मुख्यमन्त्री हुने बित्तिकै अष्टलक्ष्मीले दिएको अभिव्यक्तिले एमालेमा तरंग

परमादेश बाट बनेको देउवा नेतृत्वको सरकारले ल्याएको अध्यादेशका साहारमा माधव नेपालले एमाले फुटाए पछि केन्द्र देखी प्रदेश सम्म ठूलो तरंग दियो । वाग्मती प्रदेशका मुख्यमन्त्री डोरमणी पौडेलले पार्टी एकताका लागी भन्दै राजीनामा दिए र हिजा ेनै अष्टलक्ष्मी शाक्य एमाले संसदीय दलको नेता हुँदै मूख्यमन्त्री नै बनेकी छिन् ।

लामो समय देखी माधव नेपालाई दरीलो साथ दिँदै एमाले अध्यक्ष केपी ओलीको कट्टर आलोचकको भूमीका देखाएकी शाक्यले एकाएक माधव नेपलको साथ छोडेर वाग्मती प्रदेशको मुख्यमन्त्री बेनेपछि धेरैलाई आश्चर्य लागेको छ ।

राजनिती सम्भावनको खेल पनि भनिन्छ हिजो माधव नेपाललाई दरिलो साथ दिएर ओलीको कडा आलोचना गर्नेहरु अधिकांशले अन्तिममा नेपाललाई साथ दिएनन् पार्टी फुटाउने कलंकको साक्षी बन्न उनीहरु चाहेनन् । मुख्यमन्त्री बन्ने वित्तीकै अष्टलक्ष्मीले दिएको अभिव्यक्तिले भने एमालेमा तरंग गएको छ ।

बागमती प्रदेशको मुख्यमन्त्री बनेपछि शाक्यले पदभन्दा पार्टी एकता ठुलो कुरा भएको बताएकी छन्। उनले भनेकी छिन् भोलिको दिनमा मिलेर जानुपर्छ। ०५४ सालमा फुटेर पनि जुटेको हो। त्यो सन्देशले पनि कम्युनिष्टहरू फुटेर होइन जुटेरै जानुपर्छ भन्ने प्रष्ट भइन्छ। पार्टीलाई बलियो बनाउन खुला छलफल गरेर सबैलाई अवसर दिएर जानुपर्ने उनले बताइन्।

तपाईंले माधव नेपालको साथ छाड्नुभएको हो? भन्ने प्रश्नमा शाक्यले भनिन्,‘माधव नेपालको पक्षमा सधैँभरी छु। म ओलीको विरोधी पनि होइन, नेपालको विरोधी पनि होइन। यहाँसम्म आइपुग्न साथ सहयोग गर्नुभएको छ। केही कमजोरी भए भोलिको दिनमा हामी मिलेरै अघि बढ्नुपर्छ।’

लोकतन्त्र र संविधान बलियो बनाएर कम्युनिष्ट पार्टीलाई विधि र विधानअनुसार चलाउनुपर्नेमा उनको जोड छ। पार्टीमा सबैले आआफ्नो जिम्मेवारी अनुसार अघि बढे समस्या सिर्जना नहुने उनको भनाइ छ।​

उनले भनिन्, पद ठुलो कुरा होइन, एकता ठुलो कुरा भनेर डोरमणि पौडेलले नै राजीनामा दिन तयार हुनुहुन्थ्यो। हामी अहिले पनि एकताको पक्षमै छौँ। लामो समय ओालीको कठोर आलोचकको रुपमा चिनिएको शाक्य पछिल्लो समय पार्टी एकतका लागी लचक बन्दै गएकी थिइन ।