जसो गरे पनि माधव नेपालको किलो रित्तै !

नेकपा एमालेका वरिष्ठ नेता माधव कुमार नेपाल आफुलाई पार्टी भित्रको विद्रोही नेता भन्छन् । आफ्नै पार्टीका अध्यक्षले नेतृत्व गरेको सरकारलाई हटाएर प्रतिद्धन्द्धी दल नेपाली काग्रेसका सभापती शेरबहादुर देउवालाई प्रधानमन्त्री बनाएका छन् तर उनका दुख सकिएका छैनन् ।

प्रतिगमन सच्चाएर संविधान रक्षा गरेर आफुले ठूलो काम गरेको ठानिरहेका नेता नेपाल आफ्नै पार्टी भित्र भने दिन प्रतिदिन खुम्चँदै गएका छन् । कुनै बेला नेकपा एमालेका शक्तिशाली महासचिव बनेर १५ बर्ष सम्म एमाले हाँकेका नेपाल अहिले दयनिय अवस्थामा पुगेका छन् ।

सर्वोच्च अदालतको परमादेशबाट सरकार बनेको एक महिना पुरा भएको छ । ओली हटेको भोलीपल्ट चमत्कार गर्छु भन्नेहरुले सरकार विस्तार सम्म गर्न नसकेर लाचार भइरहेका छन् । मन्त्रीपरिषद विस्तार गर्न नसकेको पनी माधव नेपाललका कारणले भन्ने आरोप पनि उनी माथी लागेको छ ।

माधव नेपाल कुन हालतमा पुगेका रहेछन् भने उनलै स्विकार गरेका छन् मन्त्री खान आफ्नै सांसदहरु मरिहत्ते गरेर लागेको उनले बताएका छन् । दाम्लै चुडालेर मन्त्री खान जान खोज्नेहरु निक्किए भन्दै उनले आफ्नो लाचारी व्यक्त गरेका छन् ।

हिजो अनेक प्रलोभन गरेर ओलीविरुद्ध लगाएका सांससहरुले सरकारमा जान गनगन गरेपछि अहिले माधव नेपाल चेपुवामा परेका छन् । एकातिर कुनै हालतमा सरकारमा सहभागी हुन हुँदैन भनेर दवाव दिने ठूलो पक्ती उनी सँग छ भने दाम्लोनै चुँडालेर मन्त्री खान जानेको प्रेसर पनि थेगी नसक्नु छ उनीमाथी ।

सरकारमा सहभागी बनौं भने पनि ठूलो पंक्तिले आफ्नो साथ छोड्ने डर नबनौं भने पनि एकातिर माधव नेपालकै कारण सरकार विस्तार नहुन नसकेको अपजसको भारी अर्को तिर हिजो अनेकौं प्रलोभन दिएर प्रभावमा पारेर सांसदहरुले दाम्लोनै चुँडालेर जालान् भन्ने पीर ।

जसो गरे पनि किलो रित्तो हुने पीरले यतिखेर माधव नेपाललाई धेरै सताएको बुझ्न सकिन्छ । हिजो सम्म संविधान बचाएको जस पाएका नेपाल अहिले समयमा निर्णय लिन नसकेका कारण सबैतिरको अपजसको भारी बोक्नु पर्ने अवस्थामा पुगेका छन् ।

नेकपा एमाले का वरिष्ठ नेता माधवकुमार नेपालले आफ्नै समूहका नेताहरुले मन्त्री बन्न दाम्लो चुँडाउन खोजेको टिप्पणी गरेका छन् । शनिबार काठमाडौंमा आयोजित वागमती प्रदेश सम्पर्क कमिटीको समानान्तर नेतृत्व घोषणा कार्यक्रममा आफूले त्यसरी मन्त्री बन्न हतारिनेलाई केही समय रोकिन भनेको र उनीहरुले आफ्नो आग्रह मानेको बताए।

‘केही साथीहरुलाई हामी जान्छौं भनेर झण्डै दाम्लो चुँडालेर तयार हुनुभयो,’ नेता नेपालले भने, ‘दाम्लो चुँडाल्नेलाई म के गर्न सक्छु । आफ्नैलाई त रोक्न सकिएको छैन् । तैपनि मैले भनेको कुरालाई मान्नु भएको छ। दाम्लो नचुँडाउनुहोला मैले भनिरहेको छु । अहिले अन्तिम कोसिस गर्न नदिनुहोस् । मन्त्री ठूलो कुरा होइन । विचार ठूलो कुरा हो । पद ठूलो कुरा होइन, नीति ठूलो कुरा हो ।’