गठबन्धनमा विवाद : थाहै नदिई मन्त्री बनाइयो

सत्तारुढ पाँच दलीय गठबन्धनले सरकार सञ्चालनमा सहजीकरणका लागि भन्दै सात सदस्यीय कार्यदल गठन गरेको तर, त्यही कार्यदलसँग सामान्य छलफल नै नगरी प्रधानमन्त्री शेरबहादुर देउवाले व्यवसायी उमेश श्रेष्ठलाई राज्यमन्त्रीमा नियुक्त गरेसंगै सत्तारुढ पांच दलीय गठबन्धनमा असन्तुष्टी छाएको छ ।

नेपाली काँग्रेसका महामन्त्री पूर्णबहादुर खड्काको नेतृत्वमा गठित सात सदस्यीय कार्यदललाई थाहै नदिई आइतबार प्रधानमन्त्री शेरबहादुर देउवाले स्वास्थ्य राज्यमन्त्रीमा उमेश श्रेष्ठलाई नियुक्त गरेका थिए । देउवाले स्वास्थ्यजस्तो महत्वपूर्ण मन्त्रालयमा कांग्रेसका अरु सांसदहरुलाई पन्छाउंदै स्वास्थ्य र शिक्षा क्षेत्रमा व्यवसाय गरिरहेका समानुपातिक सांसद श्रेष्ठलाई नियुक्त गरेसंगै उनको आलोचना बढेको हो ।

‘मन्त्री नियुक्तिबारे केही थाहा छैन । मन्त्री बनाएको नै थाहा हुँदैन भने यो कार्यदल भनेर हल्ला गर्नुको केही अर्थ छैन’, ‘न त मन्त्री बनाएको थाहा हुन्छ, न केही गरेको थाहा हुन्छ, अनि केकोे कार्यदल ’कार्यदलका संयोजक पूर्णबहादुर खड्का

खड्का नेतृत्वको कार्यदलको सदस्यमा काँग्रेसका डा। मिनेन्द्र रिजाल र रमेश लेखक, माओवादी केन्द्रबाट वर्षमान पुन र देव गुरुङ राजेन्द्र श्रेष्ठ र महेन्द्र राय यादव छन् ।

कार्यदलले प्रधानमन्त्री देउवालाई सुझाव दिएपछि उनको साउन १२ गतेभित्र मन्त्रिमण्डल बनाउने तयारी थियो । पांच दलिय गठवन्धनमा माधव नेपाल पक्ष,कांग्रेस,माओवादी केन्द्र र जसपाले ६, ६ वटा मन्त्री लिने सहमती बनेको छ । तर, नेपाल समुह सहभागी नबने त्यसमा फेरबदल समेत हुनेछ ।