नागरिकतामै पिएचडी एस के तिमिल्सिनाको जिकिर ‘देउवा प्रचण्डलाई थुनेर भए पनि राष्ट्रपतिले नागरिकता विद्ययेक रोक्नुपर्छ !’

प्रतिनिधीसभा र राष्ट्रिय सभाबाट दोस्रो पटक पारित भएर गएको नागरिकता विद्ययेक पनि राष्ट्रपति विद्यादेवी भण्डारीले प्रमाणिकरण गरेकी छैनन् । आज सम्म पनि विद्ययेक प्रमाणिकरण नगरे पछि कतै राष्ट्रपतिले विद्ययेक प्रमाणिकरणनै नगर्ने त होइन ? भन्ने सवाल पनि उठ्न थालेका छन् ।

नागरिकताका बारेमा गहिरोसँग बुझेका विज्ञ तथा अभियान्ताहरुले फेरी पनि कुनै पनि हालतमा राष्ट्रपतिले विद्ययेक प्रमाणिकरण गर्न नहुने मत राखिरहेका छन् । विज्ञहरुले संविधान भन्दा देश ठूलो भएको भन्दै देशलाई सम्झेर राष्ट्रपतिले एक्सन लिनु पर्ने कुरा सुुझाइरहेका छन् ।

यसै सन्दर्भमा त्रिभुवन विश्वविद्यालयबाट नागरिकताकै बारेका पिएचडी गरिरहेका अधिवक्ता समेत रहेका एस के तिमिल्सिनाले अहिले पारित भएको नागरिकता विद्ययेकनै राष्ट्रपतिले प्रमाणिकरण गरेर लागु गरेमा भोली यो देशनै नरहने ठोकुवा गरेका छन् ।

विदेशीलाई समेत सजिलै नेपालको बंसजको नागरिकता दिने गरी विद्ययेक पारित भएको भन्दै तिमिल्सिनाले भोली नेपालको अस्तित्वनै समाप्त हुने खालका प्रावधानहरु नागरिकता विद्ययेकमा भएको जिकिर गरेका छन् । हरेक देशभक्त नेपालीहरुले नागरिकता विद्ययेकको विरोध गर्नै पर्ने मत उनले राखेका छन् ।

अधिवक्ता समेत रहेका तिमिल्सिनाले दोस्रो पटक पारित भएर गए पनि राष्ट्रपतिले यो विद्ययेक प्रमाणिकरण गर्न नहुने भनेका छन् । राष्ट्रपतिले पुनविचारका लागी सन्देश सहित प्रतिनिधीसभामा फिर्ता पठाएको कुरालाई राष्ट्र प्रमुखकै अपमान गरेर गठबन्धनले जस्ताको तस्तै पारित गराएको भन्दै उनले यो विद्ययेक प्रमाणिकरण गर्न राष्ट्रपति बाध्य नभएको भनेका छन् ।

दास्रो पटक पारित भएर गएको विद्ययेक प्रमाणिकरण गर्नै पर्ने बाध्यात्मक अवस्था राष्ट्रपतिलाई हुन्छ होइनर ?ः भन्ने ओटिभी नेपाल डटकमको प्रश्नमा तिमिल्सिनाले राष्ट्रपतिले भन्दा पहिला प्रतिनिधिसभा र गठबन्धनले संविधान मिचेको जिकिर गरेका छन् । संसदले संविधान मिच्न हुने राष्ट्रपतिले नमिल्ने भन्ने नहुने तर्क उनको छ ।

नागरिकता विद्ययेक रोक्नका लागी कडा कदम चाल्न पनि राष्ट्रपति तयार हुनु पर्ने सुझाव उनले दिएका छन् । आवश्यक पर्यो भने नेपाली सेनाको साथ लिएर भए पनि राष्ट्रपतिले यो नागरिकता विद्ययेक रोक्नु पर्ने धारणा उनले राखेका छन् ।

लाइन लागेर जो जसले नागरिकता विद्ययेक पारित गरेका छन् ति सबै जना देश द्रो ही रहेको भन्दै तिमिल्सिनाले ती सबैलाई गिरफ्तार गर्नु पर्ने बताएका छन् । देशकै सवाल रहेको भन्दै उनले नरम बनेर काम नहुने भनेका छन् । तिमिल्सिनाले आवश्यक पर्यो भने देउवा प्रचण्डलाई थुनेर भए पनि नागरिकता विद्ययेक रोक्नु पर्ने बताएका छन् ।

त्रिभूवन विश्वविद्यालयबाट नागरिकताकै बिषयमा पिएचडी गरिरहेका एस के तिमिल्सिनासँग समसामयिक बिषयमा केन्द्रित रहेर ओटिभी नेपाल डटकमले गरेको विस्तृत भिडियो कुराकानी हेर्नुहोस्