन्छ भनेर अनेक प्रसंग सहित पौडेल र देउवाले भाषण दिए तर कुरो केमा मिलेन भने पौडेलले देउवालाई प्रधानमन्त्री बन्न मात्रै होइन भन्दै देउवाकै बचाउमा बोलेका थिए तर देउवाले भने आफुलाई प्रधानमन्त्री बन्न मात्रै गठबन्धन बनाउँन खोज्यो भनेर पोडेलले आरोप लगाए भनेर बुझेर उत्पात मच्चाए । नेविसंघका कार्यकर्ताले भने दुवैको भाषणमा बेजोडको ताजी बजाए ।

यो गठबन्धन शेरबहादुरलाई प्रधानमन्त्री बनाउन मात्र होइन, लोकतन्त्र बचाउनका लागि हो, परिवर्तन बचाउनका लागि हो र अग्रगामी रुपान्तरणका लागि यो गठबन्धन हो’ पौडलले भनेका थिए।जवाफमा देउवाले आफूले प्रधानमन्त्री बनाइदेऊ भनेर रामचन्द्र पौडेलसँग नभनेको टिप्पणी गरे ।

‘मलाई प्रधानमन्त्री बनाइदेऊ भनेर मैले रामचन्द्रलाई भनेकै होइन’ उनले भने, ‘सबै साथीहरुले बन भन्नुभयो के गर्ने ?’प्रतिनिधिसभा र प्रदेशसभा निर्वाचन हार्दा पनि गठबन्धनका कारण अहिले कांग्रेस सरकारमा सहभागी हुन पाएको देउवाले बताए ।

कार्यक्रममा वरिष्ठ नेता पौडेलले नेपाल विद्यार्थी संघमा अध्यक्ष मात्र मनोनित गरिएको भन्दै अरु पदाधिकारी छिटो मनोनित गर्न आग्रह गरे ।‘नेविसंघको कमिटी अधुरो छ । पूरा हुनुपर्छ तुरुन्त । सबै पदाधिकारीसहित पूरा कमिटी आउनुपर्छ’ उनले भने । जवाफमा देउवाले अरु पदाधिकारी मनोनित नगर्ने संकेत गरे । स्थानीय निर्वाचन, प्रदेश र प्रतिनिधिसभाको निर्वाचनपछि नेविसंघको महाधिवेशन गर्ने गरी दुजाङ गुरुङ अध्यक्ष मनोनित भएका छन् ।

सभापति देउवाले अब दुजाङले नै अधिवेशन गरेर नयाँ कार्यसमितिलाई नेतृत्व हस्तान्तरण गर्ने बताए । ‘रामचन्द्रजीले पदाधिकारी बनाउनुपर्‍यो भन्नुभयो, फेरि भागवण्डामै झगडा गर्ने हो भने गरे हुन्छ’ देउवाले भने, ‘मेरो उपसभापति चाहियो, मेरो महामन्त्री चाहियो, मेरो ऊ चाहियो, त्यहीँ झगडा हुन्छ ।’