माधव नेपालले निर्वाचन आयोगमा किर्ते हस्ताक्षर बुझाएको खुलासा, एकपछि अर्को पोल खुल्दै

नेकपा एमाले विभाजन गरेर नेकपा एमाले समाजकवादी नाम प्रस्तावित गरेर निर्वाचन आयोगमा नयाँ दल दर्ताका लागी निवदेन दिएका माधव नेपालले पार्टी विभाजनका लागी नेताहरुको किर्ते हस्ताक्षर निर्वाचन आयोगमा बुझाएको खुलासा भएको छ ।

माधव नेपालले प्रस्ताव गरेको एमाले समाजवादीमा रहको भनिएका केन्द्रिय सदस्यहरुले धमाधम आफु उक्त पार्टीमा नरहेको भन्दै घोषणा गर्न थालेका छन् । हिजो माधव नेपालले पार्टी दर्ताका लागी निवेदन दिने बित्तिकै प्रदिप नेपाल बाट सुरु भएको घोषणा बढ्दो क्रममा रहको छ ।

अहिले सम्म नेताहरु प्रदिप नेपाल ,सुरेन्द्र मानन्धर, रबिन कोइराला, भानुभक्त जोशी ,कृष्ण खनाल ,रमा आले लगायतका नेताहरुले विज्ञप्तीनै जारी गरेर आफुहरु एमाले समाजवादीमा नगएको बताएका छन्। पार्टी दर्ताका लागी पठाईएको केन्द्रिय सदस्यहरुलनै यस्तो विज्ञप्ती जारी गर्न थाले पछि माधव नेपाल तनावमा रहको बुझीएको छ ।

एमाले समाजवादीको केन्द्रीय सदस्य राखिएकोमा नेता प्रदीप नेपालले आपत्ति जनाएका छन् ।एमाले समाजवादी पार्टीमा अध्यक्ष नेपाल र वरिष्ठ नेता झलनाथ खनालपछि तेस्रो नम्बरमा प्रदीपको नाम राखिएको थियो ।

समाजवादी पार्टीका केन्द्रीय सदस्यको सूची सार्वजनिक भएलगत्तै नेता नेपालले आफू एमालेको झगडामा कतै पनि नरहेको भन्दै व्यक्तिगत स्वतन्त्रता कसैको अधिनमा नराख्ने फेसबूकमार्फत स्पष्ट पारेका छन् ।

अध्यक्ष नेपालको पार्टीका वरिष्ठ केन्द्रीय सदस्य प्रदीपले नै विद्रोह गरेपछि धक्का लागेको छ ।एमालेको नवौं महाधिवेशनबाट निर्वाचित केन्द्रीय सदस्य नेपाल नेकपा र हालको एमालेको विवादमा दुबै पक्षमा कतै देखिएका छैनन् ।

नेता प्रदीपले आफूले एमाले फुटाउन माधव नेपालको पक्षमा हस्ताक्षर नगरेको र पार्टी फुटाउने पक्षमा समेत नरहेकाले अध्यक्ष नेपालले कीर्ते र जालसाजी गरेको आरोप लगाएका छन् ।