ओलीलाई देखाउँन यती सम्मको फोहोरी खेल खेल्न पनि पछि परेनन् प्रचण्ड र माधव नेपाल !

स्थानिय तहको निर्वाचनको परिणाम देशव्यापी रुपमा आइरहेको छ । प्राप्त परिणामले नेपाली काग्रेस सबैभन्दा ठूलो दलको रुपमा उदाएको छ भने सबैभन्दा ठूलो पार्टी रहेको नेकपा एमाले दोस्रो बन्दै रक्षात्मक अवस्थामा पुगेको छ ।

स्थानिय तहको निर्वाचनमा एमाले र त्यसमा पनि एमाले अध्यक्ष केपी ओली विरुद्ध सत्तागठबन्धनका दलहरुले के कति सम्म गरे भन्ने सक्षिमा सुरु भएको छ । देशव्यापी रुपमा पाँचदलीय गठबन्धन बनाएर होमिएका दलहरु अहिले एमाले हराइयो भनेर खुशियाली मनाइरहेका छन् तर यो परिणाम निकाल्नका लागी उनीहरुले के कती सम्म हतकण्डा गरे भन्ने फेहरिस्त पनि बाहिर आउँन थालेको छ ।

नेकपा माओवादी केन्द्रका अध्यक्ष पुष्पकमल दहाल प्रचण्ड र नेकपा एमाले विभाजन गरेर बनेको दल नेकपा एसका अध्यक्ष माधव कुमार नेपालले पटक पटक सार्वजनिक रुपमा एमाले अध्यक्ष केपी ओलीलाई राजावादीको आरोप लगाउँने गरेका छन् । ओलीले गोप्य रुपमा पूर्वराजा सँग भेट्ने गरेको समेत आरोप लगाउँने उनीहरुले यहि चुनावमा ओलीलाई हराउँन राजावादी पार्टीका उमेदवारलाई समर्थन गर्न पनि पछि परेनन् ।

एमाले अध्यक्ष ओलीको गृह नगर झापाको दमक नगरपालिकामा राप्रपाका उमेदवार राम थापा बिजयी भएका छन् । उनी बिजयी भएको खबरलाई काग्रेस , माओवादी र नेकपा एसका कार्यकर्ताहरुले एमाले अध्यक्ष अ‍ोली विरद्ध मसलाका रुपमा प्रयोग गरिरहेका छन् त्यहाँको यर्थाथ भने अर्को देखिएको छ ।

दमकमा राप्रपाका उमेदवार राम थापा मेयरमा बिजयी भएका छन् तर उनी राप्रपाको एकल उमेदवार भने होइनन् । उनी काग्रेस, माओवादी केन्द्र , नेकपा एस लगायतका दलहरुको समर्थनमा बनेका साझा उमेदवार हुन् । ओलीलाई देखाउँनैका लागी आफुलाई गणतन्त्रको पिता भन्ने प्रचण्ड देखी देउवा र माधव नेपालले समेत राप्रापाका उमेदवारलाई समर्थन गरेर एमाले हराएका छन् ।

रोचक कुरा त २०६१ सालको शाहीकालमा ८ महिना दमक नगरपालिकाको प्रमुख बनेका थापा दलहरूको संयुक्त जनआन्दोलनपछि पदच्युत भएका थिए । गणतन्त्रका कट्टर विरोधी थापा अहिले प्रचण्डकै समर्थनमा दमकको मेयरमा कमब्याक भएका छन् ।

अहिले राप्रपाको प्रदेश १ का अध्यक्षसमेत रहेका थापा पार्टी अध्यक्ष राजेन्द्र लिङ्देनको विपरीत धारका हुन् । उनलाई प्रदेश पार्टी अध्यक्षमा हराउनका लागि लिङ्देनले भक्ति सिटौलालाई अघि सारेका थिए । तर सिटौलालाई थापाले पराजित गर्दै पार्टी अध्यक्ष बनेका थिए ।

थापा लामो समयदेखि स्थानीय र संसदको चुनावमा भाग लिँदै आएका थिए । तर, उनको दोस्रो स्थान मात्रै आउने गरेको थियो । यसअघि थापा संसदीय निर्वाचनमा एमाले अध्यक्ष ओलीसँग प्रतिस्पर्धा गरेका थिए । ओली विजयी हुँदा थापा दोस्रो भए । ०७४ सालको स्थानीय निर्वाचनमा दलहरु एक्ला एक्लै प्रतिस्पर्धामा रहँदा पनि थापाले प्रमुख पदमा प्रतिस्पर्धा गरेका थिए । त्यसबेला थापा एमालेका रोमनाथ ओलीबाट पराजित बने । तत्कालीन झापा जिल्ला विकास समितिको निर्वाचनमा पनि नेता थापा उप–सभापतिमा १ मतले पराजित भएका थिए ।

निर्वाचनमा पहिलो बन्ने थापाको इच्छा यस पटक भने पुरा भएको छ । नेता थापाले राष्ट्रवादी विद्यार्थी मण्डलबाट २०३५÷०३६ सालदेखि नै भद्रपुरको मेची बहुमुखी क्याम्पसबाट राजनीतिक यात्रा सुरु गरेका थिए । संयुक्त जनआन्दोलनपछि बदनाम बनेको राप्रपाको राजनीतिमै अडिएर सोही पार्टीको चुनाव चिन्हबाट दमकको प्रमुख पदमा विजयी हुनु उनका लागि कठिन थियो । तर, यस पटक उनले साकार पारका छन् ।

थापाले एमालेको गढ भत्काउँदै ५५९ मतान्तरले शुक्रबार विजयी भए । विजयी थापाले १७ हजार ५२५ मत पाउँदा एमालेका उम्मेदवार गीता कुमारी अधिकारी पौडेलले १६ हजार ९६६ मत पाइन् ।

झापामा एमालेविरुद्ध महागठबन्धन थियो । देशभर एक्लै चुनाव लड्ने घोषणा राजेन्द्र लिङ्देनले गरिरहँदा थापाले भने प्रदेश १ मा सत्ता गठबन्धनसँग छलफल अगाडि बढाएका थिए । उनले चलाएको उक्त छलफलप्रति पार्टीभित्र केही असन्तुष्टि पनि देखिएको थियो । तर, पछि गठबन्धनमा राप्रपाका थापा सहभागी हुँदा उनले मेयर पाए भने काँग्रेसले उपमेयर पाएको थियो । जुन गठबन्धन दमकमा सफल भएको छ ।

​उनले दमक नगरपालिका बनेदेखि नै निर्वाचित मेयर बन्ने सपना बन्दै आएका थिए । २४ वर्षअघि पहिलोपटक मेयर लडेका उनले त्यसयता प्रयास जारी राखेका थिए । त्यसअघि उनी वडा अध्यक्षमा निर्वाचित भएका थिए ।

२०४९, २०५४ र २०७४ मा भएका तीन वटै स्थानीय चुनावमा दमकको प्रमुख र उपप्रमुखसहित बहुसंख्यक सिटमा एमालेले जितेको थियो । यसपटक पाँच दलको गठबन्धन बन्दा पनि एमालेले बहुमत वडामा जितेको छ । तर, प्रमुखमा थापालाई हराउन भने एमालेले सकेन । झापाको १, २, ३, ५, ६, ८ र ९ नम्बर वडामा एमालेले जितेको छ । वडा नम्बर ४ र १० कांग्रेसले जित्दा राप्रपाले वडा नम्बर ७ मात्रै जितेको छ ।