भिम उपाध्याय र शान्ता चौधरीको विवादले तात्यो सामाजिक संजाल

नेपाल सरकारका पूर्व सचिव भिम उपाध्यायले नेकपा एमालेकी सचेतक शान्ता चौधरीलाई जोडेर समाजिक संजालमा एक स्टाटस लेखे । उपाध्यायको स्टाटस पछि शान्ताले पनि जवाफी स्टाटस फर्काएकी छिन् यसको पक्ष र विपक्षमा अहिले सामाजिक संजाल तातेको छ ।

समाजिक संजालमा निकै सक्रिय उपाध्यायले एमाले सचेतक शान्ता चौधरी एमालेले कारबाही गरेका माधव नेपाल सहितका १४ जना सांसदहरुलाई तुरुन्त कारवाही गर्न सभामुख अग्नी सापकोटाकोमा दवाव दिन पुगेको कुरालाई उल्लेख गर्दै शान्ताको पुरानो कुरा स्मरण गर्दै स्टाटस लेखेका थिए ।

चौधरीलाई माधव नेपालले कमलरी बाट टिपेर सांसद बनाएको भन्दै भन्दै उपाध्यायले अहिले शान्ताले आफ्नो धरातल छोडेको र बैगुनी भएको आशय राख्दै स्टाटस लेखेका थिए । उपाध्याएको स्टाटस भाइरल भए पछि चौधरीले पनि जवाफ फर्काएकी छिन् ।

शान्ता चौधरी र नेता नेपालको अलिक पूरानो फोटो शेयर गर्दै उपाध्यायले लेखेका छन्, ‘आफ्नै उद्दारकर्ताको पद आजै खोस् भन्दै उदण्डता गर्ने यी पूर्वकमलरी सांसद । माधव नेपालले ८ बर्षको उमेरदेखि २५ बर्ष सम्म जमिन्दारको घरमा बिनातलव कमलहरी गरिरहेकी शान्ता चौधरीलाई टपक्क टिपेर समानुपातिक सांसद बनाइ सिहदरबार छिराएका हुन्। हिजो यी सांसद शान्ता चौधरी माधव नेपालको सांसद पद खारेज गरिहाल भन्दै सभामुखको कार्यकक्षमा चोर औला देखाउदै धर्ना दिनेमा अग्रपंक्तिमा थिइन् । आजसम्म सोच परिवर्तन भएनछ।‘

उनले यो स्टाटस लेखेको दुई घण्टामा तीन हजार रियाक्ट आएका छन् भने कमेन्ट पनि करिब एक हजार आएका छन् । त्यसमा सांसद चौधरीले नै कमेन्ट गरेकी छन् । उपाध्यायले लेखेको स्टाटसमा आपत्ति जनाउँदै उनले भनेकी छन्– ‘धन्यवाद छ तपाइलाइ मेरो बारेमा एउटा तुच्छ सोच सोचेको मा , मलाइ उहाले एमालेमा ल्याउनु भएको हो अरुपार्टिमा लाग्नु पर्छ भनेर होइन ,जुन ठाउमा उहाले ल्याउनु भयो म त्यहि ठाउमा छु उहा जाहा जाहा जानुहुन्छ म त्यहा त्यहा जान सग्दिन मफ ,गर्नुस एउटा कमहलरी देशको कानुन बनाउन आएको तपाइ जस्तो मान्छेले काहा पचाउन सक्नुहुन्छर मैले त्यो कुरा राम्रोसङ बुझेको छु , एउटा कमहालरि सधै कमहलरी नै हुनु पर्ने हो तपाइको लेखाइमा रु रहयो कुरा यो फोटोको यो फोटो जतिबेला हाम्रो कमैयाहरुको आन्दोलन को हो माधब कमरेडले मुक्त गर्न लको होइन ’

त्यही कमेन्टमा एक हजार जनाले रियाक्ट गरेका छन् भने करिब दुई सय जनाले रिप्लाई गरेका छन् । जसमा केहीले उपाध्यायको समर्थन गरेका छन् भने केहीमा चौधरीको समर्थन देखिन्छ । फेरी उपाध्यायले रिप्लाइ गर्दै भनेका छन्– ‘धन्यवाद। म कसैको विचार फेर्न हैन, ब्यवहारको देखेर चर्चा गर्ने गरेको छु। विचार जहिले पनि ब्यावहारिक भईरहोस्। राजनीति जुन दलमा बसेपनि सौम्य शालिन र अनुकरणीय होस्। कसैलाई थर्काउने, हुलहुज्जत गर्ने र कसैको अर्ह्रौटे हुन मन छ भने जागिर खानुपर्छ, नेता बन्न सकिन्न। कुनै एउटाको पुच्छर बने ठिक हुदैन, कसैको पनि पुच्छर बन्न हुदैन।

तर मलाई मतलब भएन, मेरा जनप्रतिनिधि तगडा हुन्, स्वतन्त्र र विवेकी हुन्, कसैको दास नहुन् भन्ने मेरो झिनो आश हो जो पूरा हुदैन। विगत गौरवमय हुन वर्तमान गौरवमय बन्नुपर्छ। ईतिहास सम्झदाको मिठास वर्तमानको सफलतामा हुन्छ । नत्र ईतिहास तिक्त हुन्छ। सबैका तितामिठा ईतिहास हुन्छन्, सफलताले तिनलाई गौरवगाथाको माला पहिराईदिन्छ। तपाईमाथि गौरव थियो तर यसमा अहिले खिया लाग्यो। तपाईकै प्रतिक्रियाले यसमा झन् पुष्ट्यायो। टिक्नुहोला आफ्नो अडानमा, हामी पर्खने छौँ।’

यस विषयमा उपाध्याय र चौधरी दुवैको समर्थनमा कमेन्ट आएका छन् ।

माधव कुमार नेपालले पार्टी विभाजन गर्न लागेपछि एमाले अध्यक्ष केपी ओलीले १४ जना सांसदलाई पदमुक्त गर्न भनेर संसद सचिवालयमा पत्राचार गरेका छन् । तर ती कारवाहीलाई सभामुख अग्नि सापकोटाले होल्ड गरेर राखेका छन् । चाँडै पदमुक्त गरेको सूचना टाँस गर्न सभामुखलाई दबाब दिन चौधरीको नेतृत्वमा एमाले नेताहरु सभामुख सापकोटाको क्याबिनमा गएका थिए । सोही प्रसंगमा उपाध्यायले स्टाटस लेखेका थिए ।