बालकृण्ण खाँडले आफुलाई राजा भन्दा माथी सम्झेपछि यस्तो सम्म भयो गृहमन्त्रालयमा

गृह मन्त्रालयका प्रशासनतर्फका हरेक क्याडरको सपना भविष्यमा एक पटक गृह सचिव बन्ने रहन्छ । गृहको अनुभवीमध्येबाट गृह सचिव बनाउने परम्परा राजाको प्रत्यक्ष शासनकालमा पनि भत्किन नपाएकाले त्यस्तो सपना देखिँदै आएको थियो ।

पूर्ववर्ती केपी शर्मा ओली नेतृत्वको सरकारले क्लस्टर भत्काएर प्रशासनतर्फका सचिवलाई स्वास्थ्य मन्त्रालयको जिम्मेवारी दिए पनि गृहमा थिति बिगारिएन । ओलीको कार्यकालमा पटक–पटक गृह सचिव नफेरिएका होइनन् । र, पनि सम्बन्धित सेवाकाले नै अवसर पाए ।

विधि, पद्धति र परम्पराको रखबारी गर्ने अपेक्षा गरिएको शेरबहादुर देउवा नेतृत्वको सरकारले भने इतिहासमै पहिलो पटक गृहको अनुभवहीनलाई गृह सचिवको जिम्मेवारी दिएको छ । गृहका क्याडर, वरिष्ठ सचिवहरूलाई लत्याएर र गृहका एकसे एक अनुभवीलाई पन्छाएर देउवा सरकारले विद्यालय निरीक्षकको विशेष अनुभव भएका शिक्षा सेवाका टेकनारायण पाण्डेलाई गृह सचिव बनाइएपछि प्रशासनिक क्षेत्रमा आक्रोश उत्पन्न भएको खबर छ ।

देउवा नेतृत्वको सरकारका गृह मन्त्री बालकृष्ण खाँणको यो कदमले कर्मचारी वृत्तमाआक्रोश का साथै निराशा छाएको जानकारी हुन आएको छ । गृहअन्तर्गतका कर्मचारीले त आफूमाथि कुठाराघात नै भएको महसुस गरेका छन् । गृहका अनुभवहीनलाई अवसर दिएर अनुभवीको नैतिक बलमा प्रहार गर्दै भविष्यमा रोक्ने प्रपञ्चका रूपमा उनीहरूले यसलाई बुझेका छन् ।

गृहअन्तर्गत रहेर काम गरेका हरेक क्याडरको सपना भविष्यमा गृह सचिव हुने रहन्छ,’ गृह मन्त्रालयमा सचिवको भूमिका निर्वाह गरिसकेका एक अवकाशप्राप्त कर्मचारी भन्छन्, ‘शेरबहादुर देउवा नेतृत्वको सरकारले अनुभवहीनलाई सचिव बनाएर पहिलो त प्रशासनिक प्रणाली नै भत्कायो । अर्कोचाहिँ निजामती सेवाका गृहअन्तर्गतका कर्मचारीलाई हतोत्साहित र निराश पारेको छ ।ुु

गृहअन्तर्गतका मन्त्रालय, विभाग र जिल्लाका प्रमुख जिल्ला अधिकारी, सहायक प्रमुख जिल्ला अधिकारीसम्मका कर्मचारीलाई सरकारको यो निर्णयले निराश पारेको प्रथम श्रेणीका अधिकृतहरू सहसचिवहरूको कथन छ ।

सुरक्षा निकायका व्यक्तिहरू पनि अनुभवहीनलाई गृहको सचिव बनाइएकाले त्यसै पनि कार्यसम्पादनमा असर पर्नेवाला नै छ । त्यसमाथि गृहका कर्मचारीहरूको भावनामा प्रहार गरिएकाले यसको मूल्य पनि अझै कडा पर्ने ठानिएको छ ।

स्रोतका अनुसार, सरकारको यस्तो निर्णयपछि विशिष्ट श्रेणी र प्रथम श्रेणीका कर्मचारीले प्रधानमन्त्री शेरबबहादुर देउवाकै ध्यानाकर्षण गराउँदै असन्तुष्टि व्यक्त गर्ने तयारी गरेका छन् । प्रणाली भत्काएर गृह सचिव नियुक्त गर्दा प्रशासनिक क्षेत्रमा नराम्रो सन्देश जाने भएकाले उनीहरूले त्यसबारे ध्यानाकर्षण गराउने तयारी गरेका हुन् ।

‘गृह मन्त्रालयको सचिवमा अनुभवहीनलाई लगिएपछि प्रशासनिक क्षेत्रका प्रथम श्रेणीका कर्मचारीले संस्थागत रूपमा यसबारे प्रधानमन्त्री देउवाको ध्यानाकर्षण गराउन लागेका छन्,’ स्रोतले भन्यो, ‘यदि यसो गर्दा पनि सुनुवाइ नभए सरकारसँग सहकार्य नगर्नेलगायतका खतरनाक योजना उनीहरूले बनाएका छन् ।’्

साँघु साप्ताहिकमा खबर छ ।