चुहियो गम्भिर सुचना भित्रभित्रै संसद विघठनको तयारीमा शेरबहादुर देउवा !

सर्वोच्च अदालतले विघठित प्रतिनिधी सभालाई पुनस्थापना गर्र्दै नेपाली काग्रेसका सभापती शेरबहादुर देउवालाई प्रधानमन्त्री बनाएको एक महिना पुरा भएको छ । सरकार बनेको एक महिना पुरा नहुँदै पुनस्थापित संसदको आयुलाई लिएर विभिन्न टिकाटपणी हुन थालको छ ।

अदालतमा मुद्धा हालेर संसद पुनस्थापना र परमादेश बाट प्रधानमन्त्री बनाइयो भनेर मख्ख परेका बसेकाहरुलाई तनाव हुने गरि पूर्व मन्त्री हृदयेश त्रिपाठीले पुनस्थापीत संसदको आयुका बिषयमा नयाँ खुलासा गरेका छन् ।

नवलपरासीमा शुक्रबार आयोजित एक कार्यक्रममा पूर्वमन्त्री त्रिपाठीले नेपाली कांग्रेसको महाधिवेशन सकिए लगत्तै संसद् विघटन हुने र वैशाखमा मध्यावधि निर्वाचन हुने सूचना पाएको बताएका छन् ।

“धेरैबेर सरकार चलाइयो भने अलोकप्रिय भइन्छ भन्ने कांग्रेसलाई थाहा छ, त्यसैले उसले पनि संसद् विघटन प्रक्रिया शुरु गर्ला,” त्रिपाठीले भने, “कात्तिक–मंसिरमा संसद् विघटन गराएर वैशाखमा चुनाव गराउने भित्री योजना छ।”  

एमाले अध्यक्ष केपी शर्मा ओली नेतृत्वको सरकारमा मन्त्री रहेका त्रिपाठीले सरकारको विषयमा टिप्पणी गर्ने बेला भने नभएको बताए। एक सय दिनसम्म ‘हनिमुन अवधि’ पस्रा गर्न दिनुपर्ने उनको भनाइ छ।

यसअघिका प्रधानमन्त्री ओलीले ५ पुस २०७७ र ८ जेठमा गरेको प्रतिनिधि सभा विघटनलाई सर्वोच्च अदालतले उल्ट्याएको थियो। सुचना पाएको आधारमा बोल्दै छु भनेर त्रिपाठीले भने पछि दुख गरेर संसद पुनस्थापना गराएकाहरुमा शंका सुरु भएको छ । लामो समय सरकार चलाउँदा सरकार अलोप्रिय हुने डरले देउवाले त्यस्तो तयारी गरको त्रिपाठीको दावी छ ।

त्रिपाठीको यस्तो खुलासा सँगै प्रचण्ड माधव नेपाल र बावुराम भट्टराई सशंकित भएका छन् । केहि दिन अघि मात्रै जनता समाजवादी पार्टीका संघिय परिषद अध्यक्ष तथा पूर्वप्रधानमन्त्री बावुराम भट्टराईले प्रतिगमनको नयाँ भेरियन्ट आउँन सक्ने भन्दै प्रचण्ड र माधव नेपाललाई सचेत गराएका थिए ।