देउवालाई मात्र दोष दिए पछि कानुनमन्त्रीले खोलिदिए पोल, अध्यादेश ल्याउँन देउवालाई उचाल्नेको नामै सार्वजनिक गरिदिए

दल विभाजन सम्बन्धी अध्यादेश ल्याए पछि सर्वोच्च अदालतको परमादेश बाट बनेको शेरबहादुर देउवा नेतृत्वको सरकारको व्यापक आलेचना भइरहेको छ ।

आलोचना थेगी नसक्नु भए पछि देउवा सरकारका प्रवक्ता एवं कानुनमन्त्री ज्ञानेन्द्र बहादुर कार्कीले अध्यादेश ल्याउन भित्रै भित्रै देउवा उचाल्नेहरुको पोल खोलिदिएका छन् । अध्यादेशलाई लिएर प्रधानमन्त्री देउवाको मात्रै आलोचना भए पछि मन्त्री कार्कीले भित्री कुराको खुलासा गरेका छन् ।

सरकार प्रवक्ता तथा कानुनमन्त्री ज्ञानेन्द्र कार्कीले गठबन्धनको सहमतिमा राजनीतिक दल सम्बन्धी अध्यादेश ल्याएको बताएका छन् । मंगलबारको मन्त्रिपरिषद बैठकले केन्द्रीय समिति वा संसदीय दलको २० प्रतिशतबाटै पार्टी विभाजन गर्न सक्ने गरी अध्यादेश जारी गर्न मंगलबार राष्ट्रपतिलाई सिफारिस गरेको छ ।

उक्त अध्यादेश गठबन्धनको सहमतिमा अगाडि बढाइएको कानुनमन्त्री कार्कीले रातोपाटीलाई जानकारी दिए । उनले भने, ‘गठबन्धनको सहमतिमा अध्यादेश अगाडि बढाइएको हो । यसमा सबैको समर्थन छ ।’ पूर्ण कार्यकाल संसद सञ्चालनको उद्देश्यका साथ अध्यादेश आएको उनको भनाइ छ ।

उनका अनुसार आइतबार साँझ गठबन्धनका शीर्ष नेताहरुबीचको छलफल भएको सहमति अनुसार अध्यादेश अगाडि बढाइएको हो । प्रधानमन्त्री तथा काँग्रेस सभापति देउवाले यस विषयमा पार्टीभित्र पनि सबै पक्षको समर्थन लिएका थिए ।

मंगलबार विहान वरिष्ठ नेता रामचन्द्र पौडेल, कृष्णप्रसाद सिटौला, उपसभापति विमलेन्द्र निधि, महामन्त्री शशांक कोइराला, पूर्णबहादुर खड्कासँग छलफल गरेका थिए । अध्यादेश ल्याउने विषयमा सबै नेताको समर्थन रहेको कार्कीको भनाइ छ ।

हिजो मात्रै पूर्व प्रधानमन्त्री एवं जनता समाजवादी पार्टी का संघिय परिषद अध्यक्ष बावुराम भट्टराईले गठबन्धनमा कुनै सल्लाह नगरि अध्यादेश ल्याएको भन्दै विराध गरको थिए । ज्ञानेन्द्र बहादुर कार्कीको खुलासा सँग बावुराम र कानुनमन्त्री को कुरा बाझिएको छ ।