देउवालाई कर्ण मल्लको चुनौती ‘बिना सुरक्षाकर्मी भोट माग्न डढेलधुरा टेकेर देखाउनुस् !’

सर्वोच्च अदालतको परमादेशबाट बनेको शेरबहादुर देउवा नेतृत्वको सरकारले मंसिर ४ गतेका लागी प्रतिनिधी सभा र प्रदेश सभाको निर्वाचनको मिति तोकेको छ । निर्वाचनको मिति नजिक आए सँगै माहोल निकै पेचिलो बन्दै गएको छ ।

नेपाली काग्रेसका सभापती समेत रहेका प्रधानमन्त्री शेरबहादुर देउवा सातौँ पटक डढेलधुरा जिल्लाबाट प्रतिनिधीसभा सदस्य पदका लागी प्रतिष्पर्धा गर्दैछन् । नेपाली काग्रेस डढेलधुराले देउवालाई सर्वसम्मत रुपमा एकल नाम प्रतिनिधीसभा सदस्यका लागी सिफारिस गरेको छ ।

ज्योतिषीको भविश्यवाणी अनुसार सात पटक नेपालको प्रधानमन्त्री बन्छु भनेर हिडेका देउवालाई यस पटक डढेलधुरामा निर्वाचन जितेर सांसद बन्ननै फलामको चिउरा चपाउनु सरह हुन सक्ने विश्लेषण सरु भएको छ । देउवालाई चुनाव हराउन भन्दै युवा इन्जिनियर सागर ढकाल देखी नेपाली काग्रेस विपीका वरिष्ठ उपसभापती कर्ण मल्ल सम्म मैदानमा उत्रिएका छन् ।

लामो समय सम्म देउवाको निकट सहयोगीको रुपमा रहेर काम गरेका कर्ण मल्ल अहिले नेपाली काग्रेस परित्याग गरी नेपाली काग्रेस विपीमा प्रवेश गरेका छन् । स्थानिय तहको निर्वाचनमा देउवाको गृह वडामै नेपाली काग्रेस विपीले नेपाली काग्रेसलाई पराजित गरिदिएको थियो ।

यस पटक डेडलधुरामा देउवासँग प्रत्यक्ष चुनावी प्रतिष्पर्धा गर्ने तयारीमा रहेका कर्ण मल्लले कुनै पनि हालतमा देउवालाई जित्न नदिने डिजाइन बनाएका छन् । प्रष्ट वक्ता र स्थानिय स्तरमा निकै लोकप्रिय रहेका मल्ललाई सिरियस उमेदवारको रुपमा हेरिएको छ ।

देउवाले पटक पटक डढेलधुराबासीको अपमान गरको आरोप मल्लले लगाउने गरेका छन् । पटक पटक डढेलधुराबाट चुनाव जितेर प्रधानमन्त्री भए पनि देउवाले डढेलधुरा जिल्लाको लागी केही माखो नमारेको आरोप मल्लको छ । देउवाले जिल्लाको लागी गरेको सबै अपमानको बदला यस पटक लिने तयारीमा कर्ण रहेका छन् ।

सातौँ पटक डढेलधुरा जिल्लाबाट निर्वाचन जितेर प्रधानमन्त्री बन्ने दाउमा रहेका देउवालाई मल्लले बिना सुरक्षाकर्मी भोट माग्न डढेलधुरा आउन चुनौती दिएका छन् । धेरै परेन जनताको छोरा हो भने विना सुरक्षाकर्मीे डढेलधुरा आएर भोट मागेर देखाउन मात्रै देउवाजीलाई चुनौती दिन चाहन्छु । मल्लले भनेका छन् ।

ओटिभी नेपाल डटकम सँगको विशेष कुराकानीमा मल्लले देउवालाई जनतासँग डर भएकै कारण सुरक्षाकर्मीको फौज लिएर हेलिकप्टरमा आउने गरेको बताए । जनताको छोरो हो र हिम्मत छ भने विना सुरक्षाकर्मी आएर भोट मागेर देखाउन देउवालाई मल्लले ओपन च्यालेन्ज दिएका छन् ।

पार्टीले उठाएमा देउवा विरुद्ध चुनावी प्रतिष्पर्धा गर्न आफु तयार रहेको भन्दै मल्लले देउवाले ३० बर्ष सम्म चुनाव जित्दा गर्न नसकेको काम आफुले पाँच बर्षमा गरेर देखाउने बाचा पनि उनले गरेका छन् । देउवाले डढेलधुराबासीलाई निकै अपमानित गरेको भन्दै उनले त्यो अपमानको बदला लिएरै छोड्ने उद्घोष पनि गरेका छन् ।

नेपाली काग्रेस विपीका वरिष्ठ उपसभापती कर्ण मल्ल सँग समसामयिक बिषयमा ओटिभी नेपाल डटकमले गरेको भिडियो कुराकानी हेर्नुहोस्