एमसीसी खारेज गर्न गाउँगाउँ बाट अभियान चलाउने माओवादीको निर्णय !

नेपाल कम्युनिस्ट पार्टी क्रान्तिकारी माओवादीले अफगानिस्तानमा अमेरिका पराजित भएको निष्कर्ष निकालेको छ। क्रान्तिकारी माओवादीको चार दिनसम्म काठमाडौंमा चलेको बैठकले यस्तो निष्कर्ष निकालेको हो।बैठकमा पार्टीका महासचिव मोहन वैद्य ‘किरण’ले प्रस्तुत गरेको राजनीतिक प्रतिवेदनलाई एकमतले पारित गरेको छ।

महासचिव किरणले बैठकमा पछिल्लो समय विकसित हुँदै गइरहेको अन्तर्राष्ट्रिय तथा राष्ट्रिय परिस्थिति, पार्टी कामको समीक्षा र आगामी कामको दिशा सम्बन्धी विषयमा आधारित राजनीतिक प्रतिवेदन पेश गरेका थिए। सो प्रतिवेदन सर्वसम्मत रुपमा पारित भएको पार्टीका तर्फबाट जारी भएको वक्तव्यमा उल्लेख छ।राजनीतिक प्रतिवेदनमा विश्वमा साम्राज्यवादी तथा विभिन्न अन्तर्राष्ट्रिय शक्ति केन्द्रहरुका बिचको आपसी अन्तर्विरोध, श्रम तथा पुँजीका बिचको अन्तर्विरोध र साम्राज्यवाद तथा उत्पीडित राष्ट्रहरुका बिचको अन्तर्विरोध चर्किंदै गएको र कोभिड–१९ महामारीका कारण उत्पन्न विश्वव्यापी स्वास्थ्य तथा आर्थिक सङ्कटले विश्वका उपरोक्त अन्तर्विरोधहरुलाई अझै विष्फोटक बनाउँदै लगेको कुरा औंल्याइएको छ।

‘अफगानिस्तानमा अमेरिका तथा त्यसको सैन्य गठबन्धन नेटो पराजित भएको कुरा उक्त दस्ताबेजमा उल्लेख गरिएको छ,’ वक्तव्यमा भनिएको छ।
बैठकले नेपालमा संसदीय व्यवस्था असफल भएको निष्कर्ष समेत निकालेको छ।‘कम्युनिस्ट नामधारी डबल नेकपा’ भित्रको अन्तर कलह, दुई९दुई पटकको प्रतिनिधिसभा विघटन तथा पुनस् स्थापना, अदालतको परमादेशद्वारा पार्टीको विखण्डन तथा देउवा गठबन्धन सरकारको निर्माण, आकाङ्क्षी धेरै भएर मन्त्रीहरु नियुक्त गर्न नसकेको स्थिति र गठबन्धनभित्र बढ्दै गएको कचिङ्गल आदि नेपालमा संसदवादी तथा संशोधनवादी राजनीतिक दलहरु मात्र नभई संसदीय व्यवस्था नै असफल बन्दै गएको कुराका परिणाम भएको निष्कर्ष निकालेको छ।‘यस स्थितिमा पार्टीले उठाउँदै आएको सङ्घीय जनगणतन्त्र र तदनुरुपको सरकारको नारालाई जनताका बिचमा सशक्त ढङ्गले प्रचार गर्ने कुरा प्रतिवेदनमा जोड दिइएको छ,’ भनिएको छ।

साथै, क्रान्तिका लागि बस्तुगत परिस्थितिसमेत परिपक्व बन्दै गएको निष्कर्ष समेत निकालेको छ। ‘तर, आत्मगत परिस्थिति भने कमजोर रहेको स्थितिमा छिरलिएका सच्चा क्रान्तिकारी शक्तिलाई एकताबद्ध तुल्याउनका लागि पार्टीले मार्क्सवाद–लेनिनवाद–माओवाद वा विचारधारा मान्ने र नयाँ जनवाद तथा वैज्ञानिक समाजवाद अङ्गिकार गर्ने क्रान्तिकारी कम्युनिस्ट सङ्गठन, समूह एवम् व्यक्तित्वहरुलाई संवादको प्रक्रियामा अगाडि बढ्न हार्दिक आह्वान गर्ने कुरा प्रतिवेदनमा उल्लेख छ,’ बैठकपछि जारी वक्तव्यमा भनिएको छ।

महासचिव किरणले प्रस्तुत गरेको प्रतिवेदनमा केपी ओली नेतृत्वको सरकारले अगाडि सारको समृद्ध नेपाल र सुखी नेपालीको नारा उदांगो भएको समेत टिप्पणी गरिएको छ।‘महङ्गी, चरम बेरोजगारी, अभाव तथा गरिबी, भ्रष्टाचार, कमिशनतन्त्र, देशी तथा विदेशी प्रतिक्रियावादीको शोषण, उत्पीडन तथा हस्तक्षेप आदिका कारण मजदुर, किसान तथा निम्न पुँजीपति वर्गसहित आम जनताका जिविकाका समस्या अत्यन्तै भयावह र विकराल बन्दै गएको कुरा औंल्याउँदै ओली सरकारको समृद्ध नेपाल र सुखी नेपालीको नारा पूरै उदाङ्गो बन्न गएको,’ प्रतिवेदनमा उल्लेख छ।

साथै, प्रतिवेदनमा शेरबहादुर देउवा पनि असफल हुने दाबी गरिएको छ। ‘शेरबहादुर देउवा पनि यही सङ्कटग्रस्त व्यवस्थाको असफल प्रतिनिधि हुनाले वर्तमान गठबन्धन सरकारबाट पनि राष्ट्रियता, जनतन्त्र तथा जनजिविकाका समस्या हल हुन नसक्ने कुराको ठोकुवा गरिएको छ,’ प्रतिवेदनमा भनिएको छ।

प्रतिवेदनमा मजदुरहरु माथि थोपरिएको ठेकेदारी तथा करार प्रथाको खारेजी, समुचित तलब तथा अन्य सुविधा, निष्काशनको विरोध, स्वदेशमै रोजगारी तथा बेरोजगार भत्ताको व्यवस्थास क्रान्तिकारी भूमिसुधार तथा सुकुम्वासी, हलिया, कमैयाहरुका लागि जमिनको व्यवस्थास महिला, दलित, मुस्लिम तथा अपाङ्गका लागि विशेषाधिकारको व्यवस्था शहीद परिवार, बेपत्ता तथा घाइते अपाङ्ग योद्धा एवम् बहिर्गमित सेनाका मागहरुको सम्बोधन शिक्षा तथा स्वास्थ्य क्षेत्रको राष्ट्रियकरण किसानहरुलाई समुचित अनुदान तथा कृषि औजार एवम् मल–बीउ आदिको व्यवस्थास महिला बलात्कार तथा हत्याको विरोधस दलितहरु प्रतिको छुवाछुत प्रथाको अन्त्यस भ्रष्टाचार, कमिशनतन्त्र तथा महङ्गीको विरोध आदि विषयलाई लिई सङ्घर्षको विकास गर्ने उल्लेख छ। साथै, प्रतिवेदनमा एमसीसीको विरोधमा संघर्षको विकास गर्न जोड दिइएको छ।

‘केन्द्रीय समितिको बैठकमा भारतद्वारा कब्जा गरिएको लिम्पियाधुरा सहितको सम्पूर्ण भूभाग फिर्ता, एमसीसीको विरोध, दार्चुला तुइन काण्डको विरोध लगायतका राष्ट्रिय स्वाधीनतासँग सम्बन्धित विषयलाई लिएर सङ्घर्षको विकास गर्न जोड दिइएको छ,’ वक्तव्यमा भनिएको छ।पहिचान सहितको सङ्घीयता र स्वायत्त शासनको मागलाई सम्बोधन गर्दै संघीय संरचनाको स्वरुपबाट अध्ययन गरी खाका प्रस्तुत गर्ने प्रतिवेदनमा उलेलेख छ।

‘पार्टीले पहिल्यैदेखि उठाउँदै आएको पहिचान सहितको सङ्घीयता र स्वायत्त शासनको माग लत्याएर भूगोलका आधारमा सङ्घीय संरचना निर्माण गर्ने वर्तमान प्रतिक्रियावादी व्यवस्थाले गरेको अन्यायपूर्ण निर्णयको विरोध गर्दै पार्टीले उक्त मागलाई पुनः सशक्त रुपमा उठाउने र नेपालमा पहिचान सहितको सङ्घीय संरचनाको स्वरुपबारे गहन अध्ययन गरी त्यसको खाका छिटै प्रस्तुत गर्ने,’ प्रतिवेदनमा भनिएको छ।त्यसका लागि संयुक्त मोर्चा तथा कार्यगत एकतालाई प्रभावकारी ढङ्गले अगाडि बढाउने निर्णय केन्द्रीय कमिटीको बैठकले गरेको छ। एमसीसी खारेज गर्ने मुद्धालाई पहिलो प्राथमिक्तामा राखेर गाउँगाउँ बाट अभियान चलाउने बताइएको छ ।