माओवादी बैठकमा ओलीको समर्थनमा गडगडाहट ताली !

दुई दिन देखी काठमाडौंमा जारी नेकपा माओवादी केन्द्रको केन्द्रीय कमिटी बैठकमा नेकपा एमालेका अध्यक्ष केपी ओलीको बिषयलाई लिएर गरमा गरम बहस भएको छ ।

पार्टी अध्यक्ष पुष्पकमल दाहाल प्रचण्डले हिजो बैठकमा राखेको राजनितिक तथा सांगठनिक प्रस्ताव उपर छलफल चलिरहँदा माओवादी केन्द्रको बैठकमा अनौठो परिस्थिति उत्पन्न भएको छ । केपी ओली सँग सारै रिसाएका माओवादी केन्द्रका नेताहरुले ओली प्रवृती भन्दै खनिने गरेका छन् तर माओवादीकै एक नेताले ओली प्रवृती भन्न नहुने भन्दै बैठकमै आपत्ती जनाएका छन् ।

नेकपा माओवादीका केन्द्रीय सदस्य दीपेन्द्र पुनले पूर्वप्रधानमन्त्री केपी शर्मा ओलीको प्रवृत्तिलाई ‘ओली प्रवृत्ति’ नभन्न आग्रह गरेका छन् । ओली प्रवृत्ति भन्दा त्यो समुदायलाई भड्काए जस्तो हुने उनको तर्क छ । माओवादी केन्द्रीय कमिटी बैठकमा समूहगत छलफलका क्रममा पुनले केपी प्रवृत्ति भन्न आग्रह गरेका हुन् । त्यसकारण ओलीलाई सम्मान गर्नुपर्छ भन्ने उनको तर्क थियो ।

समूहगत छलफलमा पुनको भनाइबारे लुम्बिनी प्रदेश अध्यक्ष ओनसरी घर्तीले बैठकमा समूहका सुझाव सुनाउने क्रममा भनेकी थिइन् । हलबाट यस्तो सुझावलाई समर्थन भएको केन्द्रीय सदस्य निर्मल आचार्यले जानकारी दिए । बैठकलाई सम्बोधनका क्रममा माओवादी अध्यक्ष पुष्पकमल दाहाल प्रचण्डले ओली प्रवृत्तिलाई सर्वसत्तावादको संज्ञा दिँदै प्रतिगमन पुनरागमन हुन सक्ने बताएका थिए ।ओली प्रवृत्ति भन्यो भने ओली सबैलाई ठेस पुग्ने भन्दै माओवादीका सबै नेताले उनको तारिफ समेत गरेका छन ।

प्राय जस्तो माओवादी नेताहरुको मुखमा ओली प्रवृती भन्ने शब्द झण्डीएकै छ । प्रचण्डले सुरुमा यो शब्द बोलेर देशव्यापी ब्राण्डीङ गरेका थिए । ओली भन्दा देशभरीकै ओली सबैलाई पर्ने निचोड निकाल्दै माओवादीहरुले केपी प्रवृती भन्ने निचोड निकालेका छन् ।