आजैको घटना :जब अग्नी सापकोटा कुर्सीबाट जुरुक्क उठेर मलाई मार्न सक्छौ भन्दै चिच्च्याउन थाले…

माओवादी कोटा बाट सभामुख बनेका अग्नी सापकोटाले पदीय मर्याला भुलेर सभामुखकै कार्यकक्षमा अशोभनिय व्यवहार गरेको खुलासा भएको छ ।

नेकपा एमाललेले कारवाही गरेका माधव नेपाल सहितका १४ जना सांसदहरुलाई निश्कासन गरिएको पत्र सभामुख अग्नी सापकोटाले सुचना पार्टीमा टाँस नगरेपछि दवाव दिन पुगेका एमाले सांसद र सभामुख सापकोटा विच नोकझोकनै चलेको छ ।

कुराकानी राम्रैसँग चल्दै थियो एमाले सांसदहरुले अहिले सम्म किन सुचना टाँस भएन भनेर करकाप गर्न थालेपछि सभामुख अग्निप्रसादले ‘म हेर्दैछु, म विचार गर्दैछु’ भने एमाले सांसद्हरु बोल्न थाले, सोध्न थाले । जति बोले पनि जति सोधे पनि अग्निप्रसादले प्रष्ट जवाफ दिएनन्। निकै करकाप गर्न थालेपछि अग्निप्रसाद रिसाउन र झर्कोफर्को गर्न थाले । सभामुख रिसाउन थालेपछि एमालेका सांसद्हरु मध्ये सबैभन्दा पहिले महेश बस्नेत तातिए ।

महेश बस्नेतले अली कडा रुपमा सभामुख सँग प्रस्तुत भएका थिए । हामीले कारवाही गरिसकेका सांसदलाई अहिले सम्म किन हटाउनु भएन ? कहिले हटाउनुहुन्छ भन्नुस भन्दै बस्नेतले कडा प्रश्न गरेपछि सापकोटा एकाएक जंगिएका थिए ।

महेश बस्नेतले कुरा नसक्दै , कुर्सीबाट जुरक्क उठेर सापकोटा मलाई दवाब दिन आएको ? मलाई दवाब दिएर निर्णय गराउन आएको ?तपाईंहरुले जे भन्यो म त्यही गर्छु ? मलाई दवाब नदिनुस् ।’भन्न थाले

सापकोटाको जवाफले महेश बस्नेत फेरी जंगिएका थिए हामीले पनि जोनका छौ तपाइले गडबडी गर्न खोजेको गडबडी गर्नुहुन्छ भने, पदीय मर्यादा बाहिर गएर निर्णय गर्नुहुन्छ भने हामी पनि बल प्रयोग गर्छौं भन्दै बस्नेत रन्किए ।

त्यसपछि सुरु भयो खास लफडा सभामुखको मर्यादा भुलेर .अग्नी सापकोटाले चिच्याउँदै बोल्न थाले उनले पाखुरा सुर्कंदै ‘के गर्न सक्नुहुन्छ अहिले नै गर्नुस् । मलाई मार्न सक्नुहुन्छ ? सक्नुहुन्छ भने मलाई यहिँ मार्नुस् ।’ भन्दै कराउन थाले अस्वाभाविक रुपमा सापकोटा जंगिए पछि एमाले सांसदहरुले मुखामुख गरेका थिए ।

समामुख आवेशमा आए पछि एमालेकी सचेतक शान्ता चौधरीले ‘तपाईंले पहिले यस्तै निवेदन आउँदा २४ घन्टा नबित्दै सूचना जारी गर्नुभयो । हामीले निवेदन दिएको तीन दिनसम्म पनि किन सूचना जारी गर्नुभएन ? भन्दै शान्त तरिकाले सापकोटालाई प्रश्न गरेकी थिइन् ।

त्यस पछि सभामुख सापकोटा फेरी जंगिए ‘सूचना तपाईंले जारी गर्ने कि मैले ? तपाईंहरुले जेजे भन्यो म त्यही गर्छु ?मलाई हेपेको हो ? मलाई थर्काउन खोजेको हो ? सापकोटा सारैनै क्रान्तिकारी पाराले प्रस्तुत भएका थिए आज । प्रत्यक्षदर्शी सांसदका अनुसार सभामुख सापकोटाको आजको प्रस्तुती अकल्पनीय र अस्वाभाविक थियो ।

सभामुख सापकोटाले आज सभामुखको कार्यकक्षमै यस्तो व्यवहार गरेको सुचना पाए पछि एमाले अध्यक्ष केपी ओलीले कडा जवाफ फर्काएका छन् । कार्यकर्ता बन्ने की सभामुख बन्ने च्वाइस गर्नुस भन्दै ओलीले न्यायाधिश बन्न खोजे राम्रो नहुने चेतावनी दिएका छन् ।