माल्भीका सुब्बाको प्रतिरक्षामा खुलेरै लागे श्रृङ्खला खतिवडा सहितका यी पूर्व मिस नेपालहरु

एक युवतीले आफु माथी भएको यौन शोषणका बिषयमा सामाजिक संजाल मार्फत बाहिर ल्याए पछि अहिले सडक देखी सदन सम्म यहि बिषयमा चर्चा भइरहेको छ । ती युवतीको न्यायको लागी सडक देखी सदन सम्म आवाज उठ्न थालेको छ ।

युवतीले तत्कालिन समयमा आफुले सहायताका लागी माल्भीकासँग गुहार माग्दा उल्दै गाली गरेको सत्य बाहिर ल्याए पछि यो बिषय निकै तरंगित भएको छ । यति गम्भिर बिषयया माल्भीकाको गैरजिम्मेवारपन बाहिर आए पछि उनीमाथी सामाजिक संजालमा गालीको बर्षा भइरहेको छ ।

माल्भीका आफैँले पनि आफ्नो गल्ती स्विकार गदैै प्रायश्चित गरेकी छिन् उनीमाथीको आक्रोस कमि भएको छैन । एकातिर पीडित युवतीको लागी न्यायको लागी आवाज उठिरहेको र माल्भीकाका विरुद्ध टिकाटिप्पणी भइरहेका बेला पूर्व मिस नेपाल श्रृङ्खला खतिवडा सहितका ३ जना पूर्व मिस नेपालहरु भने माल्भीकाको प्रतिरक्षामा उभिएका छन् ।

अहिले माल्भिकालाई गालीगलौज भइरहँदा तीन पूर्व मिस नेपालहरूले उनको प्रतिरक्षामा मुख खोलेका छन् । उनीहरूले माल्भिकाबाट कमजोरी भए पनि सबै दोष उनीमाथि थोपर्न नहुने बताएका छन् ।

श्रृङ्खला खतिवडाले माल्भीकाको प्रतिरक्षा गर्दै यस्तो लेखेकी छिन् उहाँ (माल्भिका) गलत हुनुहुन्थ्यो । उहाँ एक नारीवादी अभियन्ता भएकाले धेरै महिलाहरूको अधिकार र सुरक्षाको कुरा आउँछ, यो अर्को तहमा गलत थियो । तर, म एक जनामाथि दोष केन्द्रित गर्ने र दोषारोपण गर्ने प्रवृत्तिमा योगदान दिन चाहन्न ।

उहाँलाई अनफलो गर्नुहोस्, घृणा गर्नुहोस्, अपमान गर्नुहोस्, तर उहाँमाथि नै सबै दोष नथुपार्नुहोस् । सबै दोष उहाँमाथि लगाउनु उहाँको लागि अन्याय हो ।यसले दुर्व्यवहार गर्नेलाई मात्र फाइदा हुन्छ । यसले समस्या समाधान गर्न कतै पनि मद्दत गर्दैन । यहाँ व्यक्तिको खराब नैतिक निर्णय भन्दा पीडितको समस्या ठूलो छ ।

यस केसमा पीडितले औँल्याएको मानिसदेखि लिएर धेरै व्यक्तिहरू थिए जसले त्यति बेला सही समयमा पीडितलाई यो दलदलबाट निकाल्न सक्थे । जस्तै उनको परिवार, साथी–सहकर्मी, मालिक, साझेदार र सल्लाहकार आदि । सबैले उनलाई मद्दत गर्न सक्थे ।

त्यसै गरि पूर्व मिस नेपाल जेनिशा मोक्तान (मिस नेपाल २००९)ले पनि यस बिषयमा माल्भीकाको प्रतिरक्षा गरेकी छिन् उनले लेखेकी छिन् हामी त्यस चिजबाट नै निराश हुन्छौं जसबाट हामीले उच्च अपेक्षा राखेका हुन्छौं । तपाई (माल्भिका)ले सधैँ आफ्नो स्ट्यान्डर्ड सेट गर्नुभएको छ, त्यसैले तपाईँबाट सबैको अपेक्षा उच्च छ । आफूले आफूलाई कमजोर नबनाउनु दिदी । तपाईँले अनगिन्ती महिलाहरूलाई सशक्त बनाउनुभएको छ, समर्थन गर्नुभएको छ । र तपाईँलाई तल झार्नु कुनै अर्को महिलालाई समर्थन गर्ने तरिका होइन । धेरै माया ।

पूर्व मिस नेपाल सीताश्मा चन्द (मिस नेपाल २००७) ले पनि माल्भीकाको प्रतिरक्षामै आफ्नो आवाज दिएकी छिन् उनले लेखेकी छिन् मलाई लाग्दैन कि उनले पोस्टमा उल्लेख गरेको र उनले भोगेका सबै कुराको लागि तपाईँ जिम्मेवार हुनुहुन्छ ।

तर यो सत्य हो कि तपाईँ उनले भोगेको पीडाहरूमा र उनको यात्रामा एउटा अभिन्न हिस्सा बन्न सक्नुहुन्थ्यो ।दुर्भाग्यवश तपाईँ हुन सक्नुभएन । तपाईँले स्पष्ट रूपमा आफ्नो अफसोस व्यक्त गर्नुभएको छ ।

हामी सबैले कहीँ न कतै गल्ती गरेका छौँ । जिम्मेवारी स्वीकार गर्ने, माफी माग्ने र सकेसम्म यसलाई ठिक गर्न प्रयास गरौँ । तपाईँले दशकौँदेखि कति मानिसहरूलाई प्रेरित, उत्प्रेरित र मद्दत गर्नुभएको छ, त्यो हामी बिर्सन सक्दैनौँ । एउटा गल्तीले तपाईँले गर्नुभएका र हासिल गर्नुभएका अरू सबै कुरालाई ढाक्न सक्दैन र ढाक्नु पनि हुँदैन । तपाईँलाई शक्ति मिलोस् ।