काग्रेस- माओवादीले एक्लै चुनाव लड्ने सामर्थ सदाका लागी गुमाए फुर्ती नगर्दा हुन्छ :बिष्णु भट्टराई

स्थानिय तहको निर्वाचनमा प्रमुख प्रतिपक्षी दल नेकपा एमालेलाई हराइयो भन्दै खुशियाली मनाइरहेका नेपाली काग्रेस, नेकपा माओवादी केन्द्र , नेकपा एस लगायतका नेता कार्यकर्तालाई वरिष्ठ अधिवक्ता बिष्णु भट्टराईले नमिठो जवाफ दिएका छन् ।

वरिष्ठ अधिवक्ता भट्टराईले गठबन्धनदलले मिलेर केहि सिटमा जित हासिँल गरेर क्षणिकतामा आनन्द पाएको भए पनि दिर्घकालिन रुपमा हेर्दा उनीहरुले नमज्जासँग पराजित भएको बताएका छन् । भट्टराईले हिसाब किताब सहितनै उनीहरुको भविश्यको दुर्दशा देखाएका छन् ।

ओटिभी नेपाल डटकम सँगको विशेष कुराकानीमा वरिष्ठ अधिवक्ता भट्टराईले नेपाली काग्रेस , माओवादी केन्द्र , नेकपा एस लगायतका दलहरुले एक्लै चुनाव लड्न सक्ने सामर्थ गुमाएको बताए । एक्लै चुनाव लड्न सकिँदैन भन्ने उनीहरु आफैँले स्विकार गरेका छन् यसले उनीहरुलाई भविश्यमा थप गारो पर्ने तर्क उनले गरेका छन् ।

हामीले निर्वाचन जित्यौँ भनेर फुर्तिफार्ती गर्नुको कुनै तुक नरहेको भन्दै काग्रेस , माओवादी या समाजवादीको छुट्टै मत कति हो ? भन्दै प्रश्न पनि भट्टराईले गरेका छन् । गठबन्धनका कारण झन भद्रगोल भएको भन्दै उनले यसले देशलाई थप अधोगतितिर लाने ठोकुवा गरेका छन् ।

चुनाव जित्नका लागी जे पनि गर्ने जसले जो सँग पनि गठबन्धन गर्ने विचार ,सिद्धान्त भन्ने केही नचाहिने अन्यन्तै खराब संस्कार बनेको भन्दै उनले यो तरिकाले यो व्यवस्थाकै समाम्ती हुने जिकिर गरेका छन् । गणतन्त्रवादी भन्ने प्रचण्ड र राजावादी राजेन्द्र लिंदेनले समेत गठबन्धन गर्नु यो भन्दा लाजमर्दो कुरा हुन्छ ? भन्दै उनले प्रश्न गरेका छन् ।

गठबन्धनमा निर्वाचन जितेर आएकाहरुले कामै गर्न नसक्ने भन्दै उनले अब झन धेरै विकृती र भ्रष्टाचार बढ्ने ठोकुवा गरेका छन् । गठबन्धनबाट चितवनको भरतपुर महानगरपालिकाको मेयर जितेकी रेणु दहाललाई पनि उनले हसिँया हथौडाको मात्रै भोटले जितको हो ? भन्दै प्रश्न गरेका छन् । होइन भने तपाई कुन पार्टीको मेयर रुभन्दै पनि उनले प्रश्न गरेका छन् ।

चितवनमा काग्रेसको मत झिक्ने हो भने रेणु दहालको मत कति हो ? यस्तो त देशैभरी भएको छ गठबन्धनको नाममा मनलाग्दी भएको छ यसले देश र जनताका लागी बेथिती ,भ्रष्टाचार र अराजकता बाहेक केहि दिदैन भट्टराईले ठोकुवा गरेका छन् ।

वरिष्ठ अधिवक्ता विष्णु भट्टराईसँग समसामयिक राजनितीक बिषयलाई केन्द्रमा राखेर ओटिभी नेपाल डटकमले गरेको विस्तृत भिडियो कुराकानी हेर्नुहोस्